Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ଭିଏଲସି ମିଡିଆ ପ୍ଲେୟାର ବ୍ୟାନ୍, ଓ୍ୱେବସାଇଟରେ ଆସୁଛି ଆଇଟି ଆକ୍ଟ ମେସେଜ୍
  • ||
  • ୨୪ ଘଣ୍ଟାରେ ଘନୀଭୂତ ହେବ ଲଘୁଚାପ, ପ୍ରଭାବରେ ଦୁଇଦିନ ପ୍ରବଳ ବର୍ଷିବ
  • ||
  • ରେଳ ଧାରଣାରୁ ମିଳିଲା ମନ୍ତ୍ରୀଙ୍କ ଭଣଜାଙ୍କ ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ଦେଶରେ ଉପରତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୫୮୧୫ କରୋନା ପଜିଟିଭ୍
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୦୩ କୋଭିଡ୍ ପଜିଟିଭ୍
  • ||
  • କନ୍ନଡ ଗାୟକ ଶିବମୋଗା ସୁବାନାଙ୍କ ଦେହାନ୍ତ, ୮୩ ବର୍ଷ ବୟସରେ ହୃଦଘାତରେ ପରଲୋକ
  • ||
  • ଲଘୁଚାପ ସକ୍ରିୟ : ଦୁଇ ଦିନ ଯାଏଁ ପ୍ରବଳ ବର୍ଷା, ଫୁଲୁଛି ବିଭିନ୍ନ ନଦୀ
  • ||

‘ପାଟି ବନ୍ଦ କରି ବ୍ୟାଟିଂ କର’ : ପଡିଆରେ ଜନି ବେୟରଷ୍ଟୋ- ବିରାଟ କୋହଲି ମୁହାଁମୁହିଁ, ଭିଡିଓ ଭାଇରାଲ

4/07/2022 at 7:22 AM

ନୂଆଦିଲ୍ଲୀ ୦୪/୦୭: ଭାରତ ଓ ଇଂଲଣ୍ଡ ମଧ୍ୟରେ ଚାଲିଥିବା ଏଜବେଷ୍ଟନ ଟେଷ୍ଟରେ ଖୁବ୍ ରୋମାଞ୍ଚ ଦେଖିବାକୁ ମିଳିଛି । ପ୍ରଥମ ଦୁଇ ଦିନରେ ଭାରତୀୟ ଟିମ୍ ମ୍ୟାଚରେ ଦବଦବା ଜାହିର କରିଥିଲା । ତୃତୀୟ ଦିନରେ ଇଂଲଣ୍ଡ ଟିମ୍ ଅପେକ୍ଷାକୃତ ଭଲ ବ୍ୟାଟିଂ କରିଥିବା ବେଳେ ମୁହାଁମୁହିଁ ହୋଇଥିଲେ ଦୁଇ ଦଳର ଦୁଇ ଷ୍ଟାର୍ ଖେଳାଳି । ଇଂଲଣ୍ଡ ଟିମର ଖେଳାଳି ଜନି ବେୟରଷ୍ଟୋ ଓ ଭାରତୀୟ ଦଳର ପୂର୍ବତନ ଅଧିନାୟକ ବିରାଟ କୋହଲି ପଡିଆରେ ଯୁକ୍ତିତର୍କ ଲାଗିଥିଲେ । ଯାହା ପରେ ଅମ୍ପାୟାରଙ୍କୁ ହସ୍ତକ୍ଷେପ କରିବାକୁ ପଡିଥିଲା ।

ସୂଚନାନୁସାରେ, ତୃତୀୟ ଦିନ ଖେଳ ଆରମ୍ଭ ହେବା ସମୟରେ ଜନି ବେୟରେଷ୍ଟୋ ଓ ବେନ୍ ଷ୍ଟୋକସ୍ କ୍ରିଜକୁ ଆସିଥିଲେ । ଖେଳ ଆରମ୍ଭ ହେବାର କିଛି ସମୟ ପରେ ମହମ୍ମଦ ଶାମି ବୋଲିଂ କରୁଥିଲେ । ଏହି ସମୟରେ ବିରାଟ କୋହଲି ଓ ଜନିଙ୍କ ମଧ୍ୟରେ କିଛି କଥାବାର୍ତ୍ତା ହୋଇଥିଲା । ଏପରିକି ଦୁଇ ଖେଳାଳି ଯୁକ୍ତିତର୍କ ଲାଗିଥିଲେ । ଫଳରେ ବାଧ୍ୟ ହୋଇ ଅମ୍ପାୟାର ହସ୍ତକ୍ଷେପ କରିଥିଲେ । ଉଭୟ ଅମ୍ପାୟାର ଜନି ଓ କୋହଲିଙ୍କୁ ଶାନ୍ତ ହେବାକୁ କହିଥିଲେ । ମାହୋଲ ଶାନ୍ତ ହେଲା ପରେ ବିରାଟ କୋହଲି ଓ ଜନି ବେୟରେଷ୍ଟୋ ହସି ହସି କଥା ହେଉଥିବା ଦେଖିବାକୁ ମିଳିଥିଲା ।

ସୂଚନାଯୋଗ୍ୟ, ଦ୍ୱିତୀୟ ଦିନରେ ବର୍ଷା ହେଲା ବେଳେ ବିରାଟ ଓ ଜନିଙ୍କ ଫଟୋ ଭାଇରାଲ ହୋଇଥିଲା । ଉଭୟ ହସି ହସି ପ୍ୟାଭିଲିୟନ ଆଡେ ଯାଉଥିଲେ । ତେବେ ବିରାଟ ସଦାବେଳେ ଆକ୍ରମଣାତ୍ମକ ଆଭିମୁଖ୍ୟ ପସନ୍ଦ କରନ୍ତି । ଯାହା ଫ୍ୟାନଙ୍କୁ ଅନେକ ସମୟରେ ପସନ୍ଦ ଆସିଥାଏ ।

ଭଲ ସ୍ଥିତିରେ ଭାରତ

ଟେଷ୍ଟରେ ପ୍ରଥମେ ବ୍ୟାଟିଂ କରି ଭାରତ ୪୧୬ ରନ୍ ସ୍କୋର କରିଥିଲା । ଋଷଭ ପନ୍ତଙ୍କ ୧୪୬ ଓ ରବୀନ୍ଦ୍ର ଜାଡେଜାଙ୍କ ୧୦୪ ରନ୍ ବଳରେ ଭାରତ ୪୦୦ ରନ୍ ଅତିକ୍ରମ କରିଥିଲା । ବୋଲିଂରେ ମଧ୍ୟ ବୋଲର ଇଂଲିଶ ବ୍ୟାଟରଙ୍କୁ ବାନ୍ଧି ରଖିଥିଲେ । ଫଳରେ ଘରୋଇ ଦଳ ପ୍ରଥମ ଇନିଂସରେ ୩୦୦ ରନ୍ ଛୁଇଁବା ଆଗରୁ ଅଲଆଉଟ୍ ହୋଇଯାଇଥିଲା ।

   Related Posts