suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପୋଲିସ ଅଫିସରଙ୍କ ବଦଳି ଆଶଙ୍କାରେ ଏସ୍‌ଡିପିଓଙ୍କୁ ଘେରିଲେ ସ୍ଥାନୀୟଲୋକ

26/02/2020 at 3:10 PM

ଆନନ୍ଦପୁର ୨୬।୨: ପୋଲିସର ଅପାରଗତାକୁ ନେଇ ବିଭିନ୍ନ ସମୟରେ ପୋଲିସ ଅଧିକାରୀଙ୍କ ବଦଳି ଦାବିରେ ଜନସାଧାରଣଙ୍କ ତରଫରୁ ଆନ୍ଦୋଳନ, ଥାନା ଘେରାଉ, ଏସପିଙ୍କ ନିକଟରେ ଫେରାଦ ଦିଆଯାଇଥିବା ଘଟଣାମାନ ବାରମ୍ବାର ଦେଖିବାକୁ ମିଳୁଛି । ମାତ୍ର ଏଠାରେ ଜଣେ ସଚ୍ଚୋଟ ପୋଲିସ ଅଫିସର ସ୍ଥାନୀୟ ଥାନାରୁ ବଦଳି ହେବା ଆଶଙ୍କା ନେଇ ଲୋକେ ତାତିଛନ୍ତି । ସ୍ଥାନୀୟ ଅଞ୍ଚଳର ଶତାଧିକ ପୁରୁଷ ଓ ମହିଳା ସମ୍ପୃକ୍ତ ପୋଲିସ ଅଫିସରଙ୍କୁ ବଦଳି ନକରିବା ଦାବିରେ ଏସଡିପିଓଙ୍କୁ ଘେରାଉ କରିଛନ୍ତି । ଏସଡିପିଓ ଲୋକଙ୍କ ଦାବିକୁ ଉପରିସ୍ଥ ଅଧିକାରୀଙ୍କୁ ତୁରନ୍ତ ଜଣାଇବାର ପ୍ରତିଶ୍ରୁତି ଦେବା ପରେ ପରିସ୍ଥିତି ଶାନ୍ତ ପଡିଛି । ଏଭଳି ଘଟଣା ଦେଖିବାକୁ ମିଳିଛି ଆନନ୍ଦପୁର ଉପଖଣ୍ଡ ରାମଚନ୍ଦ୍ରପୁର ଥାନାରେ ।

ରାମଚନ୍ଦ୍ରପୁର ଥାନାର ସବ୍ ଇନ୍ସପେକ୍ଟର ବିଶ୍ବଜିତ ବେହେରା ଏବେ ଲୋକଙ୍କ ପାଇଁ ଦେବଦୂତ ସାଜିଛନ୍ତି । ଦୋଷୀକୁ ଉଚିତ ଶିକ୍ଷା ଦେଉଥିବା ଯୋଗୁ ସ୍ଥାନୀୟ ଅଞ୍ଚଳରେ ଚୋରା ମଦ ବ୍ୟବସାୟୀ, ବାଲି ମାଫିଆ, ପଥର ମାଫିଆଙ୍କ ମଧ୍ୟରେ କୋକୁଆ ଭୟ ଦେଖାଦେଇଛି । ଲୋକେ ଆହୁରି ମଧ୍ୟ କହିଛନ୍ତି ଯେ ବିଶ୍ବଜିତ ବେହେରା ଆସିବା ପରଠାରୁ ବିଳମ୍ବିତ ରାତି ପର୍ଯ୍ୟନ୍ତ ଗାଁରେ ଝିଅ, ବୋହୂମାନେ ନିର୍ଭୟରେ ଚଳପ୍ରଚଳ କରିପାରୁଛନ୍ତି ।

ସେହିପରି ଗରିବ ଦୁଃଖୀଙ୍କ ପାଇଁ ମଧ୍ୟ ସେ ନିସ୍ବାର୍ଥରେ କାମ କରୁଛନ୍ତି । ହେଲେ କେତେକ କୁଚକ୍ରୀ ମାଫିଆ ବିଶ୍ବଜିତ ବେହେରାଙ୍କୁ ରାମଚନ୍ଦ୍ରପୁର ଥାନାରୁ ବଦଳି କରିବା ଉଦ୍ଦେଶ୍ୟରେ ବିଭିନ୍ନ ସମୟରେ ତାଙ୍କ ବିରୋଧରେ ମିଥ୍ୟା ଆରୋପ ଲଗାଇଥିବାରୁ ତାଙ୍କ ବଦଳିକୁ ନେଇ ଲୋକଙ୍କ ମନରେ ଆଶଙ୍କା ପ୍ରକାଶ ପାଇଛି ।

   Related Posts