scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଢେଙ୍କାନାଳ କମଳାଙ୍ଗରେ ଏକା ଥରକେ ୭ଟି ହାତୀଙ୍କ ମୃତ୍ୟୁ ପାଇଁ କିଏ ଦାୟୀ ? ଆରମ୍ଭ ହେଲା ପରସ୍ପର ଉପରକୁ ଦୋଷ ଠେଲିବା

27/10/2018 at 6:36 PM

ଭୁବନେଶ୍ବର ୨୭|୧୦: ଢେଙ୍କାନାଳ କମଳାଙ୍ଗରେ ଏକା ଥରକେ ୭ଟି ହାତୀଙ୍କ ମୃତ୍ୟୁ ପାଇଁ କିଏ ଦାୟୀ ? ବନ ବିଭାଗ ନା ବିଦ୍ୟୁତ୍ ବିଭାଗ ? ସ୍ଥାନୀୟ ଲୋକେ, ବନବିଭାଗ ଏବଂ ଜଙ୍ଗଲ ମନ୍ତ୍ରୀ କହୁଛନ୍ତି ହାତୀଙ୍କ ମୃତ୍ୟୁ ପାଇଁ ବିଦ୍ୟୁତ ବିଭାଗ ହିଁ ଦାୟୀ । ସେପଟେ ଘଟଣାସ୍ଥଳରେ ବନବିଭାଗର ବରିଷ୍ଠ ଅଧିକାରୀ ପହଞ୍ଚିଥିବା ବେଳେ ବିଦ୍ୟୁତ୍ ବିଭାଗ କିମ୍ବା ସେସୁଠାରୁ ବିଦ୍ୟୁତ୍ ନେଇ ରେଳ ବିଭାଗର କାମ କରୁଥିବା ଠିକାଦାରୀ ସଂସ୍ଥାର କୌଣସି ଅଧିକାରୀ କିମ୍ବା କର୍ମଚାରୀଙ୍କ ଛାଇ ଦେଖିବାକୁ ମିଳି ନଥିଲା ।

ଏକା ଥରକେ ମଲେ ୭ ହାତୀ । ଢେଙ୍କାନାଳ ସଦର ରେଞ୍ଜ ଅନ୍ତର୍ଗତ କମଳାଙ୍ଗରେ ଗତରାତିରେ ଘଟିଛି ଏମିତି ଅଭାବନୀୟ ଘଟଣା । ଧାନ ଖାଇବାକୁ ୧୩ଟିକିଆ ହାତୀ ପଲ, ଆସିଥିବା ବେଳେ ସେମାନଙ୍କ ମଧ୍ୟରୁ ୭ଟି ହାତୀଙ୍କ ମୃତ୍ୟୁ ହୋଇଛି । ଇଲେଭେନ୍ କେଭି ବିଦ୍ୟୁତ୍ ତାର ସଂସ୍ପର୍ଶରେ ଗୋଟେ ଦନ୍ତା, ୫ଟି ବଡ଼ ମାଇ ହାତୀ ଏବଂ ଗୋଟେ ଛୋଟ ମାଇ ହାତୀର ମୃତ୍ୟୁ ମୃତ୍ୟୁ ହୋଇଛି ।

ମାଟିଠାରୁ ମାତ୍ର ୫/୬ ଫୁଟ ଉପରେ ଝୁଲୁଥିବା ହାଇ ଟେନସନ୍ ବିଦ୍ୟୁତ୍ ତାର ହାତୀଙ୍କ ପାଇଁ କାଳ ହେଲା । ତେବେ କାହିଁକି ଏଠାରେ ଏମିତି ତାର ଝୁଲି ରହିଥିଲା ? କିଏ, କେବେ ଠାରୁ ଏମିତି ତାରକୁ ଝୁଲାଇ ରଖିଥିଲେ ? ବ୍ରାହ୍ମଣୀ ନଦୀ ଉପରେ ରେଳୱେ ବ୍ରିଜ୍ କାମ ଚାଲିଥିବା ବେଳେ ଠିକା ନେଇଛି ରାହି କନଷ୍ଟ୍ରକସନ୍ । ୧୨ କିଲୋମିଟର ଦୂର ସେସୁର ମେରାମୁଣ୍ଡଳି ସେକସନରୁ ବିଦ୍ୟୁତ୍ ନେଇ ୩/୪ ବର୍ଷ ହେବ କାମ କରୁଛି ରାହି କନଷ୍ଟ୍ରକସନ୍ । କିନ୍ତୁ ବର୍ଷେ ହେବ ତାର ଏହି ହାଇ ଟେନସନ୍ ତାର ଝୁଲି ଝୁଲି ବିପଦ ସ୍ତରକୁ ଚାଲି ଆସିଥିଲା । ସ୍ଥାନୀୟ ଲୋକେ ବାରମ୍ବାର ସେସୁକୁ ଜଣାଇଥିଲେ । କିନ୍ତୁ କେହି ଶୁଣିଲେନି । ଯେଉଁଥି ପାଇଁ ଏବେ ୭ଟି ହାତୀଙ୍କୁ ଅକାଳରେ ଜୀବନ ହରାଇବାକୁ ପଡ଼ିଲା ।

