oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁମ୍ଵାଇ : ଠକେଇର ଶିକାର ହେଲେ ଅନ୍ନୁ କପୁର, KYC ଅପଡେଟ୍ ବାହାନାରେ ଲୁଟି ନେଲେ ୪.୩୬ ଲକ୍ଷ ଟଙ୍କା
  • ||
  • ଲମତାପୁଟ : ରାଜ୍ୟ ବାହାରକୁ ହେଉଥିଲା ଚାଲାଣ, ଚେକିଂ ବେଳେ କାର୍‌ରୁ ବାହାରିଲା ୧୦ଲକ୍ଷ ଟଙ୍କାର ଗଞ୍ଜେଇ
  • ||
  • ଭୁବନେଶ୍ୱର : ରାଜଧାନୀର ବିଭିନ୍ନ ବାର୍‌ରେ ରେଡ୍‌, କଟକଣା ପରେ ବି ମାନୁନଥିଲେ ମାଲିକ
  • ||
  • ଇଣ୍ଡୋନେସିଆ : ରକ୍ତ ରଞ୍ଜିତ ହେଲା ଖେଳ ପଡ଼ିଆ; ଫୁଟବଲ ମ୍ୟାଚ୍ ଚାଲିଥିବା ବେଳେ ଦଙ୍ଗା, ୧୨୭ ମୃତ, ଏକାଧିକ ଆହତ
  • ||

ଗୋଟିଏ ରାତିର ବର୍ଷା : ନର୍ଦ୍ଦମା ପାଣିରେ ଉବୁଟୁବୁ କଟକ, ହାତ ଟେକିଦେଲେ ସିଏମସି କମିଶନର

6/07/2019 at 5:12 PM

କଟକ ୬|୭: ପ୍ରଶାସନର ସବୁ ପ୍ରତିଶ୍ରୁତି ପାଣିରେ ଭାସିଗଲା । ଗଲା ରାତିର ଲଗାଣ ବର୍ଷାରେ ବେହାଲ୍ କଟକ ସହର । ଚାରିଆଡେ ଛୁଟୁଛି ପାଣିର ସୁଅ ।ଘରେ ଘରେ ପାଣି ପଶିଥିବାରୁ ଖିଆ ପିଆ ବି ବନ୍ଦ । ସ୍ଥାୟୀ ପ୍ରତିକାର ଛାଡନ୍ତୁ କଟକର ତଳିଆ ଅଞ୍ଚଳରେ ରହୁଥିବା ଲୋକଙ୍କୁ ଜଳବନ୍ଦୀରୁ ସାମୟିକ ଆଶ୍ବସ୍ଥି ଦେବାରେ ସକ୍ଷମ ହେଲାନି କଟକ ମହାନଗର ନିଗମ । ବର୍ଷା ଆଉ ନର୍ଦ୍ଦମା ଜଳରେ କଟକବାସୀ ଉବୁଟୁବୁ ହେଉଥିବା ବେଳେ, ସି ଏମ୍ ସି କମିଶନର ହାତ ଟେକି ଦେଇଛନ୍ତି ।

ଲଗାଣ ବର୍ଷାରେ ଉବୁଟୁବୁ କଟକ । ସହରର ବିଭିନ୍ନ ସାହି ବସ୍ତିରେ ଲହଡି ମାରୁଛି ପାଣି । କେଉଁଠି ଆଣ୍ଠୁଏ ତ କେଉଁଠି ଅଣ୍ଟାଏ ପାଣି ଚାଲିଛି । ଡ୍ରେନ ପାଣି ବର୍ଷା ପାଣି ସବୁ ଏକାକାର । ରାସ୍ତାରେ ଗାଡି ଚଲାଇବା ବି କଷ୍ଟକର । ବିଶେଷ କରି ତଳିଆ ଅଞ୍ଚଳରେ ଲୋକେ ନାହିଁ ନଥିବା ଅସୁବିଧା ଭୋଗୁଛନ୍ତି । ଘରେ ଘରେ ପଶିଛି ପାଣି । ଚୁଲି ଜାଳ ସବୁ ଓଦା । ରୋଷେଇ ବାସ ଖିଆ ପିଆ ସବୁ ବନ୍ଦ । ଖଟ ଓ ଟେବୁଲ ଉପରେ ଜିନିଷପତ୍ର ଥୋଇ ବସିଛନ୍ତି ଲୋକେ ।

ପଟ୍ଟାପୋଲ ଅଞ୍ଚଳରେ ଅବସ୍ଥା ଅତ୍ୟନ୍ତ ସାଙ୍ଘାତିକ । ଦୁଃଖ ବଖାଣିବା ବେଳକୁ ଲୋକଙ୍କ ଆଖିରେ ଲୁହ ଆସିଯାଉଛି । ବର୍ଷା ଯୋଗୁଁ ପାଖାପାଖି ୧୦ ହଜାର ଲୋକ ପ୍ରଭାବିତ ହୋଇଛନ୍ତି । କିନ୍ତୁ ଶାସନ ପ୍ରଶାସନ ସମସ୍ତେ ନିର୍ବିକାର । ଗୋପଦ ଅଭିଯାନରେ ଗଳି କନ୍ଦି ବୁଲୁଥିବା କମିସନର ଓ ଜିଲ୍ଲାପାଳଙ୍କ କିନ୍ତୁ  ଦେଖା ମିଳିନଥିଲା । ସି ଏମ୍ ସି କମିଶନର କଟକର ଅବସ୍ଥା ଦେଖି  ଏକ ପ୍ରକାର ହାତ ଟେକି ଦେଇଛନ୍ତି ।

ବର୍ଷା ପୂର୍ବରୁ ନଗର ଉନ୍ନୟନ ମନ୍ତ୍ରୀ ସହରର ତଳିଆ ଅଞ୍ଚଳ ବୁଲିଲେ । ସିଏମସି କମିଶନର ଓ ଜିଲ୍ଲାପାଳ ଗୋପଦ ଯୋଜନାରେ ସହରର ଗଳିକନ୍ଦି ବୁଲିଲେ । ଡ୍ରେନ୍ ସଫା କରାଯିବ ଆଉ ଏଥର ବର୍ଷାରେ ଜଳବନ୍ଦୀ ଅବସ୍ଥା ଲୋକଙ୍କୁ ଏତଟା ହଇରାଣ କରିବନି ବୋଲି ପ୍ରତିଶ୍ରୁତି ବି ଦେଲେ ସମସ୍ତେ । କିନ୍ତୁ ମାତ୍ର ୨୪ ଘଣ୍ଟାର ବର୍ଷାରେ ବେହାଲ୍ ହୋଇଯାଇଛି କଟକ । ଆଗକୁ ସ୍ଥିତି କଣ ହେବ ତାକୁ ଭାବି ଭାବି ଲୋକେ ଏବେଠୁ ଆତଙ୍କିତ ।

   Related Posts