ନୂଆଦିଲ୍ଲୀ ୦୨/୧୦: କାନପୁରରେ ଅନୁଷ୍ଠିତ ବାଂଲାଦେଶ ବିପକ୍ଷ ଦ୍ୱିତୀୟ ଟେଷ୍ଟକୁ ୭ ଓ୍ୱିକେଟରେ ଜିତିନେଇଛି ଭାରତ । କେବଳ ବିଜୟ ନୁହେଁ ସିରିଜକୁ ୨-୦ରେ କ୍ଲିଇନ ସୁଇପ କରିଛି । ଏହି ଟେଷ୍ଟ ପୂର୍ବରୁ ବାଂଲାଦେଶର କିମ୍ବଦନ୍ତୀ କ୍ରିକେଟର ନିଜର ଅବସର ନେଇ ବଡ଼ ଘୋଷଣା କରିଥିଲେ ।
ମୀରପୁରରେ ଅନୁଷ୍ଠିତ ହେବାକୁ ଥିବା ଦକ୍ଷିଣ ଆଫ୍ରିକା ଟେଷ୍ଟ ପରେ ସେ ନାଲି ବଲ କ୍ରିକେଟରୁ ବିଦାୟ ନେବେ । କିନ୍ତୁ ଏଥିରେ ତାଙ୍କ ଯୋଗଦାନକୁ ନେଇ ସସପେନ୍ସ ରହିଛି। କାରଣ ବାଂଲାଦେଶରେ ଏବେ ରାଜନୀତିକ ଅସ୍ଥିରତା ଲାଗି ରହିଛି। ସାକିବଙ୍କ ନାଁରେ ମଧ୍ୟ ଏକାଧିକ ହତ୍ୟା ମାମଲା ରୁଜୁ ହୋଇଛି । ତେଣୁ ବାଂଲାଦେଶରେ ଖେଳିବା ସାକିବଙ୍କ ପକ୍ଷରେ ସମ୍ଭବ ହୋଇନପାରେ।
ମୋଟାମୋଟି ଭାବେ କହିବାକୁ ଗଲେ ଭାରତ ବିପକ୍ଷରେ ସାକିବ ସମ୍ଭବତଃ ତାଙ୍କ ଟେଷ୍ଟ କ୍ୟାରିୟର ଶେଷ ମ୍ୟାଚ୍ ଖେଳିଛନ୍ତି। ଏଥିପାଇଁ ମଙ୍ଗଳବାର ମ୍ୟାଚ୍ ପରେ ବିରାଟ କୋହଲି ତାଙ୍କୁ ଦେଇଥିଲେ ସ୍ୱତନ୍ତ୍ର ଉପହାର । ଏହାସହ ନିଜର ବ୍ୟାଟରେ ଦସ୍ତଖତ କରି ସାକିବଙ୍କୁ ଉପହାର ଆକାରରେ ପ୍ରଦାନ କରିଛନ୍ତି କୋହଲି । ଯାହାର ଫଟୋ ସୋଶିଆଲ ମିଡିଆରେ ଭାଇରାଲ ହେବାରେ ଲାଗିଛି।
— Drizzyat12Kennyat8 (@45kennyat7PM) October 1, 2024
ଭାରତ ମ୍ୟାଚ୍ ଜିତିବା ପରେ ବିରାଟ ସ୍ପେଶାଲ ଭାବେ ସାକିବଙ୍କୁ ଓ୍ୱିଶ୍ କରିଥିଲେ । ଏହାପରେ ତାଙ୍କ ସହ କଥା ହୋଇଥିଲେ । ସାଙ୍ଗରେ ଉପହାର ସ୍ୱରୁପ ଭେଟି ଦେଇଥିଲେ ନିଜ ବ୍ୟାଟ । ଯାହକୁ ଦେଖି ବେଶ୍ ଖୁସି ହୋଇଥିଲା ସାକିବ । ବିରାଟଙ୍କ ଏଭଳି ଗିଫ୍ଟ ପରେ ସୋଶାଲ ମିଡିଆରେ ଅନେକ ପ୍ରଶଂସା କରିଛନ୍ତି ଫ୍ୟାନ୍ସ ।
ମ୍ୟାଚର ଦ୍ୱିତୀୟ ଓ ତୃତୀୟ ଦିନ ବର୍ଷା ଲାଗି ରହିବାରୁ ଗୋଟିଏ ବି ବଲ ପଡ଼ି ନଥିଲା। ପ୍ରଥମ ଦିନ କେବଳ ୩୫ ଓଭର ଖେଳା ଯାଇଥିଲା। ଏହି ସମୟରେ ବାଂଲାଦେଶ ୩ ୱିକେଟ ହରାଇ ୧୦୭ ରନ କରିଥିଲା। ୪ର୍ଥ ଦିନ ଖେଳ ଆରମ୍ଭ ହେବାରୁ ମ୍ୟାଚ୍ ଡ୍ର ଅଭିମୁଖେ ଯିବେ ବୋଲି ସମସ୍ତେ ଆଶା କରିଥିଲେ । ହେଲେ ବର୍ଷା ବାଧକ ସାଜିନଥିଲା ଭାରତର ବିଜୟରେ ।
