ମୁମ୍ଵାଇ ୦୯।୦୬: ବଲିଉଡ୍ର କଣ୍ଟ୍ରୋଭର୍ସି କ୍ଵିନ୍ କଙ୍ଗନା ରାଣାଓ୍ବତ୍ । ବର୍ତ୍ତମାନ ସେ ଅଭିନେତ୍ରୀରୁ ନେତ୍ରୀ ସାଜିଛନ୍ତି । ସେ ପୁଣି ଏବେ ଭାଜପା ଏମ୍ପି ।କଙ୍ଗନାଙ୍କୁ ଗୁରୁବାର ଚଣ୍ଡିଗଡ଼ ଏୟାରପୋର୍ଟରେ ଚାପୁଡ଼ା ମାରିଥିବା ସିଆଇଏସ୍ଏଫ୍ର ମହିଳା କନ୍ଷ୍ଟେବଲଙ୍କୁ କାର୍ଯ୍ୟରୁ ନିଲମ୍ବନ କରାଯାଇଥିଲା। ଯାହା ସୋସିଆଲ ମିଡିଆରେ ଘୂରି ବୁଲୁଛି ।ଏନେଇ ଅଭିନେତ୍ରୀଙ୍କ ବିରୋଧରେ କୃଷକଙ୍କ ଅସନ୍ତୋଷ ବଢ଼ିବାରେ ଲାଗିଛି। ଏହି କାର୍ଯ୍ୟାନୁଷ୍ଠାନକୁ ବିରୋଧ କରି ଏବଂ ଘଟଣାର ତଦନ୍ତ ଦାବିରେ କୃଷକ ସଙ୍ଗଠନ ୯ ତାରିଖରୁ ଆନ୍ଦୋଳନ କରିବାକୁ ଯୋଜନା କରିଛନ୍ତି। କୃଷକମାନେ ରବିବାର ପଞ୍ଜାବର ମୋହାଲିରେ ‘ଇନ୍ସାଫ୍ ମାର୍ଚ୍ଚ’ କରିବାକୁ ବାହାରିଛନ୍ତି।
୩୫ ବର୍ଷୀୟା ପଞ୍ଜାବୀ ମହିଳା ଗାର୍ଡ କୁଲବିନ୍ଦର କୌର ଏକ ଭିଡିଓ ଜାରି କରି କହିଛନ୍ତି, ୨୦୨୦-୨୧ରେ କେନ୍ଦ୍ରର ୩ ବିବାଦୀୟ କୃଷି ଆଇନ ବିରୋଧରେ ବିକ୍ଷୋଭ ବେଳେ କଙ୍ଗନା କହିଥିଲେ, ଏମାନେ ୧୦୦ ଟଙ୍କା ପାଇଁ ଆନ୍ଦୋଳନ କରୁଛନ୍ତି। ସେତେବେଳେ କୃଷକ ଆନ୍ଦୋଳନରେ ତାଙ୍କ ମା’ ମଧ୍ୟ ସାମିଲ ଥିଲେ ବୋଲି କୁଲବିନ୍ଦର କହିଛନ୍ତି। ସଂଯୁକ୍ତ କିଷାନ ମୋର୍ଚ୍ଚା (ଏସ୍କେଏମ୍) ଏବଂ କିଷାନ ମଜଦୁର ମୋର୍ଚ୍ଚା ଭଳି ପ୍ରମୁଖ କୃଷକ ସଙ୍ଗଠନ ଗୁଡ଼ିକ କୁଲବିନ୍ଦରଙ୍କୁ ସମର୍ଥନ ଜଣାଇଛନ୍ତି।
କୃଷକ ନେତାଙ୍କ ତରଫରୁ କୃଷକ ସଂଗଠନର ନେତା ଗଣମାଧ୍ୟମ ସହ କଥା ହୋଇ କହିଥିଲେ 'ଯଦି ଆମେ ଆମର ଜଣେ ଝିଅ କୁଲବିନ୍ଦରଙ୍କ ବିଷୟରେ ଦେଖାଯାଇଥିବା ପୁରା କାହାଣୀକୁ ଦେଖିବା, ତେବେ ପ୍ରକୃତ ପ୍ରସଙ୍ଗ ହେଲା ଯେ ଯେତେବେଳେ ମୋବାଇଲ ଏବଂ ପର୍ସ ଯାଞ୍ଚ କରାଯାଇଥିଲା, ସେତେବେଳେ ସମସ୍ତ ଜିନିଷ ବାହାରକୁ ଯାଇଥିଲା । ଯେତେବେଳେ କଙ୍ଗନାକୁ ଅଟକାଗଲା, ସେ ରାଗିଗଲେ।
ସେମାନଙ୍କ ପକ୍ଷରୁ କୁହାଯାଇଥିଲା ଯେ ସାଂସଦ ହୋଇ କଙ୍ଗନାଙ୍କ ଭିଆଇପି ସଂସ୍କୃତିର ପ୍ରଦର୍ଶନ ଯୋଗୁଁ ଏହି ପୂରା ଘଟଣା ଘଟିଛି। କୁଲବିନ୍ଦରଙ୍କର ଏଥିରେ କୌଣସି ଦୋଷ ନାହିଁ। ସେ ତାଙ୍କର କର୍ତ୍ତବ୍ୟ ପାଳନ କରିଛନ୍ତି। ତାଙ୍କୁ ଅନାବଶ୍ୟକ ଭାବରେ ଜଡିତ କରିବାକୁ ଚେଷ୍ଟା କରାଯାଉଛି।
