scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ହୋଲିରୁ ଖସିବ ପାରଦ, ରାଜ୍ୟରେ କମିବ ତାତି

18/03/2022 at 7:49 AM

ଭୁବନେଶ୍ୱର,୧୮/୦୩: ଗରମ ସାମାନ୍ୟ କମିଛି । ଶୁକ୍ରବାରଠାରୁ ଆହୁରି ଖସିବ ପାରଦ । ଉପକୂଳ ସହ ଆଭ୍ୟନ୍ତରୀଣ ଓଡ଼ିଶାରେ ତାପମାତ୍ରା କମିବ । ଏବେ ଆଉ ତାତି ବଢ଼ିବା ସମ୍ଭାବନା ନାହିଁ । ତେଣୁ ହୋଲିରେ ଖରା ତାଉରୁ ହାଲୁକା ଆଶ୍ୱସ୍ତି ମିଳିପାରେ । ପାଣିପାଗ ବିଭାଗ ଏଭଳି ପୂର୍ବାନୁମାନ କରିଛି ।

ଗୁରୁବାର ବଲାଙ୍ଗିର ଥିଲା ସବୁଠୁ ଉତ୍ତପ୍ତ । ଏଠାରେ ତାପମାତ୍ରା ୪୦.୬ ଡିଗ୍ରୀ ଥିବାବେଳେ ବୌଦ୍ଧରେ ବି ପାରଦ ୪୦ ଛୁଇଁଥିଲା । ଝାରସୁଗୁଡ଼ା ତାପମାତ୍ରା ୩୯.୨, ସମ୍ବଲପୁର ୩୯.୧, ଭବାନୀପାଟଣା ୩୯.୪, ଟିଟିଲାଗଡ଼ ୩୯.୬, ସୋନପୁର ୩୯.୨, ନୟାଗଡ଼ ୩୯ ଡିଗ୍ରୀ ସେଲସିୟସ୍‌ ଥିଲା । ପଶ୍ଚିମ ତଥା ଉତ୍ତର ପଶ୍ଚିମରୁ ରାଜ୍ୟକୁ ପ୍ରବାହିତ ଶୁଷ୍କ ତତଲା ପବନ ଦୁର୍ବଳ ହେବା ସହ ସାମୁଦ୍ରିକ ପବନ ବଢ଼ୁଥିବାରୁ ତାପମାତ୍ରା କମିବା ଆରମ୍ଭ ହୋଇଛି । ବିଶେଷକରି ଉପକୂଳରେ ତାତି ପ୍ରକୋପ ସାମାନ୍ୟ କମିଛି । ଉପକୂଳ ଓଡ଼ିଶାରେ ତାପମାତ୍ରା ୩୫-୩୬ ଡିଗ୍ରୀକୁ ଖସି ଆସିଛି ।

ଆଞ୍ଚଳିକ ପାଣିପାଗ କେନ୍ଦ୍ରର ସୂଚନା ଅନୁଯାୟୀ, ବର୍ତ୍ତମାନ ତାପମାତ୍ରା କମିବ । ଉପକୂଳରେ କମିଥିବାବେଳେ ଶୁକ୍ରବାରଠାରୁ ଆଭ୍ୟନ୍ତରୀଣରେ ମଧ୍ୟ ଖସିବ ପାରଦ । ୨-୩ ଡିଗ୍ରୀ କମିପାରେ । ଏବେ ଆଉ ତାତି ବଢ଼ିବନି । ହୋଲି ଦିନ ରାଜ୍ୟର ଗୋଟିଏ ଦୁଇଟି ସ୍ଥାନରେ କାଳବୈଶାଖୀ ହୋଇପାରେ । ବାତ୍ୟାର ସିଧାସଖଳ ପ୍ରଭାବ ଓଡ଼ିଶାରେ ପଡ଼ିବ ନାହିଁ । ବାତ୍ୟା ଯିବା ପରେ ମାର୍ଚ୍ଚ ଶେଷ ସପ୍ତାହରେ ପୁଣି ତାତି ବଢ଼ିପାରେ ।

