ନୂଆଦିଲ୍ଲୀ ୦୪/୦୬: ନ୍ୟୁଜିଲାଣ୍ଡ କ୍ରିକେଟ୍ ଟିମ୍ ଏବେ ତିନି ଟେଷ୍ଟ୍ ମ୍ୟାଚ୍ ବିଶିଷ୍ଟ ସିରିଜ୍ ଖେଳିବାକୁ ଇଂଲଣ୍ଡ ଗସ୍ତରେ ଅଛି । ଲର୍ଡସରେ ଉଭୟ ଦଳ ମଧ୍ୟରେ ପ୍ରଥମ ମ୍ୟାଚ୍ ଖେଳାଯାଉଛି । ମ୍ୟାଚର ପ୍ରଥମ ଦିନରେ ହିଁ ବୋଲରଙ୍କ ଦବଦବା ଦେଖିବାକୁ ମିଳିଥିଲା । ଗୁରୁବାର ନ୍ୟୁଜିଲାଣ୍ଡର ସମସ୍ତ ୧୦ ବ୍ୟାଟର୍ ପ୍ୟାଭିଲିୟନ ଫେରିଥିଲେ । ସେହିପରି ଇଂଲଣ୍ଡ ଟିମ୍ ମଧ୍ୟ ୭ ଓ୍ୱିକେଟ୍ ହରାଇଥିଲା ।
ସମାଲୋଚନା କଲେ ଜାଫର
ଭାରତୀୟ ଦଳର ପୂର୍ବତନ କ୍ରିକେଟର ଓ୍ୱାସିମ ଜାଫର ପ୍ରଥମ ଦିନର ଖେଳ ଶେଷ ପରେ ଏକ ମଜାଳିଆ ପୋଷ୍ଟ୍ କରିଥିଲେ । ସେ ଏକ ମିମ୍ ସେୟାର କରି ଲେଖିଥିଲେ ଯେ, ଯଦି ଭାରତୀୟ ପିଚରେ ଏପରି ହୋଇଥାନ୍ତା ତେବେ ସମାଲୋଚନା କରାଯାଇଥାନ୍ତା । ଲର୍ଡସରେ ଗୋଟିଏ ଦିନରେ ୧୭ ଓ୍ୱିକେଟ୍ ପତନ ଘଟିଛି । ଏଥିପାଇଁ ବୋଲରଙ୍କୁ ଶ୍ରେୟ ଦିଆଯାଉଛି । କିନ୍ତୁ ଅହମ୍ମଦାବାଦରେ ଗୋଟିଏ ଦିନରେ ୧୭ ଓ୍ୱିକେଟ୍ ପତନ ଘଟିଥିଲା । ସମସ୍ତେ କ୍ରିଜକୁ ନେଇ ପ୍ରଶ୍ନ ଉଠାଇଥିଲେ ।
wp:html/wp:htmlWhen 17 wkts fall in a day at Lord's, talk is about skills of the bowlers.
— Wasim Jaffer (@WasimJaffer14) June 3, 2022
When 17 wkts fall in a day at Ahmedabad, talk is about conditions. #ENGvNZ pic.twitter.com/2sl4n26Cn3
୧୪୧ ରନରେ ଅଲଆଉଟ୍ ଇଂଲଣ୍ଡ
ନ୍ୟୁଜିଲାଣ୍ଡ ପ୍ରଥମ ଇନିଂସରେ ୧୩୨ ରନରେ ଅଲଆଉଟ୍ ହୋଇଯାଇଥିଲା । କେବଳ କୋଲିନ୍ ଡିଗ୍ରାଣ୍ଡହୋମ୍ ଅପରାଜିତ ୪୨ ରନ୍ କରିଥିଲେ । ସେହିପରି ଟିମ୍ ସାଉଦି ୨୬ ରନର ଇନିଂସ ଖେଳିଥିଲେ । ଇଂଲଣ୍ଡ ପକ୍ଷରୁ ଜେମ୍ସ ଆଣ୍ଡରସନ୍ ଓ ଡେବ୍ୟୁ କରୁଥିବା ମେଟୀ ପଣ୍ଟସ୍ ୪ଟି ଲେଖାଏଁ ଓ୍ୱିକେଟ୍ ଅକ୍ତିଆର କରିଥିଲେ ।
ଏହାର ଜବାବରେ ନ୍ୟୁଜିଲାଣ୍ଡ ମଧ୍ୟ କିଛି ଖାସ୍ ପ୍ରଦର୍ଶନ କରିପାରିନଥିଲା । ଦଳ ୧୪୧ ରନରେ ହିଁ ଅଲଆଉଟ୍ ହୋଇଯାଇଥିଲା । ଓପନର ଜ୍ୟାକ୍ କ୍ରାଉଲି ୪୩ ଓ ଆଲେକ୍ସ ୨୫ ରନ୍ କରିଥିଲେ । ନ୍ୟୁଜିଲାଣ୍ଡ ପକ୍ଷରୁ ଟିମ୍ ସାଉଦି ୪ ଓ ଟ୍ରେଣ୍ଟ୍ ବୋଲଟ୍ ୩ଟି ଓ୍ୱିକେଟ୍ ହାସଲ କରିଥିଲେ ।