କଙ୍ଗନା ରଣାୱତଙ୍କୁ ଚାପୁଡ଼ା ମାଡ଼କୁ ନେଇ ଏବେ ସାରା ଦେଶରେ ଚର୍ଚ୍ଚା। ଗୋଟିଏ ପଟେ କିଛି ସେଲିବ୍ରିଟି କଙ୍ଗନା ରଣାୱତଙ୍କୁ ସମର୍ଥନ କରୁଥିବାବେଳେ କିଛି ଅଭିନେତ୍ରୀଙ୍କ ବିରୋଧରେ କହିଛନ୍ତି। ଅନେକ ସେଲିବ୍ରିଟି ଏହି ପ୍ରସଙ୍ଗରେ ନିରବ ରହିଛନ୍ତି। 2024 ଲୋକସଭା ନିର୍ବାଚନରେ ଜିତିବା ପରେ ଦିଲ୍ଲୀକୁ ଯାଉଥିବା କଙ୍ଗନା ରଣାୱତଙ୍କୁ ଚଣ୍ଡିଗଡ଼ ବିମାନବନ୍ଦରରେ ଜଣେ ସିଆଇଏସ୍ଏଫ୍ ମହିଳା କନଷ୍ଟେବଳ ଚାପୁଡ଼ା ମାରିଥିଲେ। ସେହି ସମୟର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଘଟଣା ତଦନ୍ତ ପରେ ଚାକିରିରୁ ନିଲମ୍ବିତ ହୋଇଛନ୍ତି ସମ୍ପୃକ୍ତ ଯବାନ।
ଏହା ପରେ ସିଆଇଏସ୍ଏଫ୍ ମହିଳା କନଷ୍ଟେବଳ କୁଲବିନ୍ଦର କୌରଙ୍କୁ ଚାକିରି ଅଫ୍ର ମିଳିଛି। ବିଶାଲ ଦଦଲାନି କଙ୍ଗନା ରାନାୱତ ଚାପୁଡ଼ା ପ୍ରସଙ୍ଗରେ ଲେଖିଛନ୍ତି, 'ମୁଁ ଏଭଳି କାର୍ଯ୍ୟକୁ ସମର୍ଥନ କରେ ନାହିଁ, କିନ୍ତୁ ଯଦି ସିଆଇଏସ୍ଏଫ୍ ମହିଳା କନଷ୍ଟେବଳ କୁଲବିନ୍ଦର କୌର ଚାକିରି ହରାନ୍ତି, ତେବେ ମୁଁ ତାଙ୍କୁ ଚାକିରି ଦେବି'।
ବର୍ତ୍ତମାନ ବିଶାଲ ଦଦଲାନୀଙ୍କ ଏହି ପୋଷ୍ଟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏବଂ ୟୁଜର୍ସ ତାଙ୍କୁ ବହୁତ ପ୍ରଶଂସା କରୁଛନ୍ତି। ଅନେକ ୟୁଜର୍ସ ସଂଗୀତ ନିର୍ଦ୍ଦେଶକଙ୍କ ନିକଟରେ ପ୍ରଣାମ କରି ମୁଣ୍ଡ ନୁଆଁଇଥିବା ବେଳେ କେହି କେହି ତାଙ୍କ ସାହସକୁ ପ୍ରଶଂସା କରିଛନ୍ତି। ଏଥି ସହିତ ଅନେକ ଅଛନ୍ତି ଯେଉଁମାନେ ବିଶାଲଙ୍କୁ ସମାଲୋଚନା କରୁଛନ୍ତି।
ଏପରିକି ଲୋକମାନେ ବର୍ତ୍ତମାନ ତାଙ୍କୁ ସୋନୁ ସୁଦ ସହିତ ତୁଳନା କରୁଛନ୍ତି। ବିଶାଲ କ୍ରମାଗତ ଭାବରେ ବର୍ତ୍ତମାନର ସରକାର ଉପରେ ଆକ୍ରମଣ କରୁଛନ୍ତି। ଏଠାରେ ତାଙ୍କର ଏକ ପୋଷ୍ଟରେ କଙ୍ଗନା ରଣାୱତ ମଧ୍ୟ ତାଙ୍କୁ ସମର୍ଥନ ନକରି ବଲିଉଡ ତାରକାଙ୍କୁ ସମାଲୋଚନା କରିଥିଲେ ଏବଂ ଆସନ୍ତାକାଲି ତାଙ୍କ ପିଲାମାନଙ୍କ ସହିତ ମଧ୍ୟ ଏହା ହୋଇପାରେ ବୋଲି କହିଥିଲେ।
