ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

୪୦ ଦେଶରେ ଗୁଗଲ ଡାଉନ୍, କାମ କରୁନି ଓ୍ୱେବସାଇଟ୍ : ଟ୍ୱିଟରରେ ଅଭିଯୋଗ କଲେ ୟୁଜର

9/08/2022 at 8:34 AM

ନୂଆଦିଲ୍ଲୀ ୦୯/୦୮: ସର୍ଚ୍ଚ ଇଞ୍ଜିନ୍ ଗୁଗଲରେ ସମସ୍ୟା । ଅନେକ ୟୁଜରଙ୍କ ଫୋନ୍ ଓ କମ୍ପ୍ୟୁଟରରେ ଗୁଗଲ କାମ କରୁନି । ଡାଉନଡିଟେକ୍ଟର.କମ୍ ଓ୍ୱେବସାଇଟ୍ ଅନୁସାରେ, ସାରା ବିଶ୍ୱର ହଜାର ହଜାର ୟୁଜରଙ୍କ ଗୁଗଲରେ ସମସ୍ୟା ଦେଖାଦେଇଛି । ୪୦ ହଜାରରୁ ଅଧିକ ଲୋକେ ଏନେଇ ଅଭିଯୋଗ କରିଛନ୍ତି । ତେବେ ଗୁଗଲ ଏନେଇ କୌଣସି ସୂଚନା ଦେଇନାହିଁ ।

ତେବେ ଖବର ଲେଖାହେଲା ବେଳକୁ, ଭାରତରେ ଗୁଗଲରେ ସମସ୍ୟା ନଥିଲା । କିନ୍ତୁ ବାହାର ଦେଶର ଅନେକ ୟୁଜର ଗୁଗଲ ଡାଉନ୍ ନେଇ ସୋସିଆଲ ମିଡିଆରେ ପୋଷ୍ଟ କରୁଛନ୍ତି । ଭାରତରେ ସର୍ଭର ଠିକ ଭାବେ କାମ କରୁଛି ।

ୟୁଜରଙ୍କୁ ଆସୁଛି ୫୦୦ ଏରର୍ ମେସେଜ୍

ଅଧିକାଂଶ ୟୁଜର ଗୁଗଲ ହୋମପେଜ୍ ଓପନ କଲେ ୫୦୦ ଏରର୍ ଦେଖିବାକୁ ମିଳୁଛି । ଓ୍ୱେବସାଇଟ୍ ଡାଉନ୍ ନେଇ କମ୍ପାନୀ ପକ୍ଷରୁ କୌଣସି ସୂଚନା ଦିଆଯାଇ ନାହିଁ । କିଛି ୟୁଜରଙ୍କୁ କମ୍ପାନୀ କ୍ୟାଚ୍ କ୍ଲିଅର ସହ ଫୋନ୍ ରିଷ୍ଟାର୍ଟ କରିବାକୁ କହିଛି । ଏକ ଟ୍ୱିଟ୍ ଉପରେ ରିପ୍ଲାଏ ଦେଇ ଗୁଗଲ ଏହା କହିଛି ।

ଏହି ସ୍ଥାନରେ ବେଶି ସମସ୍ୟା

ୟୁକେ, ଅଷ୍ଟ୍ରେଲିଆ ଓ ସିଙ୍ଗାପୁରରେ ଗୁଗଲ ଡାଉନ୍ ନେଇ ଅଧିକ ଅଭିଯୋଗ ଆସିଛି । ସକାଳ ପ୍ରାୟ ୭ଟାରୁ ୟୁଜର ଏନେଇ ଟ୍ୱିଟ୍ କରୁଛନ୍ତି । ଆହୁରି ୪୦ଟି ଦେଶର ୟୁଜର ମଧ୍ୟ ସମସ୍ୟାର ସାମ୍ନା କରୁଛନ୍ତି । ତେବେ କଣ ପାଇଁ ଏପରି ହେଉଛି ତାହା ଏଯାଏଁ ସ୍ପଷ୍ଟ ହୋଇପାରି ନାହିଁ ।  

   Related Posts