scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମଡେଲଙ୍କ ସହ ସମାନ ଉଚ୍ଚତାରେ ଫଟୋ ଉଠିବାକୁ ବିରାଟ କଲେ ଏଭଳି କାମ… ହେଲେ ସମାଲୋଚନାର ଶିକାର

31/10/2018 at 1:19 PM

ମୁମ୍ବାଇ ୩୧|୧୦: ଭାରତୀୟ କ୍ରିକେଟ ଅଧିନାୟକ ବିରାଟ କୋହଲି କ୍ରିକେଟ ଖେଳିବା ସହ ମଡେଲିଂ ମଧ୍ୟ କରନ୍ତି | ଏକଥା ଆମେ ସମସ୍ତେ ଜାଣନ୍ତି | ସେ ବହୁ ପ୍ରଡକ୍ଟର ବିଜ୍ଞାପନ କରନ୍ତି | ଏଥିସହ କିଛି ପ୍ରଡକ୍ଟର ବ୍ରାଣ୍ଡ ଆମ୍ବାସଡର ମଧ୍ୟ ଅଛନ୍ତି | କିଛି ଦିନ ତଳେ ସେ ଏକ ଇଭେଣ୍ଟକୁ ଯାଇଥିଲେ | ସେଠାରେ ସେ ଏମିତି କିଛି କାମ କଲେ ଯାହା ଫଳରେ ତାଙ୍କୁ ସୋସିଆଲ ମିଡିଆରେ ଟ୍ରଲର ଶିକାର ହେବାକୁ ପଡିଛି | ମୁମ୍ବାଇର ବାନ୍ଦ୍ରାରେ Tissot ନାମକ ଏକ ଘଣ୍ଟାର ସ୍ୱତନ୍ତ୍ର ଏଡିସନ ଲଞ୍ଚ ଇଭେଣ୍ଟ ଅନୁଷ୍ଠିତ ହୋଇଥିଲା ।  ଯେଉଁଠି କୋହଲିଙ୍କ ସହିତ କିଛି ଆଥଲେଟ ମଧ୍ୟ ଯୋଗ ଦେଇଥିଲେ | ଏମାନଙ୍କ ମଧ୍ୟରେ ଟେନିସ ଖେଳାଳି କର୍ମନ କୌର ଥାଣ୍ଡି ମଧ୍ୟ ଉପସ୍ଥିତ ଥିଲେ | କର୍ମନଙ୍କ ସହିତ କୋହଲି କିଛି ଫଟୋ ଉଠାଇଥିଲେ | ତେବେ ଫଟୋ ପାଇଁ କୋହଲିଙ୍କୁ ଟ୍ରଲର ଶିକାର ହେବାକୁ ପଡିଛି  | ତେବେ କଣ ଏମିତି ଥିଲା ଫଟୋରେ ଆସନ୍ତୁ ଜାଣିବା :

୨୯ ବର୍ଷ ବୟସ୍କ ବିରାଟ କୋହଲିଙ୍କ ଉଚ୍ଚତା ୫ ଫୁଟ ୯ ଇଞ୍ଚ | ୨୦ ବର୍ଷ ବୟସ୍କା ଟେନିସ ଖେଳାଳି କର୍ମନଙ୍କ ଉଚ୍ଚତା ୫ ଫୁଟ ୧୧ ଇଞ୍ଚ | ତେବେ ଇଭେଣ୍ଟରେ କୋହଲି ଏବଂ କର୍ମନଙ୍କୁ ଘଣ୍ଟା ପିନ୍ଧି ଏକସଙ୍ଗେ ଫଟୋ ଉଠେଇବାର ଥିଲା | ଯେହେତୁ ବିରାଟଙ୍କ ଉଚ୍ଚତା କର୍ମନଙ୍କ ଠାରୁ କମ ସେଥିପାଇଁ ସେ ମଂଚ ଉପରେ ଥିବା ଏକ ବ୍ଲକ ଉପରେ ଛିଡା ହୋଇଥିଲେ | ଯାହାଫଳରେ ସେ କର୍ମନଙ୍କ ସହ ଉଚ୍ଚତାରେ ସମାନ ଦେଖାଯିବେ | ତେବେ କୋହଲିଙ୍କ ଏଭଳି କରିବା କିଛି ଲୋକଙ୍କୁ ପସନ୍ଦ ହୋଇନାହିଁ | ଯାହାକୁ ନେଇ ଲୋକେ କୋହଲିଙ୍କୁ ଆକ୍ଷେପ କରି ଟ୍ୱିଟ କରିଛନ୍ତି | କୋହଲି ଏଭଳି କଥା ନୁହେଁ ବୋଲି ତାଙ୍କର କିଛି ପ୍ରଶଂସକ ଟ୍ୱିଟରେ କହିଛନ୍ତି |

ଏହି ଇଭେଣ୍ଟରେ ବିରାଟ ଏବଂ କର୍ମନଙ୍କ ବ୍ୟତୀତ ଶତନାମ ସିଂ, ଆଦିଲ ବେଦୀ, ଶିବାନୀ କଟାରିୟା, ସଚିକା କୁମାର ଇଂଲେ, ଜେହାନ ଦାରୁୱାଲା, ପିଙ୍କି ରାଣୀ ଏବଂ ମନୋଜ କୁମାରଙ୍କ ଭଳି ଖେଳାଳି ଉପସ୍ଥିତ ଥିଲେ | ଏ ସମସ୍ତ ଖେଳାଳି ବିରାଟ କୋହଲିଙ୍କ ଫାଉଣ୍ଡେସନ ସହିତ ଜଡିତ |

   Related Posts