ରାଜସ୍ଥାନ ୨୪/୦୭ : ରାଜସ୍ଥାନରେ ଏକ ଅଜବ ମାମଲା ସାମ୍ନାକୁ ଆସିଛି । ଏଠାରେ ଏକ ବିବାହ ସମାରୋହରେ ବର ଥଟ୍ଟାର ପାତ୍ର ହୋଇଥିବା ଦେଖିବାକୁ ମିଳିଛି, ଯେତେବେଳେ ଘୋଡା ବରକୁ ନେଇ ପଳାଇଛି । ଏହା ପରେ ବରଯାତ୍ରୀମାନେ କାର ଏବଂ ବାଇକ୍ ଯୋଗେ ଚାରି କିଲୋମିଟର ପର୍ଯ୍ୟନ୍ତ ଗୋଡାଇ ଘୋଡାକୁ ଧରିଛନ୍ତି । ଏହି ସମ୍ପୂର୍ଣ୍ଣ ଦୃଶ୍ୟର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
wp:html /wp:htmlସୂଚନା ଅନୁଯାୟୀ, ଏହି ମାମଲା ରାଜସ୍ଥାନର ଅଜମେରର ନାସିରାବାଦରେ ଦେଖିବାକୁ ମିଳିଛି । ଯେତେବେଳେ ବିବାହ ସମୟରେ ବରଯାତ୍ରୀମାନେ ଡିଜେରେ ନାଚୁଥିଲେ, ସେତେବେଳେ ବର ଏକ ଘୋଡା ଉପରେ ବସିଥିଲା । ଏହି ସମୟରେ ହଠାତ୍ ଏକ ବାଣ ଫୁଟିଥିଲା ଏବଂ ବାଣ ଶବ୍ଦରେ ଘୋଡା ବିଚଳିତ ହୋଇ ବରକୁ ନେଇ ପଳାଇଥିଲା। ଘୋଡାଟି ଅଳ୍ପ ଦୂର ଯାଇ ନଥିଲା, ବରଂ ବରକୁ ନେଇ ଚାରି କିଲୋମିଟର ପର୍ଯ୍ୟନ୍ତ ପଳାଇଥିଲା ।
ବରଯାତ୍ରୀମାନେ ନାଚିବା ଛାଡି କାର୍ ଏବଂ ବାଇକ୍ ଯୋଗେ ଘୋଡା ପଛରେ ଗୋଡାଇଥିଲେ । ଘୋଡା ବରକୁ ନେଇ ପ୍ରାୟ ଚାରି କିଲୋମିଟର ପରେ ଅଟକି ଯାଇଥିଲା । ଏଥି ସହିତ ସୋସିଆଲ ମିଡିଆରେ ଘଟଣାର ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି।