scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଟି-୨୦ ଏବଂ ଦିନିକିଆ ସିରିଜ୍‌ରୁ ବ୍ରେକ୍‌ ନେବେ ବିରାଟ ! ଟେଷ୍ଟକୁ କରିପାରନ୍ତି କମ୍‌ବ୍ୟାକ୍‌

29/11/2023 at 12:17 PM

ମୁମ୍ବାଇ ୨୯।୧୧ : କ୍ରିକେଟ୍‌ରୁ କିଛି ସମୟ ପାଇଁ ବ୍ରେକ୍‌ ନେବେ କିଙ୍ଗ କୋହଲି । ଆଗାମୀ ଟି-୨୦ ବିଶ୍ୱକପ୍‌, WTC ( ଓ୍ୱାଲ୍ଡ ଟେଷ୍ଟ ଚମ୍ପିଆନସିପ୍‌) ପାଇଁ ନିଜକୁ ପ୍ରସ୍ତୁତ କରିବା ଲାଗି ବିରାଟ କିଛି ଦିନ କ୍ରିକେଟ୍‌ରୁ ବିଶ୍ରାମ ନେଇପାରନ୍ତି । ହେଲେ ଏନେଇ କୌଣସି ସ୍ପଷ୍ଟ ସୂଚନା ମିଳିନାହିଁ ।

ଜାତୀୟ ଗଣମାଧ୍ୟମରେ ହେଉଥିବା ଚର୍ଚ୍ଚା ଅନୁସାରେ, ଭାରତୀୟ ଟିମ୍‌ ଏବେ ଅଷ୍ଟ୍ରେଲିଆ ବିପକ୍ଷରେ ଟି-୨୦ ସିରିଜ୍‌ ଖେଳୁଛି । ଏଥିର ବରିଷ୍ଠ ଖେଳାଳିଙ୍କୁ ବିଶ୍ରାମ ଦିଆଯାଇଛି । ନିକଟରେ ବିଶ୍ୱକପ୍‌ ଶେଷ ହୋଇଥିବାରୁ ସମସ୍ତ ବରିଷ୍ଠ ଖେଳାଳିଙ୍କୁ ବିଶ୍ରାମ ଦିଆଯାଇଛି । ଏହାପରେ ଭାରତୀୟ ଟିମ୍‌ର ଦକ୍ଷିଣ ଆଫ୍ରିକା ଗସ୍ତ ରହିଛି । ଯେଉଁଠାରେ ୩ଟିକିଆ ମ୍ୟାଚ୍‌ ବିଶିଷ୍ଟ ଟି-୨୦ ସିରିଜ୍‌, ୩ ଟିକିଆ ମ୍ୟାଚ୍‌ ବିଶିଷ୍ଟ ଦିନିକିଆ ସିରିଜ୍‌ ଏବଂ ୨ଟିକିଆ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ୍‌ ଖେଳିବ । ଏହି ସିରିଜ୍‌ ପାଇଁ ସମସ୍ତ ବରିଷ୍ଠ ଖେଳାଳି ଦଳକୁ ଫେରିବେ ବୋଲି ଅନୁମାନ କରାଯାଉଛି । ଡିସେମ୍ବର  ୧୦ରୁ  ଜାନୁଆରୀ ୩ ଯାଏଁ ଦକ୍ଷିଣ ଆଫ୍ରିକା ଗସ୍ତରେ ରହିବ ଭାରତୀୟ ଟିମ୍‌ ।

ତେବେ ଟି-୨୦ ଏବଂ ଦିନିକିଆ ସିରିଜ୍‌ ଚୟନ ପୂର୍ବରୁ ବିରାଟ କୋହଲି ବିସିସିଆଇକୁ ବିଶ୍ରାମ ନେଇ ଅନୁରୋଧ କରିଛନ୍ତି । ଆଗାମୀ ଦିନିକିଆ ଏବଂ ଟି-୨୦ ସିରିଜ୍‌ରେ ତାଙ୍କୁ ବିଶ୍ରାମ ଦେବାକୁ କହିଛନ୍ତି । ବାକି ଟେଷ୍ଟ ସିରିଜ୍‌ରେ ସେ ଖେଳିବା ପାଇଁ ଉପଲବ୍ଧ ରହିବେ ବୋଲି ଜଣାଇଛନ୍ତି । ଯାହାଫଳରେ କି ଉଭୟ ଟି-୨୦ ଏବଂ ଦିନିକିଆ ସିରିଜ୍‌ରେ ବିରାଟଙ୍କୁ ମିସ୍‌ କରିବେ ଫ୍ୟାନ୍ସ । ଶେଷରେ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜ୍‌ରେ ବିରାଟଙ୍କୁ ଦେଖିବାକୁ ମିଳିବ ବୋଲି ଚର୍ଚ୍ଚା ହେଉଛି । କିଛି ଦିନ ପାଇଁ କ୍ରିକେଟ୍‌ରୁ ବିଶ୍ରାମ ନେଇ ଉଭୟ ବିରାଟ ଏବଂ ବିସିସିଆଇ ମୁହଁ ଖୋଲିନାହାନ୍ତି । ତେଣୁ ଆଗାମୀ ଦିନରେ ଟିମ ଚୟନ ପରେ ହିଁ ପୁରା ଚିତ୍ର ସ୍ପଷ୍ଟ ହେବ ବୋଲି ଆଶା କରାଯାଉଛି ।  

ଟି-୨୦ ସିରିଜ୍

ଡିସେମ୍ବର ୧୦- ଦକ୍ଷିଣ ଆଫ୍ରିକା ବନାମ ଭାରତ, ପ୍ରଥମ ଟି-୨୦ ମ୍ୟାଚ୍‌ (ଡର୍ବାନ)

ଡିସେମ୍ବର-୧୨- ଦକ୍ଷିଣ ଆଫ୍ରିକା ବନାମ ଭାରତ, ଦ୍ୱିତୀୟ ଟି-୨୦ ମ୍ୟାଚ୍‌ (ସେଣ୍ଟ ଜର୍ଜ ପାର୍କ)

ଡିସେମ୍ବର-୧୪- ଦକ୍ଷିଣ ଆଫ୍ରିକା ବନାମ ଭାରତ, ତୃତୀୟ ଟି-୨୦ ମ୍ୟାଚ୍‌(ଜୋହାନର୍ସବର୍ଗ)

ଦିନିକିଆ ସିରିଜ୍‌

ଡିସେମ୍ବର -୧୭-  ଦକ୍ଷିଣ ଆଫ୍ରିକା ବନାମ ଭାରତ, ପ୍ରଥମ ଦିନିକିଆ ମ୍ୟାଚ୍‌ ( ଜୋହାନର୍ସବର୍ଗ)

ଡିସେମ୍ବର-୧୯- ଦକ୍ଷିଣ ଆଫ୍ରିକା ବନାମ ଭାରତ, ଦ୍ୱିତୀୟ ଦିନିକିଆ ମ୍ୟାଚ୍‌(ସେଣ୍ଟ ଜର୍ଜ ପାର୍କ)

ଡିସେମ୍ବର-୨୧- ଦକ୍ଷିଣ ଆଫ୍ରିକା ବନାମ ଭାରତ, ତୃତୀୟ ଦିନିକିଆ ମ୍ୟାଚ୍‌ ( ପାର୍ଲ)

ଟେଷ୍ଟ ସିରିଜ୍‌

ଡିସେମ୍ବର ୨୧ରୁ ୩୦- ଦକ୍ଷିଣ ଆଫ୍ରିକା ବନାମ ଭାରତ, ପ୍ରଥମ ଟେଷ୍ଟ (ସେଞ୍ଚୁରିଆନ୍‌)

ଜାନୁଆରୀ ୦୩ରୁ ୦୭- ଦକ୍ଷିଣ ଆଫ୍ରିକା ବନାମ ଭାରତ, ଦ୍ୱିତୀୟ ଟେଷ୍ଟ (କେପ୍‌ ଟାଉନ୍‌)

   Related Posts