suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ଭିଜିଲାନ୍ସ ଜାଲରେ ବରିଷ୍ଠ କିରାଣୀ, ଲାଞ୍ଚ ନେବାବେଳେ ମାଡ଼ି ବସିଲେ ଅଧିକାରୀ
  • ||
  • ନିଶ୍ଚିନ୍ତକୋଇଲି: ଜୁଏଲାରୀ ଦୋକାନରୁ ଚୋରି, ତାଲା ଭାଙ୍ଗି ଲୁଟିନେଲେ ୧୯ ଲକ୍ଷରୁ ଅଧିକ ସୁନା ଗହଣା
  • ||
  • ପୁରୀ: ଶ୍ରୀମନ୍ଦିରରେ ଶ୍ରୀଜିଉଙ୍କ ନୀତି ବିଳମ୍ବ, ଦର୍ଶନ ନପାଇ ଭକ୍ତ ଅସନ୍ତୋଷ
  • ||

ଆହୁରି ଦୁଇ ଦିନ ଶୀତ ରହିବ, ୨ରୁ୩ ଡିଗ୍ରୀ କମିବ ତାପମାତ୍ରା

17/12/2022 at 10:58 AM

ଭୁବନେଶ୍ୱର୧୭।୧୨ : ରାଜ୍ୟରେ ଶୀତର ପ୍ରକୋପ ପୁଣି ଅନୁଭୂତ ହୋଇଛି । ରାତି ତାପମାତ୍ରା କମିବା ସହ ଶୀତ ବଢ଼ିଛି । ଆଗକୁ ଆଉ ଦୁଇ ଦିନ ଶୀତ ଅଧିକ ରହିବ । ରାତି ତାପମାତ୍ରା ୨ରୁ ୩ ଡିଗ୍ରୀ କମିଯିବ ବୋଲି ପାଣିପାଗ ବିଭାଗ ଆକଳନ କରିଛି ।

ଗୁରୁବାର ରାତିରେ ଜି. ଉଦୟଗିରିରେ ୧୨.୨ ଡିଗ୍ରୀ ରେକର୍ଡ ହୋଇଛି । ଏହା ରାଜ୍ୟରେ ସବୁଠୁ କମ୍‌ ତାପମାତ୍ରା । ରାଜ୍ୟର ଆହୁରି ୯ ସହରର ତାପମାତ୍ରା ୧୫ ଡିଗ୍ରୀ ତଳକୁ ଖସିଆସିଛି । ୨୧ରୁ ରାତି ତାପମାତ୍ରା ପୁଣି ୪ ଡିଗ୍ରୀ ବଢ଼ିବ ଓ ଶୀତ କମିବ ବୋଲି ବରିଷ୍ଠ ପାଣିପାଗ ବିଶେଷଜ୍ଞ ପ୍ରଫେସର ସୁରେନ୍ଦ୍ରନାଥ ପଶୁପାଳକ କହିଛନ୍ତି । ୧୬ ଓ ୧୭ ଦୁଇ ଦିନ ରାତି ତାପମାତ୍ରା କମିବ । ଆଭ୍ୟନ୍ତରୀଣ ଦକ୍ଷିଣରେ ରାତି ତାପମାତ୍ରା ପ୍ରାୟ ୨.୫ରୁ ୩ ଡିଗ୍ରୀ କମିବ । ୧୯ ଯାଏ ଅଧିକ ଶୀତ ଅନୁଭୂତ ହେବ । ତା ପରେ ପୁଣି ରାତି ତାପମାତ୍ରା ବଢ଼ିବ । ଉପକୂଳ ଓ ସଂଲଗ୍ନ ଜିଲ୍ଲାରେ ଶୀତ କମିବ । ଆଭ୍ୟନ୍ତରୀଣ ଦକ୍ଷିଣରେ ଦୁଇ ଦିନ ଭିତରେ ଶୀତ ୩ ଡିଗ୍ରୀ କମିବ । ୧୯ ତାରିଖଠାରୁ ଶୀତ କ୍ରମଶଃ ବଢ଼ିବ । କିନ୍ତୁ ଉତ୍ତର ଆଭ୍ୟନ୍ତରରେ ୧୭ରୁ ରାତି ତାପମାତ୍ରା ବଢ଼ିବ । ଦିନ ସମୟରେ ପାଗ ଶୁଖିଲା ଓ ଖରାଟିଆ ରହିବ ବୋଲି ପ୍ରଫେସର ପଶୁପାଳକ କହିଛନ୍ତି ।

ସେପଟେ କିରେଇରେ ରାତି ତାପମାତ୍ରା ୧୨.୨, କେନ୍ଦୁଝରରେ ୧୩.୪, ସୁନ୍ଦରଗଡ଼ରେ ୧୪, ସିମିଳିଗୁଡ଼ାରେ ୧୪, ଝାରସୁଗୁଡ଼ାରେ ୧୪.୨, ବାରିପଦାରେ ୧୪.୪, ଦାରିଙ୍ଗିବାଡିରେ ୧୪.୫, ଫୁଲବାଣୀରେ ୧୪.୫, ବାଲେଶ୍ୱରରେ ୧୪.୫ ଓ କୋରାପୁଟରେ ୧୪.୫ ଡିଗ୍ରୀ ତାପମାତ୍ରା ରେକର୍ଡ ହୋଇଛି ।

   Related Posts