oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାଜପୁର:ପ୍ରଧାନ ଶିକ୍ଷକଙ୍କ ବଦଳିକୁ ବିରୋଧ, ରାସ୍ତା ଉପରେ ପାଠ ପଢ଼ିଲେ ଛାତ୍ରଛାତ୍ରୀ
  • ||
  • ଛତିଶଗଡ଼ରେ ୪ ଓଡ଼ିଆଙ୍କୁ ନିର୍ମମ ହତ୍ୟା, ସ୍ୱାମୀ-ସ୍ତ୍ରୀ ଓ ଦୁଇ ଛୁଆ ମୃତ
  • ||
  • ଶାରଳାଙ୍କ ପୀଠରେ ଷଷ୍ଠୀ ପୂଜା, ମା’ଙ୍କ ଦର୍ଶନ ଲାଗି ଜମୁଛି ଶ୍ରଦ୍ଧାଳୁଙ୍କ ଭିଡ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୨୦୩ କୋଭିଡ୍ ପଜିଟିଭ୍
  • ||
  • ଭିଜିଲାନ୍ସ ଜାଲରେ ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରେଡ୍
  • ||
  • ଦୁଷ୍କର୍ମ ଅଭିଯୋଗରେ ଜେଲ୍ ଗଲା ଟୁଙ୍ଗୁରୁ ଭୋଳ, ବହୁଚର୍ଚ୍ଚିତ ପ୍ରେମ କାହାଣୀରେ ପଡିଲା ପୂର୍ଣ୍ଣଚ୍ଛେଦ
  • ||
  • ମହାଷଷ୍ଠୀରେ ଭିଜିବ ଉପକୂଳ, ସମ୍ଭାବ୍ୟ ଲଘୁଚାପ ପ୍ରଭାବରେ ପହିଲାରୁ ବଢିବ ବର୍ଷା ପରିମାଣ
  • ||
  • ଶୁକ୍ରବାର ବସିବ କ୍ୟାବିନେଟ ବୈଠକ, ୧୦ଟି ପ୍ରସ୍ତାବରେ ବାଜିପାରେ ମୋହର
  • ||

କଳ୍ପନା ମର୍ଡର ମିଷ୍ଟ୍ରି : ଲିଭ୍ ଇନ୍‌ରେ ରହିବା ସତ୍ତ୍ବେ କାହିଁକି କଳ୍ପନା ଏବଂ ତାଙ୍କ ଝିଅଙ୍କୁ ହତ୍ୟା କଲେ ଅନୁପ ସାଏ ?

15/02/2020 at 10:07 AM

ଝାରସୁଗୁଡା ୧୫।୨: ଶେଷରେ ଅନୁପ ସାଏଙ୍କଠାରୁ ସତ ଓଗାଳିଛି ଛତିଶଗଡ ପୋଲିସ । ଅନୁପ ଯେ, କଳ୍ପନା ଦାସ ଓ ତାଙ୍କ ଝିଅର ହତ୍ୟାକାରୀ ଏ ସତ ତାଙ୍କ ମୁହଁରୁ କାଢିଥିବା ଦାବି କରି ଛତିଶଗଡ ପୋଲିସ ତାଙ୍କୁ ଗିରଫ କରିଛି । ପରକୀୟା ପ୍ରୀତିରୁ ଏହି ହତ୍ୟାକାଣ୍ଡ ଘଟିଥିବା ପୋଲିସ କହିଛି । ଅନୁପଙ୍କୁ ଜେଲ୍ ପଠାଇ ଦିଆଯାଇଛି । ଏହି ଡବଲ୍ ମର୍ଡର ଘଟଣାରେ ଅନୁପଙ୍କ ଡ୍ରାଇଭରର ବି ସଂପୃକ୍ତି ଥିବା ପୋଲିସ ସ୍ପଷ୍ଟ କରିଛି । ଏହି ଘଟଣା ଛତିଶଗଡ ସମେତ ସାରା ରାଜ୍ୟରେ ଚାଞ୍ଚଲ୍ୟ ସୃଷ୍ଟି କରିଛି । ତେବେ କାହିଁକି ମା’ ଓ ଝିଅଙ୍କୁ ହତ୍ୟା କରିଥିଲେ ପୂର୍ବତନ ବିଧାୟକ ଅନୁପ ସାଏ ?  ଏହି ରହସ୍ୟ ଉପରୁ ପର୍ଦ୍ଦା ଉଠାଇଛି ଛତିଶଗଡ ପୋଲିସ ।

ରାୟଗଡ ପୋଲିସର ସୂଚନା ଅନୁଯାୟୀ, ସ୍ବାମୀ ପରିତ୍ୟକ୍ତା ମହିଳା କଳ୍ପନା ଦାସଙ୍କର ଅନୁପ ସାଏଙ୍କ ସହ ଅନୈତିକ ସମ୍ପର୍କ ରହିଥିଲା । ୨୦୧୧ରୁ ଦୁହେଁ ଭୁବନେଶ୍ବର ସୁନ୍ଦରପଦା ସ୍ଥିତ ଏକ ତିନି ମହଲା ଫ୍ଲାଟ୍ ରେ ରହୁଥିଲେ । ଅନୁପ ସାଏ ସବୁଦିନ ସେଠାକୁ ଯିବାଆସିବା କରୁଥିଲେ । ତେବେ କଳ୍ପନା ତାଙ୍କୁ ବାହା ହେବାକୁ କହିବା ପରେ ଅଡୁଆରେ ପଡିଯାଇଥିଲେ ଅନୁପ । ପ୍ରଥମେ ଅନୁପ ନିଜେ ବିବାହିତ ଓ ତାଙ୍କର ପରିବାର ରହିଛି କହି କଳ୍ପନାଙ୍କ ମନ ପରିବର୍ତ୍ତନ କରିବାକୁ ଚେଷ୍ଟା କରି ତାଙ୍କର ସମସ୍ତ ଖର୍ଚ୍ଚ ବହନ କରୁଥିବା କଥା କହିଥିଲେ । କିନ୍ତୁ କଳ୍ପନା ବାହା ହେବା ଜିଦରେ ରହିବାରୁ ତାଙ୍କୁ ରାସ୍ତାରୁ ସଫା କରିବାକୁ ରଚିଥିଲେ ଷଡଯନ୍ତ୍ର।

