ମହାକାଳପଡା ୨୨।୮: କେନ୍ଦ୍ରାପଡ଼ା ଜିଲ୍ଲା ମହାକାଳପଡା ବ୍ଲକର ସର୍ବ ପୁରାତନ ପ୍ରାଥମିକ ବିଦ୍ୟାଳୟ ଗୟାସପୁରକୁ ୨ କିଲୋମିଟର ଦୂରରେ ଥିବା ଗୋବିନ୍ଦପୁର ପ୍ରାଥମିକ ବିଦ୍ୟାଳୟରେ ମିଶ୍ରଣକୁ ବିରୋଧ । ଗ୍ରାମବାସୀମାନେ ବିଭିନ୍ନ ଫୋରମରେ ବିଭାଗୀୟ ଅଧିକାରୀମାନଙ୍କୁ ଜଣାଇଥିଲେ ମଧ୍ୟ ପ୍ରଶାସନ କୌଣସି କଥାକୁ ଶୁଣି ନଥିଲେ । ଗ୍ରାମବାସୀମାନେ ପ୍ରଶାସନକୁ ଚେତାବନୀ ଦେଇଥିଲେ ତାଙ୍କ ଦାବି ପୂରଣ ନହେଲେ ରାସ୍ତାରୋକ କରିବେ । ତେବେ ସୋମବାର ସକାଳୁ ଗ୍ରାମବାସୀ ମହାତ୍ମା ଗାନ୍ଧୀଙ୍କ ଫଟୋ ରଖି କେନ୍ଦ୍ରାପଡ଼ା  ବହଢି ମୁଖ୍ୟ ରାସ୍ତାର ଗୟାସପୁରଠାରେ ରାସ୍ତାରୋକ କରିଛନ୍ତି । ଫଳରେ ଯାତ୍ରୀମାନଙ୍କୁ ସମସ୍ୟାର ସମ୍ମୁଖୀନ ହେବାକୁ ପଡୁଛି । ଆଇନ ଶୃଙ୍ଖଳା ପରିସ୍ଥିତିକୁ ଦେଖି ମହାକାଳପଡା ପୋଲିସ ଘଟଣାସ୍ଥଳରେ ପହଞ୍ଚି ଆଇନ ଶୃଙ୍ଖଳା ପରିସ୍ଥିତିକୁ ନଜରରେ ରଖିଛନ୍ତି ।