scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ରାଶି ଅନୁସାରେ କୋଉଠି ଭେଟିବେ ଆପଣ ନିଜ ଭାବି ପାର୍ଟନରଙ୍କୁ

19/10/2018 at 2:43 PM

ମେଷ : ସାଧାରଣତଃ ମେଷ ରାଶି ଲୋକେ ଶକ୍ତିଶାଳୀ, ଆବେଗଶୀଳ ହୋଇଥାନ୍ତି | ଏହି ରାଶିର ବ୍ୟକ୍ତିମାନେ ଗୋଟିଏ ଜାଗାରେ ସ୍ଥିର ହୋଇ ରହିପାରନ୍ତିନାହିଁ | ସେମାନେ ନିଜକୁ ଚ୍ୟାଲେଞ୍ଜ କରିବା ଭଳି କାମ କରିବାକୁ ଭଲ ପାଆନ୍ତି | ଏମାନଙ୍କୁ ଶାରୀରିକ ସାହାସିକତା ଜନିତ କାମ କରିବାକୁ ଭଲ ଲାଗେ | ତେବେ ମେଷ ରାଶି ବ୍ୟକ୍ତି ନିଜ ପାର୍ଟନରଙ୍କୁ କୌଣସି ପାହାଡିଆ ଜାଗା କିମ୍ବା ଜଙ୍ଗଲିଆ ଜାଗାରେ ଟ୍ରାକିଙ୍ଗ ସମୟରେ ଦେଖା ହେବ |

ବୃଷ : ବୃଷ ରାଶି ବ୍ୟକ୍ତି ବିଶେଷ ନୂଆ ନୂଆ ଲୋକଙ୍କ ସଂଗେ ମିଶିବା ପାଇଁ ଭଲପାଆନ୍ତି | ଏମାନେ କୌଣସି ରେସ୍ତୋରାଁରେ କିଛି ନୂଆ ବ୍ୟଂଜନ ଖାଇବା ବେଳେ କିମ୍ବା ଶପିଂ ମଲରେ କିଣାକିଣି କରିବା ବେଳେ ନିଜ ଭାବି ପାର୍ଟନରଙ୍କ ସହ ଦେଖା କରିପାରନ୍ତି |

ମିଥୁନ : ମିଥୁନ ରାଶି ବ୍ୟକ୍ତି ବିଶେଷ ନିଜ ପ୍ରେମ ଜୀବନକୁ ନେଇ ସାଧାରଣତଃ ଦ୍ବନ୍ଦ୍ବରେ ଥାଆନ୍ତି | ତେବେ ଏମାନେ ନିଜ ସମ୍ପର୍କୀୟଙ୍କ ଜରିଆରେ ହିଁ ନିଜ ଲାଇଫ ପାର୍ଟନର ପାଇବେ । ଯଦି ନିଜ ପାର୍ଟନରଙ୍କୁ ନେଇ ମନ ଭିତରେ କେବେ କୌଣସି ଦ୍ବନ୍ଦ୍ବ ଉପୁଜେ, ତାହେଲେ ସମ୍ପର୍କୀୟଙ୍କ ହସ୍ତକ୍ଷେପରେ ତାହା ସମାଧାନ ହୋଇଯିବ । ଆପଣଙ୍କ ସାଙ୍ଗମାନେ ଏକ୍ଷେତ୍ରରେ ଆପଣଙ୍କୁ ଠିକ ନିଷ୍ପତ୍ତି ନେବାରେ ସାହାଯ୍ୟ କରିବେ |

କର୍କଟ : କର୍କଟ ରାଶିର ବ୍ୟକ୍ତି ସାଧାରଣତଃ ଭାବପ୍ରବଣ ହୋଇଥାନ୍ତି ଯେଉଁମାନେ ସତ୍ୟ ପ୍ରେମ, ବାହାଘର ଏବଂ ପରିବାର ଉପରେ ବହୁତ ବିଶ୍ୱାସ କରନ୍ତି | ତେଣୁ ଡେଟିଂ ଆପ ଏମାନଙ୍କ ପାଇଁ ଠିକ ଯାଗା ନୁହେଁ | ମାଟ୍ରିମନିଏଲ ସାଇଟରୁ ଏମାନେ ନିଜ ପାର୍ଟନରଙ୍କ ପାଇପାରନ୍ତି କିମ୍ବା ନିଜର କୌଣସି ସମ୍ପର୍କୀୟଙ୍କ ବାହାଘରରେ ମଧ୍ୟ ଭାବି ପାର୍ଟନରଙ୍କ ସହ ଦେଖା ହୋଇପାରେ |

