ମୁମ୍ବାଇ ୨୬।୦୭ : ଏବେ ଓ୍ୱେଷ୍ଟଇଣ୍ଡିଜ୍‌ ଗସ୍ତରେ ଭାରତୀୟ ଟିମ୍‌ । ଟେଷ୍ଟ ସିରିଜ୍‌କୁ ୧-୦ରେ ଜିତିଛି ଟିମ୍‌ ଇଣ୍ଡିଆ । ଆଗକୁ ମାନେ ଗୁରୁବାର ଦିନଠୁ ଆରମ୍ଭ ହେବ ଦିନିକିଆ ସିରିଜ୍‌ । ଟେଷ୍ଟ ପରି ଦିନିକିଆ ସିରିଜ୍‌କୁ କବ୍‌ଜା ଲକ୍ଷ୍ୟରେ ରହିଛି ଟିମ୍‌ ଇଣ୍ଡିଆ । ତେବେ ଓ୍ୱେଷ୍ଟଇଣ୍ଡିଜ୍‌ ବିପକ୍ଷ ଦିନିକିଆ ସିରିଜ୍‌ରେ ଦୁଇଟି ନୂଆ ରେକର୍ଡ ସ୍ଥାପନ ହୋଇପାରେ । ଅଧିନାୟକ ରୋହିତ ଶର୍ମା ଏବଂ ପୂର୍ବତନ ଅଧିନାୟକ ବିରାଟ କୋହଲି ନୂଆ କୀର୍ତ୍ତମାନ ସ୍ଥାପନ କରିପାରନ୍ତି । ତେବେ ଆସନ୍ତୁ ଜାଣିବା ଏହି ସବୁ ରେକର୍ଡ ବିଷୟରେ….

ଭାରତୀୟ ଟିମ୍‌ର ପୂର୍ବତନ ଅଧିନାୟକ ବିରାଟ କୋହଲି । ଓ୍ୱେଷ୍ଟଇଣ୍ଡିଜ୍‌ ଗସ୍ତରେ ହେୂବାକୁ ଥିବା ଦିନିକିଆ ସିରିଜ୍‌ରେ ନୂଆ ରେକର୍ଡ କରିପାରନ୍ତି । ଦିନିକିଆ କ୍ରିକେଟ୍‌ରେ ବିରାଟ ବର୍ତ୍ତମାନ ସୁଦ୍ଧା ୧୨,୮୯୮ ରନ୍‌ ସଂଗ୍ରହ କରିଛନ୍ତି । ୧୩ ହଜାର ରନ୍‌ ସଂଗ୍ରହ ପାଇଁ ଆଉ ୧୦୨ ରନ୍‌ ଆବଶ୍ୟକ ରହିଛି । ଯଦି ବିରାଟ କୋହଲି ଆସନ୍ତା ଦିନିକିଆ ସିରିଜ୍‌ରେ ୧୦୨ ରନ୍‌ ସଂଗ୍ରହ କରନ୍ତି । ତେବେ ସେ ୧୩ ହଜାର ରନ୍‌ ପୂରଣ କରିବେ ।

ସେହିପରି ଅଧିନାୟକ ରୋହିତ ଶର୍ମା ବି ନିଜ ନାମରେ ଆଉ ଏକ କୀର୍ତ୍ତିମାନ ସ୍ଥାପନ କରିପାରନ୍ତି । ଦିନିକିଆ ବ୍ୟାଟସମ୍ୟାନ୍‌ ଭାବେ ଅନ୍ତର୍ଜାତୀୟ କ୍ରିକେଟ୍‌ରେ ୧୦ ହଜାର ରନ୍‌ ପୂରଣ କରିପାରନ୍ତି । କିନ୍ତୁ ଏଥିପାଇଁ ରୋହିତଙ୍କୁ ଦରକାର ଆଉ ମାତ୍ର ୧୭୫ ରନ୍‌ । ଯଦି ରୋହିତ ଓ୍ୱେଷ୍ଟଇଣ୍ଡିଜ୍‌ ଗସ୍ତରେ ୧୭୫ ରନ୍‌ ସଂଗ୍ରହ କରୁଛନ୍ତି । ତେବେ ଆଉ ଜଣ ଭାରତୀୟ ବ୍ୟାଟସମ୍ୟାନ୍‌ ଭାବେ ୧୦ ହଜାର କ୍ରିକେଟ୍‌ କ୍ଲବରେ ନିଜ ନାମକୁ ସାମିଲ କରିପାରନ୍ତି ରୋହିତ ଶର୍ମା ବା ହିଟ୍‌ମ୍ୟାନ୍‌ । ବର୍ତ୍ତମାନ ସୁଦ୍ଧା ହିଟ୍‌ମ୍ୟାନ୍‌ ଦିନିକିଆ କ୍ରିକେଟ୍‌ରେ ୯୮୨୫ ରନ୍‌ ସଂଗ୍ରହ କରିସାରିଛନ୍ତି ।   

ଦିନିକିଆ କ୍ରିକେଟ୍‌ରେ ସବୁଠୁ ଅଧିକା ରନ୍‌ ସଂଗ୍ରହ କରିଥିବା ବ୍ୟାଟର :-

ସଚ୍ଚିନ ତେନ୍ଦୁଲକର – ୧୮, ୪୨୬

କୁମାର ସାଙ୍ଗାକାରା- ୧୪, ୨୩୪

ରିକି ପଣ୍ଟିଂ- ୧୭, ୭୦୪

ସନଥ ଜୟସୁରିୟା- ୧୩, ୪୩୦

ବିରାଟ କୋହଲି- ୧୨, ୮୯୮

ଭାରତ-ଓ୍ୱେଷ୍ଟଇଣ୍ଡିଜ୍‌ ଦିନିକିଆ ସିରିଜ୍‌:-

ଜୁଲାଇ ୨୭ : ଭାରତ-ଓ୍ୱେଷ୍ଟଇଣ୍ଡିଜ୍‌ ପ୍ରଥମ ଦିନିକିଆ – କେନ୍‌ସିଙ୍ଗଟୋନ୍‌ ଓଭାଲ, ବାର୍‌ବୋଡସ

ଜୁଲାଇ ୨୯ :  ଭାରତ-ଓ୍ୱେଷ୍ଟଇଣ୍ଡିଜ୍‌ ୨ୟ ଦିନିକିଆ – କେନ୍‌ସିଙ୍ଗଟୋନ୍‌ ଓଭାଲ, ବାର୍‌ବୋଡସ

ଅଗଷ୍ଟ ୧ : ଭାରତ-ଓ୍ୱେଷ୍ଟଇଣ୍ଡିଜ୍‌ ୩ୟ ଦିନିକିଆ –କୁଇନ୍‌ସ ପାର୍କ, ଓଭାଲ, ତ୍ରିନିବାଦ୍‌