vridhi excotica
ratha jatra live
star kirano
ori homes
vridhi excotica
ratha jatra live
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଦିଲ୍ଲୀରେ ୪୯ ଡିଗ୍ରୀ ଟପିଲା ତାପମାତ୍ରା; ଜାଣନ୍ତୁ ଭାରତୀୟ ପାଣିପାଗ ବିଭାଗର ଆକଳନ, କେବେ ହେବ ବର୍ଷା ?

15/05/2022 at 10:49 PM

ନୂଆଦିଲ୍ଲୀ ୧୫/୦୫ : ରାଜଧାନୀ ଦିଲ୍ଲୀ ସହିତ ଭାରତର ଅନେକ ସ୍ଥାନରେ ଆସନ୍ତା ଦୁଇଦିନ ଭୀଷଣ ଗରମ ଅନୁଭୂତ ହେବ। ଭାରତୀୟ ପାଣିପାଗ ବିଭାଗ ଅନୁସାରେ ଆସନ୍ତା ଦୁଇ ଦିନ ଭାରତର ଉତ୍ତର ପଶ୍ଚିମ ଭାଗ ଓ ମଧ୍ୟ ଭାଗରେ ଲୁ ସ୍ଥିତି ଜାରି ରହିବ। ତେବେ ଦିଲ୍ଲୀରେ ରବିବାର ତାପମାତ୍ରା ୪୯ ଡିଗ୍ରୀ ସେଲସିୟସ ପାର୍‌ କରିଛି। ଆଇଏମଡିର ପାଣିପାଗ ବୁଲେଟିନ ଅନୁଯାୟୀ, ଆସନ୍ତା ଦୁଇଦିନ ଭାରତର ଉତ୍ତର ପଶ୍ଚିମ ଓ ମଧ୍ୟ ଭାଗରେ ତାପମାତ୍ରାରେ କୌଣସି ପରିବର୍ତ୍ତନ ହେବ ନାହିଁ।

ପାଣିପାଗ ବିଭାଗ ଅନୁଯାୟୀ, ଗରମ ଓ ଝାଞ୍ଜି ପବନ ପାଇଁ ଦିଲ୍ଲୀରେ ରବିବାର ଲୁ ପ୍ରଭାବ ଅଧିକ ଦେଖା ଦେଇଛି। ଅପରପକ୍ଷେ ଦୁଇଦିନରେ ମହାରାଷ୍ଟ୍ରର ଦକ୍ଷିଣ ଭାଗରେ ବିଭିନ୍ନ ଅଞ୍ଚଳରେ ଅଧିକ ତାପମାତ୍ରା ୪ ଡିଗ୍ରୀ ସେଲସିୟସ ବଢ଼ିପାରେ । ମେ ୧୫ରେ ରାଜସ୍ଥାନର ପୂର୍ବ ଓ ପଶ୍ଚିମ ଭାଗର ବିଭିନ୍ନ ଅଞ୍ଚଳରେ ଅତ୍ୟଧିକ ଗରମ ଅନୁଭୂତ ହେବ ବୋଲି କୁହାଯାଇଛି। ସେହିପରି ମେ ୧୭ରେ ମଧ୍ୟପ୍ରଦେଶ କିଛି ଅଞ୍ଚଳରେ ଏହିପରି ପାଣିପାଗ ରହିବ ବୋଲି କୁହାଯାଇଛି। ପଞ୍ଜାବ, ହରିଆଣା, ଦିଲ୍ଲୀ ଓ ଉତ୍ତରପ୍ରଦେଶରେ ଲୁର ପ୍ରଭାବ ଦେଖିବାକୁ ମିଳିଥିବା ପାଣିପାଗ ବିଭାଗ ସୂତ୍ରରୁ ପ୍ରକାଶ।

ଆଇଏମଡିର ସୂଚନା ମୁତାବକ ମେ ୧୬ ଏବଂ ୧୭ରେ ଜମ୍ମୁ କାଶ୍ମୀର, ହିମାଚଳ ପ୍ରଦେଶ ଓ ଉତ୍ତରାଖଣ୍ଡରେ ଘଡ଼ଘଡ଼ି ସହିତ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି। ପ୍ରବଳ ପବନ ସହିତ କୁଆ ପଥର ବୃଷ୍ଟି ହେବାର ସମ୍ଭାବନା ରହିଛି। ମେ ୧୬ -୧୭ରେ ଉତ୍ତର ପଞ୍ଜାବ ଓ ପୂର୍ବ ଉତ୍ତର ପ୍ରଦେଶର ଘଡ଼ଘଡ଼ି ସହିତ ଅଳ୍ପ ବର୍ଷା ହେବାର ଅନୁମାନ କରାଯାଇଛି । ମେ ୧୬ରେ ହରିଆଣା, ପଶ୍ଚିମବଙ୍ଗ, ଉତ୍ତରପ୍ରଦେଶ ଓ ରାଜସ୍ଥାନର ବିଭିନ୍ନ ସ୍ଥାନରେ ଘଡ଼ଘଡ଼ି ସହ ବର୍ଷା ହେବାର ସମ୍ଭାବନା ରହିଛି।

   Related Posts