ସିଂହ : ସିଂହ ରାଶି ବ୍ୟକ୍ତି ବିଶେଷ ଦୃଢମନା ହୋଇଥାନ୍ତି | ଏମାନଙ୍କର ନିଜ ଉପରେ ପ୍ରଗାଢ ବିଶ୍ୱାସ ଥାଏ | ଏମାନେ ଭଲରେ ଜାଣିଥାନ୍ତି ଯେ, ସେ ତାଙ୍କ ପାର୍ଟନର ଠାରୁ କଣ ଚାହୁଁଛନ୍ତି | ଏମାନେ ସମ୍ଭବତଃ କୌଣସି ଡେଟିଂ ଆପରେ ନିଜ ପାର୍ଟନରଙ୍କ ସଂଧାନ ପାଇବେ |

କନ୍ୟା : କନ୍ୟା ରାଶି ବ୍ୟକ୍ତିମାନେ ସାଧାରଣତଃ କଠିନ ପରିଶ୍ରମୀ ଏବଂ ଭବିଷ୍ୟତମୁଖୀ ହୋଇଥାନ୍ତି | ଏମାନେ ସବୁବେଳେ ସେଇ ଲୋକଙ୍କୁ ପସନ୍ଦ କରନ୍ତି ଯେଉଁମାନେ ତାଙ୍କୁ ପ୍ରଫେସନାଲ କ୍ୟାରିୟରରେ ଆଗକୁ ବଢିବାରେ ସାହାଯ୍ୟ କରନ୍ତି |ତେବେ ନିଜ କର୍ମକ୍ଷେତ୍ରରେ ହିଁ ଆପଣଙ୍କର ନିଜ ପାର୍ଟନର ସହିତ ଦେଖା ହୋଇପାରେ |

ତୁଳା : ତୁଳା ରାଶି ବ୍ୟକ୍ତି ବିଶେଷ ସାଧାରଣତଃ ରୋମାଣ୍ଟିକ ସ୍ୱଭାବର ହୋଇଥାନ୍ତି | ନୂଆ ନୂଆ ତଥ୍ୟ ଜାଣିବାକୁ ଏମାନଙ୍କ ଭିତରେ ପ୍ରଗାଢ ଆଗ୍ରହ ଥାଏ | ଏମାନେ ଆକର୍ଷଣର କେନ୍ଦ୍ରବିନ୍ଦୁ ହେବାକୁ ମଧ୍ୟ ଭଲପାଆନ୍ତି | ଏହି ରାଶିର ବ୍ୟକ୍ତି କୌଣସି ଡ୍ୟାନ୍ସ କ୍ଲାସରେ କିମ୍ବା କୌଣସି କ୍ରାଫ୍ଟ କ୍ଲାସରେ ନିଜ ପାର୍ଟନରଙ୍କ ସହିତ ଦେଖା ହୋଇପାରନ୍ତି |

ବିଛା : ବିଛା ରାଶି ବ୍ୟକ୍ତି ପ୍ରାୟତଃ ଅନ୍ତର୍ମୁଖୀ ସ୍ୱଭାବର ହୋଇଥାନ୍ତି | କୌଣସି ଲୋକକୁ ବିଶ୍ୱାସ କରିବା ପାଇଁ ଏମାନେ ଯଥେଷ୍ଟ ସମୟ ନେଇଥାନ୍ତି | ଏମାନେ ପ୍ରାୟତଃ ନିଜର ବନ୍ଧୁମାନଙ୍କ ଭିତରେ ହିଁ ନିଜ ପାର୍ଟନରଙ୍କୁ ପାଇବାର ସମ୍ଭାବନା ଥାଏ | କାରଣ ଦୁହିଁ ଙ୍କ ମଧ୍ୟରେ ପୂର୍ବରୁ ହିଁ ବୁଝାମଣା ଠିକ ଥାଏ | ଦୁହେଁ ଦୁହିଁଙ୍କୁ ଠିକ ଭାବେ ବୁଝିପାରନ୍ତି |

