ନୂଆଦିଲ୍ଲୀ: ମଧ୍ୟ ପ୍ରଦେଶ, ରାଜସ୍ଥାନ ସମେତ ଚାରି ରାଜ୍ୟର ମତଗଣନା ଜାରି ରହିଛି । ଏବେ ସୁଦ୍ଧ ଟ୍ରେଣ୍ଡରେ ମଧ୍ୟ ପ୍ରଦେଶ, ରାଜସ୍ଥାନ ଓ ଛତିଶଗଡରେ ବିଜେପିକୁ ବହୁମତ ମିଳୁଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତିନି ରାଜ୍ୟରେ ମିଳୁଥିବା ବିଜୟରେ ଖୁସି ପ୍କଟ କରିଛନ୍ତି । ଏହାସହ ଏହି ବିପୁଳ ବିଜୟ ପାଇଁ ମାଆ-ଭଉଣୀ, ଯୁବ ଭୋଟର୍ସଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।

ପିଏମ୍ ମୋଦୀ ଏକ୍ସରେ ଲେଖିଛନ୍ତି, 'ଜନତା-ଜନାର୍ଦ୍ଦନଙ୍କୁ ନମନ ! ମଧ୍ୟ ପ୍ରଦେଶ, ରାଜସ୍ଥାନ ଓ ଛତିଶଗଡ଼ରେ ନିର୍ବାଚନ ପରିଣାମ ଦର୍ଶାଉଛି ଯେ ଭାରତର ଲୋକଙ୍କ ଭରସା କେବଳ ଓ କେବଳ ସୁଶାସନ ଓ ବିକାଶର ରାଜନୀତିରେ, ତାଙ୍କ ଭରସା ବିଜେପି ଉପରେ ଅଛି । ବିଜେପି ପ୍ରତି ନିଜ ସ୍ନେହ, ବିଶ୍ୱାସ ଓ ଆଶୀର୍ବାଦ ବର୍ଷା କରିଥିବାରୁ ଏହି ସବୁ ରାଜ୍ୟର ପରିବାରଜନଙ୍କୁ, ବିଶେଷ କରି ମାଆ-ଭଉଣୀ-ଝିଅଙ୍କୁ, ଆମ ଯୁବ ଭୋଟର୍ସଙ୍କୁ ହୃଦୟରୁ ଧନ୍ୟବାଦ । ଏହି ଅବସରରେ ପାର୍ଟିର ସମସ୍ତ ପରିଶ୍ରମୀ କାର୍ଯ୍ୟକର୍ତ୍ତାଙ୍କୁ ବିଶେଷ ରୂପେ କୃତଜ୍ଞତା ଜଣାଉଛି । ଆପଣ ସମସ୍ତେ ଅଦ୍ଭୂତ ଉଦାହରଣ ସୃଷ୍ଟି କରିଛନ୍ତି '।

ପଢନ୍ତୁ: ଫଳାଫଳ ପରେ ବଦଳିଲା ଦେଶର ରାଜନୈତିକ ମାନଚିତ୍ର; ଏତିକି ରାଜ୍ୟରେ ଏବେ ବିଜେପି ସରକାର, ଦୁର୍ବଳ ହେଉଛି କଂଗ୍ରେସ

wp:html

जनता-जनार्दन को नमन!

मध्य प्रदेश, राजस्थान और छत्तीसगढ़ के चुनाव परिणाम बता रहे हैं कि भारत की जनता का भरोसा सिर्फ और सिर्फ सुशासन और विकास की राजनीति में है, उनका भरोसा @BJP4India में है।

भाजपा पर अपना स्नेह, विश्वास और आशीर्वाद बरसाने के लिए मैं इन सभी राज्यों के परिवारजनों…

— Narendra Modi (@narendramodi) December 3, 2023

/wp:html

ପ୍ରଧାନମନ୍ତ୍ରୀ ମୋଦୀ ଲେଖିଛନ୍ତି, 'ବିଜେପିର ବିକାଶ ଓ ଗରିବ କଲ୍ୟାଣ ନୀତିକୁ ଆପଣ ଯେପରି ଭାବେ ଲୋକଙ୍କ ନିକଟରେ ପହଞ୍ଚାଇଛନ୍ତି, ତାକୁ ଯେତେ ପ୍ରଶଂସା କଲେ ବି କମ ହେବ । ଆମେ ବିକଶିତ ଭାରତର ଲକ୍ଷ୍ୟକୁ ନେଇ ଆଗକୁ ବଢୁଛୁ । ଆମେ ନା ଅଟକିବୁ, ନା ଥକିବୁ । ଭାରତକୁ ବିଜୟୀ କରିବାର ଅଛି । ଆଜି ଏହି ଦିଗରେ ଆମେ ମିଳିମିଶି ଏକ ସଶକ୍ତ ପଦକ୍ଷେପ ନେଇଛୁ'।

ତେଲଙ୍ଗାନା ବିଧାନସଭା ନିର୍ବାଚନ ପରିଣାମ ଉପରେ ପିଏମ୍ ମୋଦୀ ଲେଖିଛନ୍ତି, 'ମୋର ପ୍ରିୟର ଭଉଣୀ ଓ ଭାଇ, ଆପଣଙ୍କ ସମର୍ଥନ ପାଇଁ ଧନ୍ୟବାଦ । ଗତ କିଛି ବର୍ଷରେ ଏହି ସମର୍ଥନ ଲଗାତାର ବଢି ଚାଲିଛି ଓ ଆଗାମୀ ଦିନରେ ମଧ୍ୟ ଏହା ଜାରି ରହିବ । ତେଲଙ୍ଗାନା ସହ ଆମ ସମ୍ପର୍କ ଅତୁଟ ରହିଛି ଓ ଲୋକଙ୍କ ପାଇଁ କାମ କରିବା ଜାରି ରଖିବୁ । ମୁଁ ପ୍ରତ୍ୟେକ ବିଜେପି କର୍ମୀଙ୍କ ପରିଶ୍ରମୀ ଉଦ୍ୟମକୁ ପ୍ରଶଂସା କରୁଛି '।

Also read: ପିଏମ୍ ମୋଦୀଙ୍କ ଯାଦୁ, ୪ ଜାତି ଓ ଭରସାର ପ୍ରତିଛବି; ୨୦୨୪ ପାଇଁ ଏହି ଶିକ୍ଷା ମନେ ରଖିବେ ବିରୋଧୀ