scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଜାଡରେ ଥରୁଛି ଓଡିଶା, ୧୦ ଡିଗ୍ରୀ ତଳେ ୭ ସହର ତାପମାତ୍ରା

10/12/2022 at 7:51 AM

ଭୁବନେଶ୍ୱର ୧୦।୧୨ : ବଙ୍ଗୋପସାଗରରେ ଭୀଷଣ ବାତ୍ୟା ପ୍ରଭାବରେ ରାଜ୍ୟକୁ ଥଣ୍ଡା ଉତ୍ତରା ପବନ ବହୁଛି । ଏଥିପାଇଁ ଗୁରୁବାର ଅଧିକ ଶୀତ ଅନୁଭୂତ ହୋଇଥିଲା । ଶୁକ୍ରବାର ଦିନତମାମ ଥଣ୍ଡା ପବନ ଲାଗି ରହିଥିଲା । ଗୁରୁବାର ୭ ସହରର ରାତି ତାପମାତ୍ରା ୧୦ ଡିଗ୍ରୀ ତଳେ ରହିଛି । ଜି. ଉଦୟଗିରିରେ ସବୁଠୁ ଥଣ୍ଡା ସହର ପାଲଟିଥିଲା । ଏଠାରେ ରାତି ତାପମାତ୍ରା ୬ ଡିଗ୍ରୀ ଥିଲା । ଫୁଲବାଣୀରେ ୬.୬ ଡିଗ୍ରୀ, ଦାରିଙ୍ଗିବାଡ଼ିରେ ୭.୫, କିରେଇରେ ୮.୨, ଚିପିଲିମାରେ ୯.୨, ଝାରସୁଗୁଡ଼ାରେ ୯.୬, ଭବାନୀପାଟଣାରେ ୯.୬, ରାଣୀତାଲରେ ୧୦, ଅନୁଗୁଳରେ ୧୦, ସୁନ୍ଦରଗଡ଼ରେ ୧୦ ଓ କୋରାପୁଟରେ ତାପମାତ୍ରା ୧୦ ଡିଗ୍ରୀ ରେକର୍ଡ ହୋଇଛି ।

ଶନିବାରଠାରୁ ରାଜ୍ୟରେ ରାତି ତାପମାତ୍ରା ବଢ଼ିଯିବ । ଏଥିପାଇଁ ଶୀତ କମିବ । ଦକ୍ଷିଣ ପଶ୍ଚିମ ବଙ୍ଗୋପସାଗରରେ ସୃଷ୍ଟି ବାତ୍ୟା ପ୍ରଭାବରେ ସ୍ଥଳଭାଗକୁ ଜଳୀୟବାଷ୍ପ ଆସିବ । ଫଳରେ କମ୍‌ ଶୀତ ଅନୁଭୂତ ହେବ ବୋଲି ପାଣିପାଗ ବିଶେଷଜ୍ଞମାନେ ପୂର୍ବାନୁମାନ କରିଛନ୍ତି ।
ଆଣ୍ଡାମାନ ସାଗରରେ ଆସନ୍ତା ୧୩ ତାରିଖରେ ପୁଣି ଏକ ଘୂର୍ଣ୍ଣିବଳୟ ସମ୍ଭାବନା ରହିଛି । ଏହା ଲଘୁଚାପର ରୂପ ନେବ । କିନ୍ତୁ କେତେ ଘନୀଭୂତ ହେବ ତାହା ସ୍ପଷ୍ଟ ହୋଇନାହିଁ ।

ଅନ୍ୟପକ୍ଷରେ ସୋଆ ଜଳବାୟୁ ଓ ପାଣିପାଗ କେନ୍ଦ୍ର ନିର୍ଦ୍ଦେଶକ ଡ. ଶରତ ସାହୁ କହିଛନ୍ତି, ବାତ୍ୟା ପ୍ରଭାବରେ ଗୁରୁବାର ରାଜ୍ୟକୁ ଶୁଷ୍କ ଥଣ୍ଡା ପବନ ଆସିଥିଲା । ଏଥିପାଇଁ ଶୀତ ଅନୁଭୂତ ହେଲା । କିନ୍ତୁ ଏବେ ଜଳୀୟବୀଷ୍ପ ପ୍ରବେଶ କରିସାରିଲାଣି । ଏହା ତାପମାତ୍ରା କମାଇବାକୁ ଦେବନି । ରାତି ତାପମାତ୍ରା ବଢ଼ିବା ସହ ଶୀତ କମିବ । ୧୬ ତାରିଖ ଯାଏ ରାଜ୍ୟରେ ବିଶେଷ ଶୀତ ହେବନି ବୋଲି କହିଛନ୍ତି । ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ରର ବୈଜ୍ଞାନିକ ଡ. ଉମାଶଙ୍କର ଦାଶଙ୍କ ପୂର୍ବାନୁମାନ କହୁଛି, ଆସନ୍ତା ଦୁଇ ଦିନ ଭିତରେ ରାତି ତାପମାତ୍ରା ୨ରୁ ୩ ଡିଗ୍ରୀ ବଢ଼ିବ ।

   Related Posts