ରାଇରଂଗପୁର ବିଜାତଲାରେ କେନାଲରେ ପାଣି ନ ଆସିବାରୁ ଯନ୍ତ୍ରୀଂକୁ ବାନ୍ଧିଦେଲେ ଗ୍ରାମବାସୀ
Published By : Prameya-News7 Bureau | October 08, 2018 IST
ରାଇରଂଗପୁର ;୦୮/୧୦-ବନ୍ଧା ହେଲେ ଯନ୍ତ୍ରୀ । ଏପରି ଅଭାବନୀୟ ଘଟଣା ଘଟିଛି ବିଜାତଲା ବ୍ଲକ ବଣକାଟି ଗ୍ରାମ ନିକଟରେ। ବାଙ୍କବଲ ଡ୍ୟାମ ରୁ କେନାଲରେ ପାଣି ଆସୁ ନ ଥିବାରୁ ଚାଷ କାର୍ଯ୍ୟ ରେ ବାଧା ଉପୁଜୁଥିବା ଅଭିଯୋଗ କରିଆସୁଥିଲେ ଗ୍ରାମବାସୀ । ବାରମ୍ବାର ବିଭାଗୀୟ ଅଧିକାରୀଙ୍କୁ ଅଭିଯୋଗ କଲେ ମଧ୍ୟ କେହି ଶୁଣୁ ନ ଥିବା ଅଭିଯୋଗ ରେ ରାଇରଙ୍ଗପୁର ଜଳସେଚନ କାର୍ଯ୍ୟାଳୟ ଘେରାଉ କରିଥିଲେ ଅଳ୍ପଦିନ ପୂର୍ବରୁ । କିନ୍ତୁ କୌଣସି ଲାଭ ନ ହେବାରୁ ଆଜି ଖଣ୍ଡଦେଉଳି, ଛଣପାଳ ଓ ବଣକାଟି ଗ୍ରାମର ଶତାଧିକ ଗ୍ରାମବାସୀ କେନାଲ ନିକଟରେ ଜଳସେଚନ ବିଭାଗର ନିର୍ବାହୀ ଯନ୍ତ୍ରୀ, ଏସଡିଓ ଓ କନିଷ୍ଠ ଯନ୍ତ୍ରୀଙ୍କୁ ଖରାରେ ଦୀର୍ଘ ଦୁଇଘଣ୍ଟା ବାନ୍ଧି ଅଟକ ରଖିଥିଲେ ଗ୍ରାମବାସୀ । ଖବର ପାଇ ଗ୍ରାମାଞ୍ଚଳ ପୁଲିସ ଯନ୍ତ୍ରୀ ମାନକୁ ଉଦ୍ଧାର କରିଥିଲେ।