vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟି ବନ୍ଦ କରି ବ୍ୟାଟିଂ କର, ପଡିଆରେ ଜନି ବେୟରଷ୍ଟୋଙ୍କ- ବିରାଟ କୋହଲି ମୁହାଁମୁହିଁ, ଭିଡିଓ ଭାଇରାଲ
  • ||
  • ମହାରାଷ୍ଟ୍ର ରାଜନୀତି : ଆଜି ସଂଖ୍ୟା ଗରିଷ୍ଠତାର ପ୍ରମାଣ ଦେବେ ଏକନାଥ, ସେପଟେ ଅଡୁଆରେ ଠାକରେ ଗୋଷ୍ଠୀ
  • ||
  • ୨୪ ଘଣ୍ଟାରେ ଲଘୁଚାପ ବଳୟ, ଏହି ସବୁ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ରୋହିତ ଶର୍ମା ଫିଟ୍, ସୁସ୍ଥ ହେଲା ପରେ କରୁଛନ୍ତି ପ୍ରାକ୍ଟିସ୍
  • ||
  • ଖାଲି ଶତକ ନୁହେଁ, ବଡ ସ୍କୋର କରିବାରେ ମଧ୍ୟ ବିରାଟ ବିଫଳ : ଏଜବେଷ୍ଟନ୍ ଟେଷ୍ଟରେ ବି ଫ୍ଲପ୍ ରନ୍ ମେସିନ୍
  • ||

ଚିନ୍ତାଜନକ ! WHO କହିଲା- ୨୦୨୧ ମଧ୍ୟ ପର୍ଯ୍ୟନ୍ତ ବାହାରିପାରିବନି କରୋନା ଭ୍ୟାକସିନ୍

4/09/2020 at 8:13 PM

ଜେନେଭା: କରୋନା ଭ୍ୟାକସିନକୁ ନେଇ ବିଶ୍ବରେ ପ୍ରତିଯୋଗିତା ଚାଲିଥିବା ବେଳେ ବିଶ୍ବ ସ୍ବାସ୍ଥ୍ୟ ସଂଗଠନ(WHO) ଆଣିଛି ଦୁଃଖ ଖବର । ବିଶ୍ବ ସ୍ବାସ୍ଥ୍ୟ ସଂଗଠନ(WHO) କରୋନା ଭ୍ୟାକସିନ୍‌କୁ ନେଇ ନୂଆ ମନ୍ତବ୍ୟ ଦେଇଛି । ଆଗାମୀ ବର୍ଷ ମଧ୍ୟ ପର୍ଯ୍ୟନ୍ତ କରୋନା ଭ୍ୟାକସିନ୍‌ ଆସିପାରିବ ନାହିଁ ବୋଲି ବିଶ୍ବ ସ୍ବାସ୍ଥ୍ୟ ସଂଗଠନ ଦାବି କରିଛି । ଯେତେ ବି ଫାର୍ମାସିଟିକାଲ କମ୍ପାନୀ ଏବେସୁଦ୍ଧା ଭ୍ୟାକସିନ ପ୍ରସ୍ତୁତ କରିଛନ୍ତି ସେମାନେ ଆଡଭାନ୍ସଡ୍‌ କ୍ଲିନିକାଲ ଟ୍ରାଏଲରେ ଅତିକମ୍‌ରେ ୫୦ ପ୍ରତିଶତ ରେଜଲ୍ଟ ଦେବାରେ ସକ୍ଷମ ହୋଇପାରି ନାହାନ୍ତି ବୋଲି ବିଶ୍ବ ସ୍ବାସ୍ଥ୍ୟ ସଂଗଠନର ପ୍ରବକ୍ତା ମାର୍ଗାରେଟ ହ୍ୟାରିସ୍‌ କହିଛନ୍ତି ।

ଅନ୍ୟପଟେ ଚଳିତବର୍ଷ ଅକ୍ଟୋବର ବା ନଭେମ୍ବରରେ ଦୁଇଟି ଭ୍ୟାକସିନ ପ୍ରସ୍ତୁତ କରିପାରିବ ବୋଲି ସ୍ବାସ୍ଥ୍ୟ ଏଜେନ୍ସିକୁ କହିଛି ଆମେରିକୀୟ ସଂସ୍ଥା ସେଣ୍ଟର ଫର ଡିଜିଜ୍‌ କଂଟ୍ରୋଲ ଆଣ୍ଡ ପ୍ରିଭେନ୍ସନ (ସିଡିସି) । ପୂର୍ବ ସପ୍ତାହରେ ସିଡିସି ଦ୍ବରା ଜନ ସ୍ବାସ୍ଥ୍ୟ ଏଜେନ୍ସିକୁ ପଠାଯାଇଥିବା ଦସ୍ତାବିଜ୍‌ରେ ଦୁଇଟି ଭ୍ୟାକସିନ୍‌ର ନାଁ ଏ ଓ ବି ବୋଲି ଉଲ୍ଲେଖ ରହିଛି । ଏଥିରେ ଭ୍ୟାକସିନ୍‌ ସମ୍ପର୍କିତ ବହୁ ତଥ୍ୟ ମଧ୍ୟ ସାମିଲ ରହିଛି ।

ଏଥିରେ ଭ୍ୟାକସିନ୍‌ ପ୍ରସ୍ତୁତ ହେବା ବେଳେ ତାପମାତ୍ରା କେତେ ରହିବ ଆବଶ୍ୟକ ତାହା ମଧ୍ୟ ଉଲ୍ଲେଖ ରହିଛି । ତେବେ ଏହି ମାନକ ମାର୍ଡର୍ଣ୍ଣା ଓ ଫାଇଜର କମ୍ପାନୀ ଦ୍ବାରା ବିକଶିତ ଭ୍ୟାକସିନ ସହ ମେଳ ଖାଉଥିବା ଜଣାପଡ଼ିଛି । ଏହାସହ ଆମେରିକାରେ ଏସ୍ଟ୍ରାଜେନେକା ଦ୍ବାରା ପ୍ରସ୍ତୁତ ଭ୍ୟାକସିନର ଟ୍ରାଏଲ ତୃତୀୟ ଚରଣରେ ପହଞ୍ଚିସାରିଛି । ଆମେରିକାରେ ମୋଟ ୮୦ ସ୍ଥାନରେ ୩୦ ହଜାର ସ୍ବେଚ୍ଛାସେବୀଙ୍କ ଉପରେ ଏହାର ପରୀକ୍ଷଣ ଚାଲିଥିବା ଜଣାପଡ଼ିଛି । ନିକଟରେ ଏହି ଭ୍ୟାକସିନ ନେଇ ଆମେରିକା ରାଷ୍ଟ୍ରପତି ଟ୍ରମ୍ପ ସୂଚନା ଦେଇଥିଲେ । ଏସ୍ଟ୍ରାଜେନେକା ଭ୍ୟାକସିନ୍‌ର ତୃତୀୟ ଚରଣ ପରୀକ୍ଷଣ ଚାଲିଛି, ଏହା ଅନ୍ୟ ଭ୍ୟାକସିନ୍‌ ସୂଚୀରେ ସାମିଲ ହୋଇସାରିଛି । ଯାହାର ବ୍ୟବହାର କରୋନା ସହ ଲଢ଼ିବା ପାଇଁ ହେବ ବୋଲି ସୂଚନା ଦେଇଥିଲେ ଟ୍ରମ୍ପ ।

   Related Posts