ନୂଆଦିଲ୍ଲୀ: ଇରାନରେ ୨୩ ବର୍ଷୀୟ ଜଣେ ଯୁବକ ଫାଶୀ ଦିଆଯିବା ପୂର୍ବରୁ ଦେଇଥିବା ଭାଷଣ ଏବେ ସାରା ବିଶ୍ୱରେ ଚର୍ଚ୍ଚାରେ ରହିଛି । ନିଜ କବର ନିକଟରେ କୁରାନ ନ ପଢିବା ପାଇଁ ଯୁବକ ଜଣଙ୍କ ନିବେଦନ କରିଛି । ଯୁବକ ଜଣଙ୍କ କହିଥିଲେ ଯେ ତାଙ୍କ ମୃତ୍ୟୁରେ କେହି ମଧ୍ୟ ଶୋକ ପ୍ରକାଶ କରିବେ ନାହିଁ । ଯୁବକକୁ ଇରାନ ପୋଲିସ ସରକାର ବିରୋଧୀ ପ୍ରଦର୍ଶନରେ ସାମିଲ ହେବା ଅଭିଯୋଗରେ ଗିରଫ କରିଥିଲା । କିଛି ଦିନର କୋର୍ଟ ଶୁଣାଣି ପରେ ଇରାନ କୋର୍ଟ ଏକପାଖିଆ ରାୟ ଶୁଣାଇ ଯୁବକକୁ ଫାଶୀ ଦଣ୍ଡ ଦେଇଥିଲେ । କୋର୍ଟଙ୍କ ରାୟ ପରେ ଲୋକଙ୍କ ମଧ୍ୟରେ ଭୟ ସୃଷ୍ଟି କରିବା ପାଇଁ ଇରାନ ସରକାର ଏହି ଯୁବକକୁ ମଶହଦ ସହର ମଝିରେ ଫାଶୀରେ ଝୁଲାଇ ଦେଇଥିଲେ । ଇରାନରେ ଗତ ଏକ ସପ୍ତାହରେ ଅତି କମରେ ୧୦ ଜଣଙ୍କୁ ଫାଶୀ ଦଣ୍ଡ ଦିଆଯାଇଛି ।

ଭାଇରାଲ ହେଉଥିବା ଭିଡିଓରେ ରହନବରଦ ନିଜ ଶେଷ ଇଚ୍ଛା ଜଣାଉଥିବା ଦେଖିବାକୁ ମିଳୁଛି । ଆଖି ଉପରେ କଳା ପଟି ବନ୍ଧା ହୋଇଛି ଏବଂ ଅନ୍ୟ ଦୁଇ ଜଣ ମୁହଁ ଢଙ୍କା ହୋଇଥିବା ଡାର୍ଗଙ୍କ ଉପସ୍ଥିତିରେ ରହନବରଦଙ୍କୁ କ୍ୟାମେରା ସାମନାରେ ନିଜ ଇଚ୍ଛ ରଖୁଥିବାର ଦେଖିବାକୁ ମିଳୁଛି । ଯୁବକ ଜଣଙ୍କ କହୁଛନ୍ତି, 'ମୋ କବର ନିକଟରେ କେହି ଶୋକ ପାଳନ କରିବ ତାହା ମୁଁ ଚାହୁଁ ନାହିଁ । ମୁଁ ଚାହୁଁନି କେହି କୁରାନ ପଢୁ କି ପ୍ରାର୍ଥନା କରୁ । କେବଳ ଉତ୍ସବ ଏବଂ ସଙ୍ଗୀତର ଉତ୍ସବ ପାଳନ କରାଯାଉ'। ତେବେ ଏହି ଭିଡିଓର ସତ୍ୟତା ଉପରେ ଆନୁଷ୍ଠାନିକ ଭାବେ କିଛି ସ୍ପଷ୍ଟ କରାଯାଇ ପାରୁ ନାହିଁ ।

wp:html

Just before he’s hanged on Dec.12 by Iran's regime,they interrogate #MajidrezaRahnavard

His last words:I don't want Quran to be read or prayed on my grave,just celebrate

Sharia law is the reason he’s gone
His verdict:War with Allah

Only because he demonstrated for his rights pic.twitter.com/1uQpYhpGIq

— Darya Safai MP (@SafaiDarya) December 15, 2022

/wp:html

ଇରାନ ନ୍ୟାୟପାଳିକ ସହ ଜଡିତ ମିଜାନ ଅନଲାଇନ ନ୍ୟୁଜ୍ ଏଜେନ୍ସି କହିଛି ଯେ ରହନବରଦକୁ ଦୁଇ ସୁରକ୍ଷାକର୍ମୀଙ୍କ ହତ୍ୟା ଏବଂ ଅନ୍ୟ ଚାରି ଜଣଙ୍କୁ ଆହତ କରିବା ମାମଲାରେ କୋର୍ଟ ମୃତ୍ୟୁ ଦଣ୍ଡ ଦେଇଥିଲେ।