scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବେନ୍ ଷ୍ଟୋକସଙ୍କ ଚାଲ୍ ଧରିଦେଲେ କୋହଲି, ଏମିତି କଲେ ଫେଲ୍

25/02/2021 at 8:19 AM

ଅହମ୍ମଦାବାଦ,୨୫/୦୨:  ଅହମ୍ମଦାବାଦସ୍ଥିତ ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯାଉଥିବା ଟେଷ୍ଟ ସିରିଜର ତୃତୀୟ ମ୍ୟାଚରେ ଭାରତର ସ୍ଥିତି ମଜବୁତ ରହିଛି । ଇଂଲଣ୍ଡ ପ୍ରଥମ ଇନିଂସରେ ୧୧୨ ରନ୍ କରି ଅଲଆଉଟ୍ ହୋଇଯାଇଛି । ଇଂଲଣ୍ଡ ଅଧିନାୟକ ଜୋ ରୁଟ୍ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ । ସିରିଜର ପ୍ରଥମ ଟେଷ୍ଟ ଭଳି ଅଙମ୍ମଦାବାଦରେ ମଧ୍ୟ ବଡ ପାଳି ଖେଳିବେ ବୋଲି ସେ ଚିନ୍ତା କରିଥିଲେ । କିନ୍ତୁ ଏପରି ହୋଇନଥିଲା ।

ଇଂଲଣ୍ଡର ପ୍ରଥମ ଇନିଂସରେ ଫିଲ୍ଡରେ ଏକ ଘଟଣା ଘଟିଥିଲା । କ୍ରିଜରେ ବ୍ୟାଟିଂ କରୁଥିଲେ ବେନ୍ ଷ୍ଟୋକସ୍ । ବୋଲିଂ କରୁଥିଲେ ଭାରତୀୟ ସ୍ପିନର୍ ଆର ଅଶ୍ୱିନ । ଅଶ୍ୱିନ ବୋଲିଂ କରିବାକୁ ଯିବା ବେଳେ ଷ୍ଟୋକସ୍ ହାତ ଦେଖାଇ ରୋକିଥିଲେ । ଷ୍ଟୋକସ୍ ଏପରି କରି ଅଶ୍ୱିନଙ୍କ ଧ୍ୟାନ ଭଙ୍ଗ କରିବାକୁ ଚେଷ୍ଟା କରିଥିଲେ ।

ଏପରି କରିବା ପରେ ସ୍ଲିପରେ ଥିଆ ହୋଇଥିବା ବିରାଟ କୋହଲି ଷ୍ଟୋକସଙ୍କ ପାଖକୁ ଆସି ସମୟ ବରବାଦ ନକରିବାକୁ କହିଥିଲେ । ଏହି କଥା ଷ୍ଟମ୍ପରେ ଲାଗିଥିବା ମାଇକରେ ରେକର୍ଡ ହୋଇଥିଲା । ତେବେ ଷ୍ଟୋକସ୍ ଅଧିକ ସମୟ କ୍ରିଜରେ ରହିପାରିନଥିଲେ । ସେ ୨୪ ବଲରୁ ୬ ରନ୍ କରି ଆଉଟ ହୋଇଥିଲେ । ସେ ଅକ୍ଷର ପଟେଲଙ୍କ ଶିକାର ହୋଇଥିଲେ ।

ସୂଚନାଯୋଗ୍ୟ, ଏହି ପିଙ୍କ ବଲ୍ ଟେଷ୍ଟରେ ଭାରତ ପ୍ରଥମ ଦିନ ଖେଳ ଶେଷ ସୁଦ୍ଧା ୯୯ ରନ୍ କରି ୩ ଓ୍ୱିକେଟ୍ ହରାଇଛି । ରୋହିତ ଶର୍ମା ୫୭ ଓ ଆଜିଙ୍କ୍ୟ ରାହାଣେ ୧ ରନ୍ କରି ବ୍ୟାଟିଂ କରୁଛନ୍ତି । ପ୍ରଥମ ଦିନର ଖେଳ ଶେଷ ହେବାର  କିଛି ସମୟ ପୂର୍ବରୁ ବିରାଟ କୋହଲି ୨୭ ରନ୍ କରି ପ୍ୟାଭିଲିୟନ ଫେରିଥିଲେ ।

   Related Posts