ନୂଆଦିଲ୍ଲୀ ୧୬/୦୫: ବିରାଟ କୋହଲି । ଆଇପିଏଲ୍ ୨୦୨୪ରେ ଜାରି ରହିଛି ଜବରଦସ୍ତ ଫର୍ମ । ଅରେଞ୍ଜ କ୍ୟାପ୍ ରେସ୍ରେ ସବୁଠୁ ଆଗରେ । ଏହି ସିଜନ କୋହଲିଙ୍କ ଆଇପିଏଲ୍ କ୍ୟାରିୟରର ଦ୍ୱିତୀୟ ଶ୍ରେଷ୍ଠ ସିଜନ ଥିଲା । ଏପର୍ଯ୍ୟନ୍ତ ସେ ୧୩ଟି ମ୍ୟାଚରେ କରିଛନ୍ତି ୬୬୧ରନ୍ ସଂଗ୍ରହ କରିଛନ୍ତି । ଯାହା ୨୦୧୬ ରେ ୯୭୩ ପରେ ସର୍ବାଧିକ ଅଟେ ।
କିନ୍ତୁ ଟୁର୍ଣ୍ଣାମେଣ୍ଟ ସମୟରେ ବିରାଟ କୋହଲି ଏପରି କଥା କହିଛନ୍ତି ଯାହା ତାଙ୍କ ପ୍ରଶଂସକଙ୍କୁ ଭାବପ୍ରବଣ କରୁଛି । ବାସ୍ତବରେ ବିରାଟ କୋହଲିଙ୍କ ଅବସର ବିଷୟରେ କହିଥିଲେ । ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଅଫିସିଆଲ ସୋସିଆଲ ମିଡିଆରୁ ଏକ ଭିଡିଓ ସେୟାର କରାଯାଇଥିଲା ଯେଉଁଥିରେ କୋହଲି ତାଙ୍କ କ୍ୟାରିୟର ଶେଷ କରିବା ବିଷୟରେ କହିଥିଲେ ।
କୋହଲି କହିଛନ୍ତି ଯେ ସେ ସବୁଦିନ ପାଇଁ ଖେଳି ପାରିବେ ନାହିଁ, ତେଣୁ ସେ କିଛି ଛାଡିବାକୁ ଚାହାଁନ୍ତି ନାହିଁ ପରେ ଯାହାକୁ ନେଇ ସେ ଅନୁତାପ କରିପାରନ୍ତି ।
ଭିଡିଓରେ ଆୟୋଜକ କୋହଲିଙ୍କୁ ପଚାରିଥିଲେ, "ବିରାଟ, ଏକ ପରିବର୍ତ୍ତନଶୀଳ ଖେଳରେ, ଆପଣଙ୍କୁ ଆଗକୁ ଯିବାକୁ କଣ କରିବାକୁ ଚାହିଁବେ ? ପ୍ରତ୍ୟେକ ମ୍ୟାଚରେ ଆପଣ କିପରି ନିଜର ଶ୍ରେଷ୍ଠ ପ୍ରଦର୍ଶନ କରିବେ?" ଏହି ପ୍ରଶ୍ନର ଉତ୍ତରରେ କୋହଲି କହିଛନ୍ତି, "କ୍ରୀଡ଼ାବିତ୍ ଭାବରେ ଆମର କ୍ୟାରିୟର ଶେଷ କରିବାକୁ ଚାହୁଁଛି । ସେଥିପାଇଁ ମୁଁ ପୁନର୍ବାର କାମ କରୁଛି । ମୁଁ କୌଣସି କଥାକୁ ମୁନରେ ରଖି କ୍ୟାରିୟର ଶେଷ କରିବାକୁ ଚାହେଁ ନାହିଁ । ଏମିତି ଭାବିରେ ମୁଁ ସବୁଦିନ ପାିଇଁ ଖେଳିପାରିବି ନାହିଁ ।
"I wanna give it everything I have till the time I play, and that's the only thing that keeps me going" 🤌
— Royal Challengers Bengaluru (@RCBTweets) May 15, 2024
Virat's emotional but promising words while talking at the @qatarairways Royal Gala Dinner. 🗣️#PlayBold #ನಮ್ಮRCB #IPL2024 pic.twitter.com/htDczGQpNf
କିଙ୍ଗ କୋହଲି ଆହୁରି ମଧ୍ୟ କହିଛନ୍ତି, "ମୋ ପାଇଁ କ୍ରିକେଟ୍ର କୌଣସି କାମ ଅସମ୍ପୂର୍ଣ୍ଣ ଛାଡିବା ଏବଂ ପରେ ଅନୁତାପ ନକରିବା ବିଷୟରେ ଅଟେ । ଥରେ କ୍ୟାରିୟର ସରିବା ପରେ ଆଉ ହାତରେ କିଛି ନଥାଏ । ତୁମେ ମୋତେ ଆଉ ଦେଖିବାକୁ ପାଇବନି । କୋହଲିଙ୍କ ଏହି ବିବୃତ୍ତି ପ୍ରଶଂସକଙ୍କୁ ବେଶ୍ ଭାବପ୍ରବଣ କରିଛି ।
ଭିଡିଓ ଉପରେ ମନ୍ତବ୍ୟ ଦେଇ ଜଣେ ଉପଭୋକ୍ତା ଲେଖିଛନ୍ତି, "ଏହା ଶୁଣିବା ପରେ ମୋତେ ଆଉ ନିଦ ହେବନି । ଆପଣ ଖେଳିବା ଛାଡନ୍ତୁ ନାହିଁ । ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, "ତୁମର ଉପସ୍ଥିତି ଆମ ପାଇଁ ବହୁତ କିଛି କିଙ୍ଗ । ୨୦୨୭ ପର୍ଯ୍ୟନ୍ତ ଖେଳ, ତୁମର ଉପସ୍ଥିତି ଆମ ପାଇଁ ବହୁତ ଭଲ ଅଟେ । ସେହିଭଳି ପ୍ରଶଂସକମାନେ ସେମାନଙ୍କର ଭାବପ୍ରବଣ ପ୍ରତିକ୍ରିୟା ଦେଇଥିଲେ ।
