ବିଶାଖାପାଟନାମ୍: ଆନ୍ଧ୍ରପ୍ରଦେଶ ବିଶାଖାପାଟନମ ବନ୍ଦରରେ ଭୟାବହ ଅଗ୍ନିକାଣ୍ଡ । ଭୀଷଣ ନିଆଁରେ ଜଳିଗଲା ୪୦ରୁ ଅଧିକ ମାଛଧରା ଡଙ୍ଗା । ମତ୍ସ୍ୟଜୀବୀଙ୍କ ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ ହୋଇଛି । ତେବେ କେଉଁ କାରଣରୁ ନିଆଁ ଲାଗିଲା ତାହାର କୌଣସି ସ୍ପଷ୍ଟ ତଥ୍ୟ ନାହିଁ । ଅନ୍ୟପଟେ କେହି ଅପରାଧିକତତ୍ତ୍ବ ଡଙ୍ଗାରେ ନିଆଁ ଲଗାଇ ଦେଇଥିବା ଅଭିଯୋଗ କରିଛନ୍ତି ମତ୍ସ୍ୟଜୀବୀ । ଅଗ୍ନିକାଣ୍ଡ ଖବର ମିଳିବା ପରେ ତୁରନ୍ତ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ କାବୁ କରିଛି । ସେହିପରି ସ୍ଥାନୀୟ ପୋଲିସ ମତ୍ସ୍ୟଜୀବୀଙ୍କ ଏତଲା ଆଧାରରେ ଘଟଣାରେ ତଦନ୍ତ ଆରମ୍ଭ କରିଛି ।

ବନ୍ଦରରେ ନିଆଁ ଲାଗିବା ଯୋଗୁ ମାଛଧରା ଡଙ୍ଗା ଓ ଅନ୍ୟ ବୋଟ୍ ମଧ୍ୟ ପୋଡ଼ି ପାଉଁଶ ହୋଇଛି । ଯାହା ଫଳରେ ୨୫-୩୦ କୋଟି ଟଙ୍କାର ସମ୍ପତ୍ତି ନଷ୍ଟ ହୋଇଛି । ସେପଟେ ଋଣ କରି ବୋଟ୍ ନିର୍ମାଣ କରିଥିବା ମାଲିକ ଏବେ ଚିନ୍ତାରେ । ସ୍ଥାନୀୟ ଲୋକଙ୍କ କହିବା ଅନୁଯାୟୀ, କିଛି ଦୁର୍ବୃତ୍ତ ଏଭଳି ଘୃଣ୍ୟ କାମ କରିଛନ୍ତି । ପ୍ରତ୍ୟକ୍ଷଦର୍ଶିଙ୍କ ସୂଚନା ମୁତାବକ ରବିବାର ରାତି ୧୧ଟାରେ ଏହି ଅଗ୍ନିକାଣ୍ଡ ହୋଇଛି । ଅଗ୍ନିଶମ ଅଧିକାରୀଙ୍କ କହିବା ଅନୁଯାୟୀ, ଏକ ଘଣ୍ଟା ପରିଶ୍ରମ ପରେ ନିଆଁ କାବୁ କରାଯାଇଥିଲା ।   

ତେବେ କେମିତି ବନ୍ଦର ଥିବା ଡାଙ୍ଗାରେ ନିଆଁ ଲାଗିଲା ଏହାର କୌଣସି ତଥ୍ୟ ନାହିଁ । ବିଶାଖାପାଟନାମ୍ ଅଗ୍ନିଶମ ଅଧିକାରୀ ଏସ. ରେଣୁକୟା କହିଛନ୍ତି, ନିଆଁ ମାଛଧରା ଡଙ୍ଗାରେ ଲାଗିଥିଲା । ଗୋଟିଏ ଡଙ୍ଗାରେ ନିଆଁ ଲାଗିପାରେ ସମସ୍ତ ଡଙ୍ଗା ସମସ୍ତ ନିଆଁର ଆଁ ଭିତରକୁ ଆସିଥିଲା । ରାତି 4ଟାରେ ନିଆଁ କାବୁ ହୋଇଥିଲା ।