ଧନୁ : ଧନୁ ରାଶି ବ୍ୟକ୍ତି ସାଧାରଣତଃ ବୁଲାବୁଲି କରିବାକୁ ବେଶୀ ଭଲପାଆନ୍ତି | ନୂଆ ନୂଆ ଜାଗା ଭ୍ରମଣ କରିବାକୁ ତତ୍ପର ଥାନ୍ତି | ତେଣୁ ଏହି ରାଶିର ବ୍ୟକ୍ତି ଏମିତି ହିଁ କୌଣସି ଜାଗାକୁ ଛୁଟିରେ ଯାଇଥିବା ବେଳେ ନିଜ ପାର୍ଟନରଙ୍କୁ ଭେଟି ପାରନ୍ତି | ତେବେ ପୂର୍ବରୁ ଭ୍ରମଣରେ ଯାଇଥିବା ଜାଗାଗୁଡିକ ବିଷୟରେ ଏମାନେ କଥାବାର୍ତ୍ତା କରି ନିଜ ସମ୍ପର୍କକୁ ମଧୁର କରିପାରନ୍ତି |

ମକର : ମକର ରାଶିର ବ୍ୟକ୍ତି ନିଜ କ୍ୟାରିଅର ଉପରେ ଅଧିକ ଫୋକସ ଦେଇଥାନ୍ତି | ତେବେ ଜୀବନକୁ ଉପଭୋଗ କରିବାକୁ ମଧ୍ୟ ଏମାନେ ଭୁଲନ୍ତିନାହିଁ | ଏହି ରାଶିର ଯୁବକ\ଯୁବତୀ କୌଣସି ଡିସ୍କୋଥେକ୍‌ ବା ପବରେ ନିଜ ପାର୍ଟନରଙ୍କୁ ଅଚାନକ ଭେଟିପାରନ୍ତି | ଏମାନଙ୍କ ପାର୍ଟନର ଏମାନଙ୍କୁ ଠିକ ସମୟରେ ନିଜ କାମ ସାରି ନିଜ ଜୀବନକୁ ଉପଭୋଗ କରିବା ପାଇଁ ସମୟ ବାହାର କରିବା ଶିଖେଇଥାନ୍ତି |

କୁମ୍ଭ : କୁମ୍ଭ ରାଶି ବ୍ୟକ୍ତି ପଢିବାକୁ ବେଶୀ ଭଲପାଆନ୍ତି | ନୂଆ ନୂଆ ଆଇଡ଼ିଆ ସମ୍ପର୍କରେ ଆଲୋଚନା କରି ନିଜର ଜ୍ଞାନ ବଢେଇବାକୁ ଭଲପାଆନ୍ତି | କୌଣସି ଲାଇବ୍ରେରୀ କିମ୍ବା ବୁକ କ୍ୟାଫେରେ ଦେଖା ଏମାନଙ୍କ ପାର୍ଟନର ଦେଖା ହୋଇପାରନ୍ତି ।| ନିଜ ପାର୍ଟନର ସହିତ କଥାବାର୍ତାକୁ ଏମାନେ ବହୁତ ଉପଭୋଗ କରନ୍ତି |

ମୀନ : ମୀନ ରାଶି ବ୍ୟକ୍ତି ବହୁତ କ୍ରିଏଟିଭ ବା ସୃଜନଶୀଳ ଥାଆନ୍ତି ଏବଂ ଚିତ୍ରକଳାକୁ ବେଶ ଭଲପାଆନ୍ତି | ତେଣୁ ଏମାନେ କୌଣସି ଆର୍ଟ ଗ୍ୟାଲେରୀରେ  ପେଣ୍ଟିଙ୍ଗର ଚର୍ଚ୍ଚା କଲାବେଳେ ନିଜ ପାର୍ଟନରଙ୍କ ସହିତ ଦେଖା ହୋଇପାରନ୍ତି |

   Related Posts