ତେବେ ଷଡ଼ଯନ୍ତ୍ର ସଫଳ କରିବାକୁ କଳ୍ପନାକୁ ବାହା ହେବା ପାଇଁ ମିଛ ଡ୍ରାମା କରି ଭୁବନେଶ୍ବରରୁ ଡକାଇ ଏକ ହୋଟେଲରେ ରଖିଥିଲେ । ସେଠାରେ ଅନୁପ କଳ୍ପନାଙ୍କ ସହ ଦେଖାହୋଇ ବିବାହ କରିବାର ପ୍ରତିଶୃତି ଦେଇଥିଲେ । ୨୦୧୬ମସିହା ମେ’ ମାସ ୬ ତାରିଖରେ ରାୟଗଡର ଏକ ମନ୍ଦିରରେ ବାହା ହେବା ପାଇଁ କଳ୍ପନାଙ୍କୁ କହିଥିଲେ ଅନୁପ । ନିଜ ଡ୍ରାଇଭର ସହ କଳ୍ପନାଙ୍କୁ ନେଇ ଅନୁପ ରାୟଗଡ ଯାଇଥିଲେ ।

ସେଠାରେ ଭଲ ହୋଟେଲ ନଥିବାର ନାଟକ ରଚି କଳ୍ପନା ଓ ତାଙ୍କ ଝିଅଙ୍କୁ ଧରି ଫେରିଥିଲେ । ଫେରିବା ବାଟରେ ହମିରପୁର ଜଙ୍ଗଲ ନିକଟସ୍ଥ ରାସ୍ତା ମଝିରେ କଳ୍ପନାଙ୍କୁ ହତ୍ୟା କରି ନିଜ ରାସ୍ତା ସଫା କରିବାକୁ ଯୋଜନା କରିଥିଲେ । ରାସ୍ତାରେ କଳ୍ପନାଙ୍କ ଉପରେ ବୋଲେରୋ ଚଢାଇ ଦେଇଥିଲେ । ଏମିତିକି ତାଙ୍କ ଚେହେରାକୁ କେହି ନଚିହ୍ନିବେ ସେଥିପାଇଁ ମଧ୍ୟ ଯୋଜନା କରିଥିଲେ । କିନ୍ତୁ ରାସ୍ତାରେ ଗାଡି ମଟର ଆସୁଥିବାରୁ ସେମାନଙ୍କ ଯୋଜନା ସଫଳ ହୋଇନଥିଲା । ହତ୍ୟା କରି ଅନୁପ ନିଜ ଡ୍ରାଇଭରଙ୍କ ସହ ସେଠାରୁ ପଳାଇ ଆସିଥିଲେ ।

କଳ୍ପନାଙ୍କ ମୃତଦେହ ଚକ୍ରଧରପୁର ଥାନା ଅନ୍ତର୍ଗତ ସମ୍ବଲପୁରୀ ବଙ୍ଗୁରସିଆରୁ ପୋଲିସ ଉଦ୍ଧାର କରିଥିଲା । ସେବେଠାରୁ ଏନେଇ ପୋଲିସ ଖୋଳତାଡ ଜାରି ରଖିଥିଲା  । ଘଟଣାର ବର୍ଷକ ପରେ ମୃତ କଳ୍ପନାଙ୍କ ପରିଚୟ ମିଳିଥିଲା । ତାଙ୍କର କଲ୍ ରେକର୍ଡ ଯାଞ୍ଚ କରିବା ପରେ ଅନୁପଙ୍କ ସଂପୃକ୍ତି ନେଇ ପୋଲିସ ସନ୍ଦେହ କରିଥିଲା । ଘଟଣା ସଂପର୍କରେ ପ୍ରାୟ ୭୦୦ଲୋକଙ୍କୁ ଜେରା କରିବା ପରେ ଅନୁପ ହିଁ ହତ୍ୟା କରିଛନ୍ତି ବୋଲି ପୋଲିସ ସ୍ପଷ୍ଟ ହୋଇଥିଲା ।

ତେବେ ଅନୁପଙ୍କୁ ଜେରା କରିବା ପାଇଁ ପୋଲିସ ଅନୁପଙ୍କୁ ବାରମ୍ବାର ଫୋନ୍ କରିଥିଲେ ବି ସେ ତଦନ୍ତରେ ସହଯୋଗ କରିନଥିଲେ । ଫଳରେ ତାଙ୍କ ନାମରେ ୱାରଣ୍ଟ ଜାରି ହୋଇଥିଲା । ଅନୁପଙ୍କ ଗତିବିଧି ଉପରେ ଛତିଶଗଡ ପୋଲିସ ନିଘା ରଖିବା ସହ ବୁଧବାର ରାତିରେ ତାଙ୍କୁ ଉଠାଇ ନେଇଥିଲା  । ପୋଲିସ ଜେରା ସମୟରେ ଏହି ହତ୍ୟାକାଣ୍ଡରେ ତାଙ୍କ ଡ୍ରାଇଭର ମଧ୍ୟ ସାମିଲ ଥିବା ସ୍ବୀକାର କରିଥିଲେ ଅନୁପ ସାଏ ।

   Related Posts