scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଟେଲିଗ୍ରାମ ପାର୍ଟ ଟାଇମ୍ ଜବ୍ ଫ୍ରଡ୍ କଣ ? ଏହାର ବ୍ୟବହାର କେମିତି ହୁଏ…

27/11/2023 at 3:25 PM

ନୂଆଦିଲ୍ଲୀ ୨୨।୧୧ : ଦିନକୁ ଦିନ ବଢ଼ୁଛି ସାଇବର ଠକେଇ । ଅଜାଣତରେ ଲୋକ ହେଉଛନ୍ତି ଏହାର ଶିକାର । ବର୍ତ୍ତମାନ ଅଧିକ ହେଉଛି ଟେଲିଗ୍ରାମ ପାର୍ଟ ଟାଇମ୍ ଜବ୍ ଫ୍ରଡ୍ । କଣ ଏହି ଟେଲିଗ୍ରାମ ଜବ୍‌ ଫ୍ରଡ୍‌ ? କେମିତି ହୁଏ ଆରମ୍ଭ ?  ଆସନ୍ତୁ ଜାଣିବା… ଏହି ଫ୍ରଡ ଆରମ୍ଭ ହୁଏ ହ୍ବାଟସ୍ପଆପ୍‌ ଚାଟ୍‌ରୁ। ପ୍ରଥମେ ଏକ ଅଜଣା ନମ୍ବରରୁ ଆପଣଙ୍କୁ ମେସେଜ୍ ଆସିବ ଏବଂ ଆପଣଙ୍କୁ ପାର୍ଟ ଟାଇମ୍ ଜବ୍ ପାଇଁ ଅଫର୍ ଦେବେ । ଆପଣଙ୍କ ନାଁ, ବୟସ, ଆପଣ କଣ କରନ୍ତି ଏସବୁ ପଚାରିବେ । ଆଉ ଦିନକୁ ୫ ହଜାରରୁ ୧୦ ହଜାର ରୋଜଗାର କରିବା ପାଇଁ ଅଫର୍‌ ଦେବେ ।

ଏହା ପରେ ସେହି ବ୍ୟକ୍ତି ଏକ ଲିଙ୍କ୍ ପଠାଇବେ । ତାହା ୟୁଟ୍ୟୁବ୍ କିମ୍ବା କୌଣସି ହୋଟେଲ୍ ଲିଙ୍କରେ ରିଭ୍ୟୁ ବି ହୋଇପାରେ । ତେବେ ୟୁଟ୍ୟୁବ୍ ଲିଙ୍କ୍ କ୍ଲିକ୍ କରି ସେଥିରେ ଲାଇକ୍ ଓ ସବସ୍କ୍ରାଇବ କଲେ ୨୦୦ରୁ ୩୦୦ ଟଙ୍କା ମିଳିବ ବୋଲି ସେମାନେ କହିବେ । ଯଦି ସେମାନଙ୍କ କହିବା ଅନୁଯାୟୀ କାମ କରୁଥାନ୍ତି ତେବେ ସେମାନେ ଏକ ଟେଲିଗ୍ରାମ ଲିଙ୍କ୍ ଦେବେ ଏବଂ କହିବେ ଏବେ ଆପଣଙ୍କୁ ସେଥିରୁ ଜବ୍‌ ବିଷୟରେ ଜଣେଇବେ ଅନ୍ୟ ଜଣେ ବ୍ୟକ୍ତି ।

ଆପଣ ନିଜର ତଥ୍ୟ ଦେଉଦେଉ ସେମାନେ ଆପଣଙ୍କ ଆକାଉଣ୍ଟକୁ ଟଙ୍କା ପଠାଇ ଦେବେ । ଯେପରି ଆପଣଙ୍କୁ ସେମାନଙ୍କ ଉପରେ ବିଶ୍ବାସ ହେବ । ଏହାପରେ ସେମାନେ ଏକ ଟେଲିଗ୍ରାମ ଗ୍ରୁପରେ ଆପଣଙ୍କୁ ଯୋଡ଼ି ଦିଅନ୍ତି । ଏଠି ଟାକ୍ସ ମିଳିଥାଏ କିନ୍ତୁ ଏହି ଟାକ୍ସ ପାଇଁ ୨୦୦ ପରିବର୍ତ୍ତେ ମିଳିଥାଏ ୫୦ ଟଙ୍କା । ଆଉ ଯଦି ଆପଣ କୌଣସି ଟାସ୍କ ସ୍ଖିପ କରନ୍ତି ତେବେ ଆପଣଙ୍କର ୨୦ଟଙ୍କା କଟିଯିବ ।  

ଦିନକୁ ୨୪ଟି ଟାସ୍କ ସେମାନେ ଆପଣଙ୍କୁ କରିବାକୁ କହିବେ । ଯେଉଁଥିରେ ଅତିକମରେ ୮ଟି ପ୍ରିପେଡ ଟାସ୍କ ରହିଥାଏ । ଅର୍ଥାତ୍ ଆପଣ ନିଜ ଆଡୁ ଟଙ୍କା ନିବେଶ କରିବେ । ୧୫ ମିନିଟ ପରେ ଆପଣ ମୂଳ ଧନ ସହ ଆପଣଙ୍କ ପାଖକୁ ଆସିଯିବ ୩୦୦ ଟଙ୍କା । ଏହାପରେ ସେମାନେ ଏକ ଭିଆଇପି ଟେଲିଗ୍ରାମ୍‌ ଗ୍ରୁପ୍‌ରେ ଜଏନ୍‌ କରେଇ ଦିଅନ୍ତି । ସେଠାରେ ମିଳିଥାଏ ଆଉ କିଛି ଟାକ୍ସ ।

ଆଉ ଏଠାରେ ପ୍ରଥମେ ହଜାରେ ନିବେଶ କଲେ ୩ ହଜାର ମିଳିବ ବୋଲି କହିବେ । ଯଦି ଆପଣ ଏପରି କରିଦେଉଛନ୍ତି ତେବେ ଆପଣ ସେମାନଙ୍କ ଅଧିନରେ ଫସିଯିବେ । ଯାହାପରେ ଏଥିରୁ ମୁକୁଳିବା ବହୁତ କଷ୍ଠକର । ତେଣୁ ଏପରି ଫ୍ରଡ୍‌ ମେସେଜ ଆସିବା ଏବଂ ଏହାର ଲିଙ୍କ୍‌ କ୍ଲିକ୍‌ କରି ଆଗକୁ ବଢିବା ଅତ୍ୟନ୍ତ ବିପଦଜନକ ।

   Related Posts