scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଆସନ୍ତାକାଲି ଧାମନଗରେ ଭୋଟ୍ କାଉଣ୍ଟିଂ, ଧଡ଼ଧଡ଼ ହେଲାଣି ପ୍ରାର୍ଥୀଙ୍କ ଛାତି

5/11/2022 at 11:39 PM

ଭଦ୍ରକ: ଆସନ୍ତାକାଲି ଧାମନଗରେ ଭୋଟ୍ କାଉଣ୍ଟିଂ ଡେ` । ଉପନିର୍ବାଚନରେ ପ୍ରତିଦ୍ବନ୍ଦ୍ବିତା କରିଥିବା ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ ହେବ । କାଲି ସକାଳ ୮ଟାରୁ ଆରମ୍ଭ ହେବ ଭୋଟଗଣତି । ଏଥି ପାଇଁ ପ୍ରସ୍ତୁତ ହୋଇଥିବା ୧୪ ଟେବୁଲରେ ୧୮ ରାଉଣ୍ଡ ଗଣତି ହେବ । ଏଥି ପାଇଁ ଷ୍ଟ୍ରଙ୍ଗ ରୁମ୍ କରାଯାଇଥିବା ସଂସ୍କୃତି ଭବନ ଚାରି ପାଖରେ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା କରାଯାଇଛି । ସେପଟେ ଜିତାପଟକୁ ନେଇ ନିଜ ନିଜର ଦାବିଦାରୀ ପେଶ୍ କରିଛନ୍ତି ବିଜେଡି ଓ ବିଜେପି । ତେବେ ସ୍ବାଧୀନ ପ୍ରାର୍ଥୀ ରାଜେନ୍ଦ୍ର ଦାସଙ୍କ ଭୋଟ୍ ଉପରେ ରହିଛି ପଲିଟିକାଲ ପଣ୍ଡିତଙ୍କ ନଜର ।

ରବିବାର ଧାମନଗର ରାୟ । ଉପନିର୍ବାଚନ ଭୋଟ ଗଣତିକୁ ନେଇ ବଢ଼ୁଛି ଉତ୍କଣ୍ଠା । କାଲି ଧାମନଗରରେ କାଉଣ୍ଟିଂ ପାଇଁ ନିର୍ବାଚନ କମିଶନଙ୍କ ପକ୍ଷରୁ ସମସ୍ତ ପ୍ରସ୍ତୁତି ଚୂଡ଼ାନ୍ତ ହୋଇଛି । କାଲି ସକାଳ ୮ଟାରୁ ଆରମ୍ଭ ହେବ ଭୋଟ ଗଣତି । ପ୍ରଥମେ ପୋଷ୍ଟାଲ ବାଲଟ ଗଣତି ହେବ । ଏହା ପରେ ୧୪ଟି ଟେବୁଲରେ ମୋଟ ୧୮ରାଉଣ୍ଡରେ ଭୋଟ ଗଣତି ହେବ । ଶେଷରେ ଭିଭିପାଟ୍ ସହ ପୁଲିଂ ଓ ଭୋଟିଂ ସଂଖ୍ୟାକୁ ମେଳକ କରାଯିବ । କାଉଣ୍ଟିଂ ପାଇଁ ଷ୍ଟ୍ରଙ୍ଗ ରୁମ୍ କରାଯାଇଥିବା ସଂସ୍କୃତି ଭବନରେ ତ୍ରି-ସ୍ତରୀୟ ସୁରକ୍ଷା ବ୍ୟବସ୍ଥା କରାଯାଇଛି ।  ଇଭିଏମରେ ଭୋଟିଂ ହୋଇଥିବାରୁ ଅପରାହ୍ଣ ୪ଟା ସୁଦ୍ଧା ଫଳାଫଳ ସାମ୍ନାକୁ ଆସିଯିବ ବୋଲି ଆଶା କରାଯାଉଛି ।

