ନୂଆଦିଲ୍ଲୀ ୧୦/୦୮: ଶେଷ ହୋଇଛି ଟୋକିଓ ଅଲିମ୍ପିକ୍ସ । ହେଲେ ସରିନି କଳ୍ପନା ଜଳ୍ପନା । ଦିନକୁ ଦିନ ଏହାକୁ ନେଇ ଅନେକ ରୋଚକ ତଥ୍ୟ ସାମ୍ନାକୁ ଆସୁଛି । ଏଇ ନିକଟରେ ଗୁରୁତ୍ୱପୂର୍ଣ୍ଣ ଟିପ୍ପଣୀ ଦେଇଛନ୍ତି କ୍ରିକେଟ କିମ୍ୱଦନ୍ତୀ ସୁନିଲ ଗାଭାସ୍କର । ଅଲିମ୍ପିକ୍ସର ଅନ୍ତିମ ଦିନରେ ଭାରତ-ଇଂଲଣ୍ଡ ସିରିଜ୍ ଆରମ୍ଭ ହୋଇଥିଲ । ତଥାପି ମିଡିଆ କଭରେଜର ଫୋକସରେ ଥିଲା ଅଲିମ୍ପିକ୍ ।

{"id":493559,"width":873,"height":399,"sizeSlug":"full","linkDestination":"none"}

ଯେଉଁମାନେ କ୍ରିକେଟ୍ କଭରେଜ ପାଇଁ ସର୍ବଦା ଭାରତୀୟ ଗଣମାଧ୍ୟମକୁ ସମାଲୋଚନା କରିଛନ୍ତି ସେମାନଙ୍କୁ ସନ୍ତୁଷ୍ଟ କରିବା ପାଇଁ ଏହା ଯଥେଷ୍ଟ । ଏବେ ଆମ ପାଇଁ ଗୌରବ ହେଉଛି କି ଆମର ଦେଶର ଖେଳାଳି ଅଲିମ୍ପିକରେ ନିଜର ଶ୍ରେଷ୍ଠ ପ୍ରଦର୍ଶନ ଦେଇଛନ୍ତି । କ୍ରୀଡ଼ାବିତ୍ ବିଶେଷ କରି ମହିଳାମାନେ ଜିତିଥିବା ପଦକକୁ ନେଇ ଦେଶ ଖୁସି । ଏହାସହ ଅନେକ ପୁରସ୍କାର ଘୋଷଣା ମଧ୍ୟ ହୋଇଛି । ଯାହାକି ନିଶ୍ଚିତ ଭାବେ ଏକ ଭଲ ପଦକ୍ଷେପ ।

{"id":493560,"width":877,"height":493,"sizeSlug":"full","linkDestination":"none"}

ତେବେ ମଜ୍ଜା କଥା ହେଉଛି କି ଦିଆଯାଇଥିବା ପ୍ରତିଶୃତି ସବୁ ପୂରଣ ହୋଇଛି କି ନାହିଁ । ଅଭିଜ୍ଞତା କୁହେ, ୧୯୮୩ କ୍ରିକେଟ୍ ବିଶ୍ୱକପ୍ ଜିତିବା ପରେ ଆମକୁ ପୁରସ୍କାର ବାବଦକୁ ଟଙ୍କା ଏବଂ ଜିନିଷ ଦିଆଯିବା ନେଇ ଘୋଷଣା ହୋଇଥିଲା । ହେଲେ କ’ଣ ହେଲା କେଜାଣି ୮୫ ପ୍ରତିଶତରୁ ଅଧିକ ଖେଳାଳି ପ୍ରତିଶ୍ରୁତି ଅନୁଯାୟୀ କିଛି ପାଇଲେ ନାହିଁ । କିଛି କମ୍ପାନୀ ସେମାନଙ୍କ ପ୍ରତିଶ୍ରୁତି ପାଳନ କଲେ ଏକ ଦଶନ୍ଧି ପରେ ।

ଅନ୍ୟମାନେ କେବଳ ନିଜର ପଦୋନ୍ନତି ପାଇଁ ପୁରସ୍କାର ଘୋଷଣା କରିଥିଲେ । ଏହା ପରେ ତୁମ ପ୍ରତିଜ୍ଞା ସହିତ ତୁମେ କ’ଣ କରିଛ ତାହା କେହି ପଚାରିବାକୁ ଯାଇ ନଥିଲେ । ସରକାରୀ ସ୍ତରରେ ମଧ୍ୟ ଅନେକ ବିଜେତା ପୁରସ୍କାର ଘୋଷଣା ପାଇଁ ଦୀର୍ଘ ସମୟ ଅପେକ୍ଷା କରିଛନ୍ତି । ଏପରିକି କାର୍ଯ୍ୟାଳୟକୁ ଅନେକ ଥର ପରିଦର୍ଶନ କରିବାକୁ ଯାଇଛନ୍ତି । ଏବେ ଅଲିମ୍ପିକରେ ଆମର ଆଥଲେଟଙ୍କ ପ୍ରଦର୍ଶନ ଦେଶକୁ ସୁପରଚାର୍ଜ କରିଛି ।

ଅନେକ ଯୁବକ ବର୍ତ୍ତମାନ କ୍ରିକେଟ୍ ବ୍ୟତୀତ କ୍ରୀଡା ଆଡକୁ ମୁହାଁଇବେ ଯାହା ଏକ ଚମତ୍କାର ବିଷୟ । କିନ୍ତୁ ଯଦି ଏହି ଉତ୍ସାହକୁ ବଜାୟ ରଖିବାକୁ ହେବ, ତେବେ ଗଣମାଧ୍ୟମ ନିଶ୍ଚିତ କରିବା ଉଚିତ ଯେ ବିଜେତାମାନେ ସେମାନଙ୍କର ଅସଲ ପ୍ରାପ୍ୟ ପାଇଲେ କି ନା ନାହିଁ । ଅର୍ଥାତ୍ ଘୋଷଣା କରାଯଇଥିବା ପୁରସ୍କାର ରାଶି ସେମାନଙ୍କୁ ମିଳିଲା ନା ନାହିଁ । ମୁଁ ଅନରୋଧ କରିବି ଗଣମାଧ୍ୟମଙ୍କୁ ଖେଳାଳିଙ୍କୁ ଦିଆଯାଇଥିବା ପ୍ରତିଶ୍ରୁତିର ପୂରଣ କରାଯାଇଛି କି ନାହିଁ ତାହା ସ୍ପଷ୍ଟ କରନ୍ତୁ । ଯିବା ଉଚିତ୍।