ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତୀୟ ଅଧିନାୟକ ବିରାଟ କୋହଲିଙ୍କ ଫିଟନେସ୍ ଚ୍ୟାଲେଞ୍ଜକୁ ଗ୍ରହଣ କରିଛନ୍ତି । ଟ୍ବିଟ୍ କରି କହିଛନ୍ତି ଖୁବ ଶୀଘ୍ର ମୁଁ ମୋର ଫିଟନେସ୍ ଭିଡିଓ ଅପଲୋଡ୍ କରିବି । ପୂର୍ବରୁ କୋହଲିଙ୍କୁ ଚ୍ୟାଲେଞ୍ଜ କରିଥିଲେ କେନ୍ଦ୍ରମନ୍ତ୍ରୀ ରାଜବର୍ଦ୍ଧନ ସିଂ ରାଠୋର । ରାଜବର୍ଦ୍ଧନଙ୍କ ଚ୍ୟାଲେଞ୍ଜକୁ ବିରାଟ ଗ୍ରହଣ କରିବା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ନିଜ ସ୍ତ୍ରୀ ଅନୁଷ୍କା ଶର୍ମା ଓ କ୍ରିକେଟ୍ ଟିମର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନିଙ୍କୁ ଚ୍ୟାଲେଞ୍ଜ କରିଥିଲେ । ମେ ୨୨ରୁ ହମ୍ ଫିଟ୍ ତୋ ଇଣ୍ଡିଆ ଫିଟ୍ ନାମକ ମୁଭମେଣ୍ଟ ଆରମ୍ଭ କରିଛନ୍ତି କେ୍ଦ୍ରମନ୍ତ୍ରୀ ରାଜବର୍ଦ୍ଧନ ସିଂ ରାଠୋର । ନିଜେ ଫୁଷ୍ ଅପ୍ କରିବା ବେଳର ଭିଡିଓ ଅପଲୋଡ୍ କରି ବିରାଟ କୋହଲି, ହ୍ରିତିକ ରୋଶନ ଓ ସାଇନା ନେହେୱାଲ୍ଙ୍କୁ ଫିଟନେସ୍ ଚ୍ୟାଲେଞ୍ଜ ଦେଇଥିଲେ ।