ଆଉ ମାତ୍ର ଗୋଟିଏ ରାତିର ବ୍ୟବଧାନ । ଧଡ଼ଧଡ଼ ହେଲାଣି ପ୍ରାର୍ଥୀଙ୍କ ଛାତି । ଭୋଟ ଗଣତି ପୂର୍ବରୁ କଂଗ୍ରେସ ହାତ ଟେକିଦେଇଥିବା ବେଳେ ବିଜେଡି-ବିଜେପି ଓ ସ୍ବାଧୀନ ପ୍ରାର୍ଥୀ ରାଜେନ୍ଦ୍ର ଦାସଙ୍କ ଭିତରେ କିଏ ଜିତିବ ଧାମନଗର ତାକୁ ନେଇ ଚାଲିଛି ଅଙ୍କକଷା । ଧାମନଗରବାସୀଙ୍କ ରାୟ ବିଜେଡି ସପକ୍ଷରେ ଯିବ ବୋଲି ଦଳୀୟ ନେତା ଫୁଲ୍ କନ୍ଫିଡେଣ୍ଟ ଶୋ’ କରୁଛନ୍ତି । ସେହିଭଳି ଧାମନଗରରେ ପୁଣି ପଦ୍ମ ଫୁଟିବ ବୋଲି କହୁଛନ୍ତି ବିଜେପି ନେତା । ତେବେ ବିଜେଡି ଓ ବିଜେପିର ଦମ୍ଭୋକ୍ତିକୁ ପ୍ରମାଣିତ କରିବାରେ ନିର୍ଣ୍ଣାୟକ ଭୂମିକା ନେଇପାରନ୍ତି ସ୍ବାଧୀନ ପ୍ରାର୍ଥୀ ରାଜେନ୍ଦ୍ର ଦାସ ।

ଧାମନଗରରେ ମୋଟ୍ ୬୮.୯୮ ପ୍ରତିଶତ ଭୋଟିଂ ହୋଇଛି । ଅର୍ଥାତ୍ ୨ଲକ୍ଷ ୩୮ହଜାର ୪୧୭ ଭୋଟରଙ୍କ ଭିତରୁ ଉପନିର୍ବାଚନରେ ୧ ଲକ୍ଷ ୬୪ହଜାର ୪୬୫ ଭୋଟ ଦେଇଛନ୍ତି । ଏହାରି ଭିତରେ ୬୪.୨୨ ପ୍ରତିଶତ ପୁରୁଷ ଭୋଟର ଥିବା ବେଳେ ମହିଳା ଭୋଟରଙ୍କ ସଂଖ୍ୟା ୭୪ ପ୍ରତିଶତ ରହିଛି । ଜୟନଗର ୧୧୬ ନମ୍ବର ବୁଥରେ ସର୍ବାଧିକ ୮୩.୩୨ ପ୍ରତିଶତ ଭୋଟିଂ ହୋଇଥିବା ବେଳେ ବାରୋ ନୋଡାଲ ହାଇସ୍କୁଲ ବୁଥ ନମ୍ବର ୬୯ରେ ମତଦାନ ହାର ସର୍ବନିମ୍ନ ୫୪.୮୭ ପ୍ରତିଶତ ରହିଛି ।

ଧାମନଗର ଉପନିର୍ବାଚନରେ ଅଧିକ ମାତ୍ରାରେ ମହିଳା ଭୋଟ୍ ଦେଇଥିବାରୁ ଏଠାରେ ବିଜେଡିକୁ ଫାଇଦା ଯାଇପାରେ । ତଥାପି ଚିତ୍ର ଅସ୍ପଷ୍ଟ ରହିଥିବାରୁ ବିଜେଡି-ବିଜେପି ଓ ସ୍ବାଧୀନ ପ୍ରାର୍ଥୀ ରାଜେନ୍ଦ୍ର ସାହୁଙ୍କ ଭିତରେ କ୍ଲୋଜ୍ କଣ୍ଟେଷ୍ଟ ହୋଇପାରେ ବୋଲି ଚର୍ଚ୍ଚା ହେଉଛି ।

   Related Posts