ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରୀମନ୍ଦିର ଉପରେ ଡ୍ରୋନ୍‌ ଉଡାଇବା ଘଟଣା : ଅପଲୋଡ ଭିଡିଓ ଡିଲିଟ୍‌ କଲେ ୟୁଟ୍ୟୁବର, ଆଉ ହାତଯୋଡି କ୍ଷମା ବି ମାଗିଲେ…
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

ମୌସୁମୀ ବର୍ଷାରେ ନଷ୍ଟ ହୋଇପାରେ ଗହମ : ବିଭିନ୍ନ ବନ୍ଦରରେ ପଡିରହିଛି ୧.୭ ନିୟୁତ ଟନ୍ ଶସ୍ୟ

3/06/2022 at 11:30 AM

ନୂଆଦିଲ୍ଲୀ ୦୩/୦୬:   ଗତ ମାସ ଗହମ ରପ୍ତାନି ଉପରେ କଟକଣା ଲଗାଇଥିଲେ କେନ୍ଦ୍ର ସରକାର । ତେବେ ୪୬୯,୨୦୨ ଟନ୍‌ ଗହମ ରପ୍ତାନିକୁ କେନ୍ଦ୍ରୀୟ ଅନୁମତି ମିଳିଥିବାବେଳେ ବିଭିନ୍ନ ବନ୍ଦରରେ ଆଉ ୧.୭ ନିୟୁତ ଟନ୍‌ ଗହମ ପଡ଼ିରହିଛି । ଆଗକୁ ମୌସୁମୀ ବର୍ଷା ମଧ୍ୟରେ ଏସବୁ ନଷ୍ଟ ହୋଇଯିବ ବୋଲି ଶିଳ୍ପ ଅଧିକାରୀମାନଙ୍କ ପକ୍ଷରୁ ଅନୁମାନ କରାଯାଇଛି ।

ତେବେ ଯେଉଁ ଦେଶଗୁଡ଼ିକୁ ରପ୍ତାନି ଅନୁମତି ମିଳିଛି ସେମାନେ ହେଲେ ବାଂଲାଦେଶ, ଫିଲିପାଇନ୍ସ, ତାଞ୍ଜାନିଆ ଏବଂ ମାଲେସିଆ।ଘରୋଇ ବଜାରରେ ଦର ନିୟନ୍ତ୍ରଣ ଲାଗି ସରକାର ଲଗାଇଥିବା କଟକଣା ଫଳରେ ମେ’ରେ ଦେଶରୁ ଗହମ ରପ୍ତାନି ହ୍ରାସ ପାଇଛି । ଆଲୋଚ୍ୟ ସମୟରେ ଦେଶରୁ ମୋଟ ୧.୧୩ ନିୟୁତ ଟନ୍‌ ଗହମ ରପ୍ତାନି ହୋଇଛି, ଯାହାକି ଏପ୍ରିଲରେ ରେକର୍ଡ ୧.୪୬ ନିୟୁତ ଟନ୍‌ ଥିଲା ।

ବିଶ୍ୱର ଦ୍ୱିତୀୟ ବୃହତ୍‌ ଗହମ ଉତ୍ପାଦନକାରୀ ହେଉଛି ଭାରତ । ଘରୋଇ ବଜାରରେ ଦରବୃଦ୍ଧିକୁ ନିୟନ୍ତ୍ରଣ କରିବା ପାଇଁ ଏହା ମେ’ ୧୪ରେ ରପ୍ତାନି କଟକଣା ଲଗାଇଥିଲା ।ତେବେ କିଛି ସର୍ତ୍ତାବଳୀ ସହ ରପ୍ତାନି ଅନୁମତି ଦିଆଯିବ ବୋଲି ସରକାର ନିଜ ବିବୃତିରେ କହିଥିଲେ । ଖାଦ୍ୟ ନିରାପତ୍ତାକୁ ଆଖି ଆଗରେ ରଖି ଦେଶଗୁଡିକର ସରକାରଙ୍କ ଅନୁରୋଧ କ୍ରମେ ରପ୍ତାନି ଅନୁମତି ଦିଆଯିବ ବୋଲି ସରକାର ସ୍ପଷ୍ଟ କରିଥିଲେ । ରପ୍ତାନିରେ ସାମାନ୍ୟ କୋହଳ କରାଯିବା ସତ୍ତେ୍ୱ ଏବେ ବି ୧.୭ ନିୟୁତ ଟନ୍‌ ଗହମ ବନ୍ଦରଗୁଡ଼ିକରେ ପଡ଼ିରହିଛି । କଟକଣା ଲାଗିବା ପୂର୍ବରୁ ରପ୍ତାନିକାରୀମାନେ ବୃହତ୍‌ ମାତ୍ରାରେ ଗହମକୁ ବନ୍ଦର ପଠାଇ ଦେଇଥିଲେ । ଏବେ ସେସବୁ ସେଠାରେ ପଡ଼ିରହିଛି ।

କାଣ୍ଡ୍‌ଲା ଏବଂ ମୁନ୍ଦ୍ରା ବନ୍ଦରରେ ସର୍ବାଧିକ ଗହମ ପଡ଼ି ରହିଥିବା ମୁମ୍ବାଇଭିତ୍ତିକ ଜଣେ ଡିଲର ସୂଚନା ଦେଇଛନ୍ତି । ଉଭୟ ବନ୍ଦରରେ ମୋଟ ୧.୩ ନିୟୁତ ଟନ୍‌ ଶସ୍ୟ ପଡ଼ିରହିଛି । ଆଗକୁ ବର୍ଷା ରହିଛି । ଏଭଳି ସ୍ଥିତିରେ ଏଗୁଡିକୁ ଥଇଥାନ ନ କଲେ ଶସ୍ୟଗୁଡ଼ିକ ନଷ୍ଟ ହୋଇଯିବା ଥୟ ବୋଲି ବିଶେଷଜ୍ଞମାନେ ଆଶଙ୍କା ପ୍ରକାଶ କରିଛନ୍ତି ।

   Related Posts