କଟକ ୬|୭: ଲଗାଣ ବର୍ଷାରେ ବେହାଲ କଟକ ସହରର ଅବସ୍ଥା ।  ଗତ ୧୨ ଘଣ୍ଟାର ଲଗାଣ ବର୍ଷା ଫଳରେ କଟକ ସହରର ଅଧିକାଂଶ ଅଞ୍ଚଳ ଜଳମଗ୍ନ ହୋଇଛି । ବିଶେଷ କରି ସହରର ତଳି ଅଞ୍ଚଳ ପଟ୍ଟାପୋଲ, ମେରିଆ ବଜାର, ସୂତାହାଟ, ତୁଳସୀପୁର, ବାଦାମବାଡି, ସାଅନ୍ତସାହି, ପିଠାପୁର ଆଦି ଅଞ୍ଚଳ ଜଳମଗ୍ନ ହୋଇପଡିଛି । ଲୋକେ ଯାତାୟତ ପାଇଁ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।

ବିଭିନ୍ନ ଅଞ୍ଚଳରେ ଆଣ୍ଠୁଏ ଆଣ୍ଠୁଏ ପାଣି ଜମି ରହିଛି । ଲୋକଙ୍କ ଘରେ ମଧ୍ୟ ପାଣି ପଶିଯାଇଛି । ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ପଟ୍ଟାପୋଲ ଅଞ୍ଚଳରେ ଏତେ ମାତ୍ରାରେ ପାଣି ଜମି ରହିଛି । ବସ୍ତି ଅଞ୍ଚଳର ଘର ଗୁଡିକ ପାଣିରେ ବୁଡି ରହିଛି । ଗତକାଲିଠାରୁ ଏପରି ଅବସ୍ଥା ଲାଗିରହିଛି ।

ଗତ ୨୪ ଘଣ୍ଟା ମଧ୍ୟରେ କଟକରେ ସର୍ବାଧିକ ୧୩୪.୪ ମିମି ବର୍ଷା ହୋଇଥିବା ରେକର୍ଡ କରାଯାଇଛି ।  ପ୍ରଶାସନ ପକ୍ଷରୁ କିଛି ଅଞ୍ଚଳରେ ଜଳ ନିଷ୍କାସନ ପାଇଁ ପମ୍ପ୍ ବ୍ୟବସ୍ଥା କରାଯାଇଥିଲେ ମଧ୍ୟ ସବୁ ଅଞ୍ଚଳରେ ପମ୍ପ୍ ବ୍ୟବସ୍ଥା କରାଯାଇନାହିଁ । ଫଳରେ ପାଣି ନିଷ୍କାସନ ହୋଇପାରୁନାହିଁ । ପାଣିରେ ଉବୁଟୁବୁ ହୋଇ ଲୋକେ ହନ୍ତସନ୍ତ ହେଉଛନ୍ତି ।