scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କୋହଲିଙ୍କ ବିରାଟ ରେକର୍ଡ, ୩ଟି ଯାକ ଫର୍ମାଟରେ ପୂରଣ କଲେ ୧୦୦୦ ରନ୍‌

28/10/2022 at 11:01 AM

ସିଡନୀ ୨୮।୧୦ : ବିରାଟ କୋହଲି ଚଳିତ ବର୍ଷ ୩ଟି ଯାକ ଫର୍ମାଟ୍‌ କ୍ରିକେଟ୍‌ରେ ମୋଟ୍‌ ୧୦୦୦ ରନ୍‌ ପୂରଣ କରିଛନ୍ତି । ୨ ବର୍ଷ ପରେ କୋହଲି ଏହି ସଫଳତା ଅର୍ଜନ କରିଛନ୍ତି । ନେଦରଲାଣ୍ଡ୍‌ସ ବିପକ୍ଷରେ ଅପରାଜିତ ୬୨ ରନ୍‌ର ଇନିଂସ ଖେଳି କୋହଲି ୧୦୦୦ ରନ୍‌ କ୍ଲବ୍‌ରେ ସାମିଲ ହୋଇଥିଲେ ।

ତେବେ ୨୦୨୨ରେ କୋହଲି ମୋଟ୍‌ ୨୮ଟି ମ୍ୟାଚ୍‌ର ୩୧ଟି ଇନିଂସରେ ବ୍ୟାଟିଂ କରି ୩୯.୩୮ ହାରରେ ମୋଟ୍‌ ୧୦୨୪ ରନ୍‌ ସଂଗ୍ରହ କରିସାରିଛନ୍ତି । ଏଥିରେ ଗୋଟିଏ ଶତକ ଓ ୯ଟି ଅର୍ଦ୍ଧଶତକ ରହିଛି । ଗତ ୨ ବର୍ଷ ହେଲା କୋହଲି ୧୦୦୦ ରନ୍‌ ପୂରଣ କରିପାରୁ ନଥିଲେ । ୨୦୨୦ରେ ସେ ୭ ଅର୍ଦ୍ଧଶତକ ବଳରେ ମୋଟ୍‌ ୮୪୨ ରନ୍‌ ଓ ୨୦୨୧ରେ ୧୦ଟି ଅର୍ଦ୍ଧଶତକ ବଳରେ ମୋଟ୍‌ ୯୬୪ ରନ୍‌ ସଂଗ୍ରହ କରିଥିଲେ । ଆଉ ଏବେ ଏହି ରେକର୍ଡ କରିବାରେ ସକ୍ଷମ ହୋଇଛନ୍ତି ରନ୍‌ ମେସିନ୍‌ ବିରାଟ କୋହଲି ।

ସେହିପରି ଟି-୨୦ ବିଶ୍ୱକପ୍‌ ମ୍ୟାଚ୍‌ରେ ବିରାଟ କୋହିଲ ୨୩ଟି ପାରି ଖେଳି ୯୮୯ ରନ୍‌ ସଂଗ୍ରହ କରିଛନ୍ତି । ଏବେ ୧୦୦୦ ରନ୍‌ ପୂରଣ ପାଇଁ ଆଉ ମାତ୍ର ୧୧ରନ୍‌ର ଆବଶ୍ୟକ ରହିଛି । ବିରାଟଙ୍କ ପୂର୍ବରୁ ଏହି ରେକର୍ଡ ମାହେଲା ଜୟବର୍ଦ୍ଦେନଙ୍କ ନାଁର ରହିଛି । ଟି-୨୦ ବିଶ୍ୱକପ୍‌ରେ ମ୍ୟାଚ୍‌ରେ ସର୍ବାଧିକ ୧୦୧୬ରନ୍‌ କରିଛନ୍ତି । ମୋଟ ୩୧ଟି ପାରି ଖେଳି ବିରାଟ ଏହି ରେକର୍ଡ କରିଛନ୍ତି ।

   Related Posts