ନୀଳଗିରି ୯।୧୦: ଏବେବି ସମାଜରେ ଅନ୍ଧବିଶ୍ବାସ ଲୁଚିରହିଛି। ଗୁଣିଗାରେଡ଼ି ସନ୍ଦେହରେ ଗାଁରେ ପ୍ରଜାକୋର୍ଟ କରି ଲକ୍ଷେ ଟଙ୍କା ଜରିମାନା କରିବା ସହ ବୃଦ୍ଧଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ବାଲେଶ୍ଵର ଜିଲ୍ଲା ବରହମପୁର ଥାନା ପୁଟିବନ୍ଧ ଗ୍ରାମର ଘାସିରାମ ସିଂଙ୍କ ପରିବାରକୁ ହୁଡିସାହି ଗ୍ରାମ ମଝିରେ ପ୍ରଜାକୋର୍ଟ କରି ଉଭୟ ପୁଟିବନ୍ଧ ଓ ହୁଡିସାହି ଗ୍ରାମର ଲୋକଙ୍କ ମିଳିତ ମରଣାତ୍ମକ ଆକ୍ରମଣ କରିବା ସହ ଲକ୍ଷେ ଟଙ୍କାର ଜରିମାନା କରିଛନ୍ତି ।
ଏଭଳି ଘଟଣାକୁ ନେଇ ଏକ ହୋଇଛନ୍ତି ଦୁଇଟି ଗ୍ରାମର ଲୋକ। ଘାସିରାମଙ୍କୁ ଡାହାଣୀ ଓ ଗୁଣିଗାରେଡି କରୁଥିବା ସନ୍ଦେହ କରି ଶନିବାର ସକାଳୁ ହୁଡିସାହିରେ ଏକ ପ୍ରଜାକୋର୍ଟ କରୁଥିବା କହି ଗାଁର ୱାର୍ଡମେମ୍ବର ସମେତ ଗ୍ରାମବାସୀ ଘାସିରାମଙ୍କ ସମେତ ପରିବାରର ଅନ୍ୟଙ୍କୁ ଡାକିନେଉଥିଲେ । ପରେ ହଠାତ ଆକ୍ରମଣ କରିବା ସହ ଲକ୍ଷେ ଟଙ୍କା ଜରିମାନା କରିଛନ୍ତି ଲୋକେ। ଏନେଇ ଗାଁରେ ଉତ୍ତେଜନା ପ୍ରକାଶ ପାଇବା ସହ ବରମପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