ଭିନ୍ନ ଆକଳନ କରିଛନ୍ତି କୃଷି ପାଣିପାଗ ବିଶାରଦ ଡକ୍ଟର ସୁରେନ୍ଦ୍ରନାଥ ପଶୁପାଳକ । ତାଙ୍କ ପୂର୍ବାନୁମାନ ହେଲା, ଆଭ୍ୟନ୍ତରୀଣ ଓଡ଼ିଶାରେ ଗରମ ଜାରି ରହିବ । ଧୀରେଧୀରେ ପାରଦ ବଢ଼ି ୨୩ ତାରିଖ ବେଳକୁ ପ୍ରାୟ ୨ ଡିଗ୍ରୀ ବଢ଼ିପାରେ । ରାତି ତାପମାତ୍ରା ୨୩ ତାରିଖ ସୁଦ୍ଧା ପ୍ରାୟ ୩ ଡିଗ୍ରୀ ବଢ଼ିବ । ଭୁବନେଶ୍ୱର ସମେତ ଉପକୂଳ ଓଡ଼ିଶାରେ ଗୁରୁବାର ସର୍ବାଧିକ ତାପମାତ୍ରା କିଛି କିଛି କମିଛି । ଆସନ୍ତା ୨୨ ତାରିଖ ପର୍ଯ୍ୟନ୍ତ କମ୍‌ ରହିବ ତାପମାତ୍ରା । ୨୩ରୁ ପୁଣି ବଢ଼ିବ ତାତି । ଏବେ ରାଜ୍ୟରେ ପାଗ ଶୁଖିଲା ଓ ଖରାଟିଆ ରହିବ ।

ସେ କହିଛନ୍ତି, ଲଘୁଚାପଟି ଅବପାତ ରୂପ ନେବା ପରେ ୨୪ରୁ ୩୬ ଘଣ୍ଟା ଦକ୍ଷିଣ ବଙ୍ଗୋପସାଗର ଓ ସଂଲଗ୍ନ କେନ୍ଦ୍ରୀୟ ବଙ୍ଗୋପସାଗରରେ ଦୁର୍ବଳ ବାତ୍ୟା ହୋଇପାରେ । ନଚେତ ଅବପାତରେ ହିଁ ରହିଯିବା ସମ୍ଭାବନା ରହିଛି । ମିଆଁମାର ଉପକୂଳରେ ୨୨ ତାରିଖ ସକାଳ ସୁଦ୍ଧା ଛୁଇଁଲାବେଳକୁ ଲଘୁଚାପ ଅବସ୍ଥାକୁ ଆସିଯାଇପାରେ । ଓଡ଼ିଶାରେ ଏହାର କୌଣସି ପ୍ରଭାବ ପଡ଼ିବ ନାହିଁ ।

ରାଜ୍ୟରେ ଗ୍ରୀଷ୍ମ ଲହରୀ ଓ ସମ୍ଭାବ୍ୟ ଅଂଶୁଘାତ ମୁକାବିଲା ନେଇ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ରାଜ୍ୟସ୍ତରୀୟ ବୈଠକ ବୈଠକ ହୋଇଥିଲା । ଏଥିରେ ଉନ୍ନୟନ କମିଶନର ତଥା ସ୍ୱତନ୍ତ୍ର ରିଲିଫ୍‌ କମିଶନର ପ୍ରଦୀପ କୁମାର ଜେନା ମଧ୍ୟ ଉପସ୍ଥିତ ଥିଲେ । ପିଇବା ପାଣି ବ୍ୟବସ୍ଥା, ବନାଗ୍ନି ନିରୋଧ ବ୍ୟବସ୍ଥା, ପଶୁପକ୍ଷୀଙ୍କୁ ପାଣି ଯୋଗାଣ ସହ ଲୋକଙ୍କୁ ସଚେତନ କରିବା ନେଇ ମୁଖ୍ୟ ସଚିବ ନିର୍ଦ୍ଦେଶ ଦେଇଥିଲେ ।

   Related Posts