ନୋ-କୋର୍ଟ,ନୋ-ଭୋଟ୍ ନାରା ଦେଲା ଓକିଲଙ୍କ ପଶ୍ଚିମଓଡିଶା କେନ୍ଦ୍ରୀୟ କ୍ରିୟାନୁଷ୍ଠାନ କମିଟି

Published By : Prameya-News7 Bureau | January 25, 2019 IST

ସମ୍ବଲପୁର୨୫|୧: ଦିନକୁ ଦିନ ଉଗ୍ର ରୂପ ନେଉଛି ପଶ୍ଚିମଓଡିଶାରେ ହାଇକୋର୍ଟ ବେଞ୍ଚ ପ୍ରତିଷ୍ଠା ଦାବି ପାଇଁ ଚାଲିଥିବା ଆନ୍ଦୋଳନ। ୫ ମାସ ହେଲା ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ସମସ୍ତ ଅଫିସ୍‌ ସମେତ, ବିଚାରବିଭାଗୀୟ ଅଦାଲତରେ ତାଲା ଝୁଲୁଛି। ହେଲେ ଉଭୟ ରାଜ୍ୟ ଓ କେନ୍ଦ୍ର ସରକାର ଚୁପ୍‌ । ଆନ୍ଦୋଳନକୁ ତୃଣମୂଳ ସ୍ତରକୁ ନେବାକୁ ବୀରସୁରେନ୍ଦ୍ର ସାଏ ଜୟନ୍ତୀରୁ, ଆରମ୍ଭ କରାଯାଇଛି ଜ୍ୟୋତି ରଥ । ୨୮ ତାରିଖ ଯାଏ ରଥ ବୁଲି ଲୋକଙ୍କୁ ସରକାରୀ ଅବହେଳା ନେଇ ଅବଗତ କରିବ । …

{"id":77990}

ତୀବ୍ର ହେବାରେ ଲାଗିଛି ପଶ୍ଚିମ ଓଡିଶାରେ ହାଇକୋର୍ଟ ବେଞ୍ଚ ଆନ୍ଦୋଳନ । ୫ ମାସ ହେଲାଣି ଆନ୍ଦୋଳନ ଜାରି ରହିଥିଲେ ବି ଉଭୟ କେନ୍ଦ୍ର ଓ ରାଜ୍ୟ ସରକାର ନିରବଦ୍ରଷ୍ଟା ସାଜିଛନ୍ତି । ବନ୍ଦ, ମହାବନ୍ଦ ଆନ୍ଦଳୋନ ପରେ ପଶ୍ଚିମଓଡିଶା ଓକିଲସମୂହ କେନ୍ଦ୍ରୀୟ କ୍ରିୟାନୁଷ୍ଠାନ କମିଟି ପକ୍ଷରୁ ହାଇକୋର୍ଟ ଜ୍ୟୋତି ରଥ ସହର ପରିକ୍ରମା କରିବା ଆରମ୍ଭ କରିଛି । ୯ଟି ଜିଲ୍ଲାର ପ୍ରତ୍ୟକ ସହର ଓ ଗ୍ରାମାଞ୍ଚଳ ବୁଲିବ ହାଇକୋର୍ଟ ଜ୍ୟୋତି ରଥ । ଗତ ୨୩ତାରିଖ ବୀର ସୁରେନ୍ଦ୍ର ସାଏଙ୍କ ଜନ୍ମମାଟି ଖିଣ୍ଡାରୁ ଆରମ୍ଭ ହୋଇଥିବା ଏହି ହାଇକୋର୍ଟ ଜ୍ୟୋତି ରଥ, ଫେବୃୟାରୀ ୨୮ତାରିଖ ପର୍ଯ୍ୟନ୍ତ ବୁଲିବା ପରେ ସମ୍ବଲପୁରରେ ପହଞ୍ଚିବ ।

{"id":77991}

ସରକାର ପଶ୍ଚିମ ଓଡିଶାରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ବାବଦରେ ଠୋସ୍‌ ପଦକ୍ଷେପ ଗ୍ରହଣ ନକରିନ୍ତି, ତେବେ ଆସନ୍ତା ନିର୍ବାଚନରେ ଏହାର ଜବାବ ଦିଆଯିବ ବୋଲି କହିଛି କେନ୍ଦ୍ରୀୟ କ୍ରିୟାନୁଷ୍ଠାନ କମିଟି । ସେହିପରି ଆସନ୍ତାକାଲି ସାଧାରଣତନ୍ତ୍ର ଦିବସରେ ଆଗକୁ କିପରି ଆନ୍ଦୋଳନକୁ ଅଧିକ ତୀବ୍ରତର କରାଯିବ ସେ ନେଇ ଆଲୋଚନା ହେବ ।

{"id":77992}

ଯଦି ନିର୍ବାଚନ ଘୋଷଣା ପୂର୍ବରୁ, ସରକାର କୌଣସି ଠୋସ୍‌ ପଦକ୍ଷେପ ଗ୍ରହଣ ନକରନ୍ତି, ତେବେ ନୋ-କୋର୍ଟ,ନୋ-ଭୋଟ୍‌ ନାରା ଦେଇ ସାରା ପଶ୍ଚିମଓଡିଶାରେ ସରକାରଙ୍କୁ ଚେକ୍‌ ଦେବାକୁ ପ୍ରସ୍ତୁତ ହେଉଛି କେନ୍ଦ୍ରୀୟ କ୍ରିୟାନୁଷ୍ଠାନ କମିଟି

{"id":77993}

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.