ବନ ବିଭାଗର ବରିଷ୍ଠ ଅଧିକାରୀ ଘଟଣାସ୍ଥଳକୁ ଯାଇ ସ୍ଥିତି ଅନୁଧ୍ୟାନ କରିଛନ୍ତି । ୭ଟି ହାତୀ ମଧ୍ୟରୁ ୪ଟି ହାତୀର ବ୍ୟବଚ୍ଛେଦ ହୋଇଛି । ସମୟ ଏବଂ ଲଜିଷ୍ଟିକ୍ ସପୋର୍ଟ ଅଭାବରୁ ଆଉ ୩ଟି ହାତୀର ବ୍ୟବଚ୍ଛେଦ ହୋଇ ପାରିନି । ଯାହା ଆସନ୍ତାକାଲି କରାଯିବ । 

ଅଘଟଣ ପାଇଁ ବନ ବିଭାଗ, ବିଦ୍ୟୁତ୍ ବିଭାଗକୁ ଦାୟୀ କରୁଛି । ପରିସ୍ଥିତି ଦେଖିଲେ ଜଣାପଡୁଛି, ବିଦ୍ୟୁତ୍ ବିଭାଗ ନିଶ୍ଚିତ ଦାୟୀ । ତେବେ ବନ ବିଭାଗର ଫିଲ୍ଡ ଷ୍ଟାଫ୍ କଣ ପୂରା ନିର୍ଦ୍ଦୋଷ ? ସଂପୃକ୍ତ ଅଞ୍ଚଳରେ ହାତୀ ଥିବା ଜାଣି କାହିଁକି ଉପରିସ୍ଥ ଅଧିକାରୀଙ୍କ ମାଧ୍ୟମରେ ସେସୁକୁ ତରତର କରାଇ ନଥିଲେ ବନବିଭାଗର ଫିଲ୍ଡ ଷ୍ଟାଫ୍ ? ଜଂଗଲମନ୍ତ୍ରୀ ବିଜୟଶ୍ରୀରାଇତରାୟ କହିଛନ୍ତି ଯେ, କାର୍ଯ୍ୟରେ ଅବହେଳା କରିଛନ୍ତି ବିଦ୍ୟୁତ୍‌ କର୍ମଚାରୀ । ବିଦ୍ୟୁତ୍‌ କର୍ମଚାରୀଙ୍କ ବିରୋଧରେ ନିଆଯିବ କାର୍ଯ୍ୟାନୁଷ୍ଠାନ । ପୂର୍ବରୁ ଜଙ୍ଗଲ ବିଭାଗ ବିଦ୍ୟୁତ୍‌ ବିଭାଗକୁ ଲେଖିଥିଲା ଚିଠି । ତାର ଝୁଲିବା ନେଇ ବିଦ୍ୟୁତ୍‌ ବିଭାଗକୁ ମଧ୍ୟ ଜଣାଇଥିଲେ ସ୍ଥାନୀୟ ଲୋକେ । ତଥାପି ବିଭାଗ କୌମସି ପଦକ୍ଷେପ ନେଇନଥିଲା ।

ଅପରପକ୍ଷରେ ଅଘଟଣର ବହୁ ସମୟ ପରେ ଘଟଣାସ୍ଥଳରେ ପହଞ୍ଚିଥିଲେ ବନବିଭାଗର ବରିଷ୍ଠ ଅଧିକାରୀ । ଆଉ ଅପରାହ୍ନରେ ପହଞ୍ଚିଲା ବିଦ୍ୟୁତ୍ ବିଭାଗ ଟିମ୍ ।

   Related Posts