ଭଦ୍ରକ ୨୭/୯: ସଣ୍ଠିଆ ନିକଟରେ ୨ ଗୋଷ୍ଠୀ ଗଣ୍ଡଗୋଳ ଘଟଣା । ଉତ୍ତେଜନା ପରେ ୧୬୩ ଜାରି କଲା ପ୍ରଶାସନ। ତୁରନ୍ତ ଦୋକାନ ବଜାର ବନ୍ଦ କରିବାକୁ ନିର୍ଦ୍ଦେଶ । ପୁରୁଣା ବଜାରକୁ ଅନିର୍ଦ୍ଦିଷ୍ଟ କାଳ ଯାଏ ବନ୍ଦ ଘୋଷଣା କରାଯାଇଛି । ଅଘଟଣ ଆଶଙ୍କାରେ ୭ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି।
ଫେସବୁକରେ ହୋଇଥିବା ଆପତ୍ତିଜନକ ପୋଷ୍ଟକୁ ନେଇ ୨ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଥିଲା । ଗୋଟିଏ ଗୋଷ୍ଠୀ ଅପରଗୋଷ୍ଠୀ ଉପରକୁ ପଥର ମାଡ କରିଥିଲେ । ଘଟଣାସ୍ଥଳରେ ପୋଲିସ ପହଞ୍ଚିବା ପରେ ପୋଲିସ ଉପରକୁ ମଧ୍ୟ ପଥରମାଡ ହୋଇଥିଲା । ପଥରମାଡରେ ଟାଉନ ଥାନା ଏସ୍ଆଇ ଗୁରୁତର ହୋଇଛନ୍ତି । ଏଥିସହ ତହସିଲଦାରଙ୍କ ଗାଡି ଭାଙ୍ଗିଯାଇଛି । ରାସ୍ତାରେ ମଧ୍ୟ ପୋଡାଜଳା ହୋଇଥିଲା । ଉତ୍ତେଜନା ବଢୁଥିବାରୁ ନିୟନ୍ତ୍ରଣ ପାଇଁ ଘଟଣା ଉପରେ ନଜର ରଖିଛି ପୋଲିସ ।
