ବଲାଙ୍ଗୀର ୦୨/୦୮: ସାରା ରାଜ୍ୟରେ ଲାଗି ରହିଛି ତୁହାକୁ ତୁହା ବର୍ଷା । ପ୍ରବଳ ବର୍ଷାରେ ବେହାଲ ଜନଜୀବନ । ବିଭିନ୍ନ ସ୍ଥାନରେ ଜଳବନ୍ଦୀ ପରିସ୍ଥିତି । ଅନେକ ସ୍ଥାନରେ ବନ୍ୟା ଆଶଙ୍କା । ବିପଦ ସଂକେତ ଉପରେ ବିଭିନ୍ନ ନଦୀର ଜଳସ୍ତର ।

ରାସ୍ତାଘାଟ ଏକାକାର । ଘରୁ ବାହାରିବା ମୁସ୍କିଲ ହୋଇପଡିଛି । ଏପରି ସ୍ଥିତିରେ ଆଲର୍ଟରେ ରାଜ୍ୟ ସରକାର । ବର୍ଷାକୁ ଦେଖି ୧୨ ଜିଲ୍ଲାରେ ସ୍କୁଲ ଛୁଟି ଘୋଷଣା କରିଛନ୍ତି ସରକାର । ସେହିଭଳି ବଲାଙ୍ଗୀରରେ ବି ସ୍ଥିତି ଅସମ୍ଭାଳ । ସ୍କୁଲ୍ କଲେଜ ସିନା ବନ୍ଦ ହୋଇଛି କିନ୍ତୁ ମନ୍ଦିରରେ ବି ଜଳବନ୍ଦୀ ପରିସ୍ଥିତି ସୃଷ୍ଟି ହୋଇଛି।

ବଲାଙ୍ଗୀର ଅଧିଷ୍ଠାତ୍ରି ଦେବୀ ମା ପାଟଣେଶ୍ୱରୀଙ୍କ ଗମ୍ଭୀରାରେ ପଶିଛି ପାଣି । ଲଗାଣ ବର୍ଷା ଯୋଗୁଁ ମନ୍ଦିର ଗମ୍ଭୀରା ସହ ମଣ୍ଡପରେ ବି ପାଣି ପଶିଛି । ଡ୍ରେନେଜ୍ ବ୍ୟବସ୍ଥା ସହ ପୁରୁଣା ମନ୍ଦିର ଯୋଗୁଁ ବାହାରୁ ପାଣି ପଶୁଥିବା ଜଣାପଡିଛି । ଖାଲି ସେତିକି ନୁହେଁ ଛାତରୁ ବି ପାଣି ଗଳୁଛି ।