scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବିରାଟ ଏଠି ବି ନମ୍ବର-୧, ସବୁଠୁ ଅଧିକ ସର୍ଚ୍ଚ କରାଯାଉଥିବା କ୍ରିକେଟର

10/07/2023 at 1:08 PM

ମୁମ୍ବାଇ ୧୦।୦୭ : ବିରାଟ କୋହଲିଙ୍କ ନାଁରେ ଆଉ ଏକ ରେକର୍ଡ । ପଡିଆରେ ଅନେକ ରେକର୍ଡକୁ ନିଜ ନାମର ବିରାଟ କରିଥିବାର ଜାଣିଛନ୍ତି । କିନ୍ତୁ ଏବେ ପଡିଆ ବାହାରେ ଆଉ ଏକ ରେକର୍ଡକୁ ନିଜ ରେକର୍ଡ ବୁକ୍‌ରେ ସାମିଲ କରିଛନ୍ତି କୋହଲି ।

ବିରାଟ କୋହଲି । ବର୍ତ୍ତମାନ ସମୟରେ ସର୍ବଶ୍ରେଷ୍ଠ ବ୍ୟାଟରଙ୍କ ମଧ୍ୟରୁ ଅନ୍ୟତମ । ନିଜକୁ ଫିଟ୍‌ ଓ ଟିମ୍‌ ପାଇଁ ସଠିକ୍‌ ସମୟରେ ଭଲ ଖେଳ ପ୍ରଦର୍ଶନ କରିଥାନ୍ତି କୋହଲି । ଯାହାଫଳରେ ଟିମ୍‌କୁ ବିଜୟ କରାଇବାରେ ମୁଖ୍ୟ ଭୂମିକା ନିର୍ବାହ କରିଥାନ୍ତି କିଙ୍ଗ୍‌ କୋହଲି । ତେବେ ଏହି କ୍ରମରେ ବିରାଟଙ୍କ ନାଁରେ ଆଉ ଏକ କାରନାମା ଯୋଡି ହୋଇଛି । ଓ୍ୱିକିପିଡିଆରେ ସବୁଠୁ ଅଧିକ ଥର ଯେଉଁ କ୍ରିକେଟରଙ୍କ ନାଁ ସର୍ଚ୍ଚ ହେଉଛି । ସେଥିରେ ସବୁଠୁ ଆଗରେ ରହିଛନ୍ତି ରନ୍‌ ମେସିନ୍‌ ବା ବିରାଟ କୋହଲି । ଦୁନିଆରେ ଯେତେ କ୍ରିକେଟର ଅଛନ୍ତି । ସେମାନଙ୍କ ତୁଳନାରେ ବିରାଟ୍‌ ବହୁ ଆଗରେ ରହିଛନ୍ତି ।

ତେବେ ଏହି ତାଲିକାରେ କ୍ରିକେଟର ହିସାବରେ ବିରାଟ କୋହଲି ପ୍ରଥମ ସ୍ଥାନରେ ରହିଥିବା ବେଳେ ତାଙ୍କ ପଛକୁ କ୍ୟାପଟେନ୍‌ କୁଲ୍‌ ବା ମହେନ୍ଦ୍ର ସିଂହ ଧୋନି ରହିଛନ୍ତି । ଧୋନିଙ୍କ ପରେ ଶୁଭମନ୍‌ ଗିଲ୍‌ ଏବଂ ଷ୍ଟିଭ୍‌ ସ୍ମିଥ୍‌ ରହିଛନ୍ତି । ଏମାନଙ୍କ ପଛକୁ ଉସ୍‌ମାନ ଖ୍ୱାଜା ଏବଂ ସଚ୍ଚିନ ତେନ୍ଦୁଲକର ରହିଛନ୍ତି ।

ସୂଚନାଯୋଗ୍ୟ ଯେ, ୨୦୧୧ରେ ଟିମ ଇଣ୍ଡିଆ ପାଇଁ ଟେଷ୍ଟ ଡେବ୍ୟୁ କରିଥିଲେ ବିରାଟ କୋହଲି । ଏବେ ସୁଦ୍ଧା ୧୦୯ଟି ଟେଷ୍ଟ ମ୍ୟାଚ୍‌ ଖେଳିସାରିଛନ୍ତି । ଏଥିରେ ୨୮ଟି ଶତକ ହାସଲ କରିଥିବା ବେଳେ ୨୮ଟି ଅର୍ଦ୍ଧଶତକ ରହିଛି ।ଏବେ ଯାଏଁ ୮୪୭୯ ରନ୍‌ ସଂଗ୍ରହ କରିସାରିଛନ୍ତି । ୨୫୪ ତାଙ୍କର ବ୍ୟକ୍ତିଗତ ଭାବେ ସର୍ବାଧିକ ସ୍କୋର ରହିଛି ।

ସେହିପରି ୨୦୦୮ରେ ଦିନିକିଆ କ୍ରିକେଟ୍‌ରେ ଡେବ୍ୟୁ କରିଥିଲେ । ଏବେ ଯାଏଁ ମୋଟ ୨୭୪ଟି ଦିନିକିଆ ମ୍ୟାଚ୍‌ ଖେଳିଥିବା ବେଳେ ୧୨,୮୯୮ ରନ୍‌ ସଂଗ୍ରହ କରିଛନ୍ତି । ଦିନିକିଆ କ୍ରିକେଟରେ ମୋଟ ୪୬ଟି ଶତକ ତାଙ୍କ ନାଁରେ ରହିଥିବା ବେଳେ ୬୫ଟି ଅର୍ଦ୍ଧଶତକ ରହିଛି । ୧୮୩ ତାଙ୍କର ସର୍ବାଧିକ ସ୍କୋର ରହିଛି । ସେହିପରି ୨୦୧୦ରେ ଟି-୨୦ କ୍ରିକେଟ୍‌ର ଡେବ୍ୟୁ କରିଥିଲେ ବିରାଟ । ମୋଟ ୧୧୫ଟି ମ୍ୟାଚ୍‌ ଖେଳି ୪୦୦୮ ରନ୍‌ ସଂଗ୍ରହ କରିଛନ୍ତି । ଏଥିରେ ଗୋଟିଏ ଶତକ ହାସଲ କରିଥିବା ବେଳେ ୩୭ଟି ଅର୍ଦ୍ଧଶତକ ରହିଛି ।

   Related Posts