ବାରିପଦା: ଶନିବାର ସକାଳେ ପୁରୁଷ ହକି ବିଶ୍ୱକପ୍ ଟ୍ରଫି ମୟୁରଭଞ୍ଜର କରଞ୍ଜିଆ ଓ ରାଇରଙ୍ଗପୁର ଦେଇ ରାତି ୯ଟାରେ ବାରିପଦା ପହଞ୍ଚିଛି। ସ୍ଥାନୀୟ ମୂର୍ଗାବାଡି ଛକ ଠାରେ ଏକ ରଙ୍ଗାରଙ୍ଗ କାର୍ଯ୍ୟକ୍ରମ ମଧ୍ୟରେ ଜିଲ୍ଲା ପ୍ରଶାସନ ଓ ସାଧାରଣ ଜନତା ଟ୍ରଫିକୁ ସ୍ୱାଗତ କରିଛନ୍ତି। ଆଜି ବାରିପଦା ସର୍କିଟ୍ ହାଉସ୍ ଠାରେ ଏହା ରାତ୍ରୀଯାପନ କରିବା ପରେ କାଲି ସକାଳ ୬ଟାରୁ ଏକ ମାରାଥନ୍ ଦୌଡ ସହିତ ବିଭିନ୍ନ କାର୍ଯ୍ୟକ୍ରମ ରହିଛି। ବାରିପଦା ଷ୍ଟାଡିଅମରେ ଏହାର ସ୍ୱାଗତ ଓ ପ୍ରଦର୍ଶନ ପରେ ବେତନଟୀ ଦେଇ କଳମା ଠାରେ ଟ୍ରଫିକୁ ବାଲେଶ୍ୱର ଜିଲ୍ଲା ପ୍ରଶାସନକୁ ହସ୍ତାନ୍ତର କରାଯିବାର କାର୍ଯ୍ୟକ୍ରମ ରହିଛି।