ନୂଆଦିଲ୍ଲୀ: ଗିରଫ ହେବେ ଋଷ୍ ରାଷ୍ଟ୍ରପତି । ଭ୍ଲାଦିମିର ପୁଟିନଙ୍କୁ ନାଁରେ ବାହାରିଲା ଆରେଷ୍ଟ୍ ଓ୍ବାରେଣ୍ଟ । ଇଣ୍ଟର ନ୍ୟାସନାଲ କ୍ରାଇମ୍ କୋର୍ଟ ପୁଟିନଙ୍କୁ ଗିରଫ ଲାଗି  ନିର୍ଦ୍ଦେଶ ଦେଇଛନ୍ତି । ଋଷ-ୟୁକ୍ରେନ୍ ଯୁଦ୍ଧ ସମୟରେ ଓ୍ବାର କ୍ରାଇମ୍ ପାଇଁ ଆଇସିସି ଶୁକ୍ରବାର ତାଙ୍କ ନାଁରେ ଗିରଫ ପରଓ୍ବାନା ଜାରି କରିଛି । ୟୁକ୍ରେନରେ ହୋଇଥିବା ଯୁଦ୍ଧ ଅପରାଧ ପାଇଁ ପୁଟିନ୍ ଦାୟୀ ବୋଲି ଆଇସିସି କହିଛନ୍ତି । AFP ରିପୋର୍ଟ ଅନୁଯାୟୀ, ଯୁଦ୍ଧ ସମୟରେ ଋଷ୍ ସେନା ସାଧାରଣ ଲୋକଙ୍କୁ ଟାର୍ଗେଟ୍ କରିବାକୁ ନେଇ ଋଷ୍ ରାଷ୍ଟ୍ରପତି ପୁଟିନଙ୍କୁ ଦାୟୀ କରାଯାଇଛି ।

କ’ଣ ଏହି ଇଣ୍ଟର ନ୍ୟାସନାଲ କ୍ରାଇମ୍ କୋର୍ଟ ? ଯୁଦ୍ଧ ସମୟରେ ଅପରାଧକୁ ରୋକିବା ପାଇଁ ୨୦୦୨ରେ ଏହାକୁ ଗଠନ କରାଯାଇଥିଲା । ଯୁଦ୍ଧ ସମୟରେ ମାନବ ଅଧିକାର ଆଇନ ଉଲ୍ଲଙ୍ଘନ ହେଲେ ଏବଂ ଯୁଦ୍ଧରେ ଲିପ୍ତ ଥିବା ଦୁଇ ଦେଶ ଏହାକୁ ସମାଧାନ କରିବାରେ ବିଫଳ ହେଲେ ଇଣ୍ଟର ନ୍ୟାସନାଲ କ୍ରାଇମ୍ କୋର୍ଟ ଏହାର ବିଚାର କରିଥାନ୍ତି ।

ମାନବ ଅଧିକାର ଆଇନ ଉଲ୍ଲଙ୍ଘନର ୧୫ ପ୍ରକାର ଅପରାଧ ଏଠାରେ ବିଚାର ହୋଇଥାଏ । ଦୁଷ୍କର୍ମ, ଜେଲ୍ ନିର୍ଯାତନା, ଦାସତ୍ବ କରିବା, ମହିଳା ଓ ଶିଶୁଙ୍କୁ ଯୌନ ଶୋଷଣ, ଦେଶାନ୍ତର ଭଳି ଅପରାଧ ଅଥିରେ ଅନ୍ତର୍ଭୂକ୍ତ ରହିଛି । ବର୍ତ୍ତମାନ ଆଇସିସି ୟୁକ୍ରେନ, ଆଫ୍ରିକୀୟ ଦେଶ ଯଥା ଉଗାଣ୍ଡା, ଡେମୋକ୍ରାଟିକ୍ ରିପବ୍ଲିକ୍ ଅଫ୍ କଙ୍ଗୋ, କେନିଆ, ମିଆଁମାର, ଫିଲିପାଇନ୍ସ, ଭେନେଜୁଲା ଲାଟିନ୍ ଆମେରିକା ଆଦି ୧୭ଟି ଦେଶରେ ଏହି ସବୁ ଅପରାଧକୁ ନେଇ ଅନୁସନ୍ଧାନ ଚଳାଇଛି ।

ଇଣ୍ଟର ନ୍ୟାସନାଲ କ୍ରାଇମ୍ କୋର୍ଟରେ ଡେମୋକ୍ରାଟିକ୍ ରିପବ୍ଲିକ୍ ଅଫ୍ କଙ୍ଗୋ, ମାଲି, ଉଗାଣ୍ଡା ଆଦି ଦେଶର ୫ଜଣଙ୍କୁ ଯୁଦ୍ଧ ଅପରାଧ ଏବଂ ମାନବିକତା ଉଲ୍ଲଙ୍ଘନ କରିବା ବିରୋଧରେ ଦୋଷୀ ସାବ୍ୟସ୍ତ କରାଯାଇଛି ।