ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଡବିଲ: ପୁରୁଣା ବସ୍‌ଷ୍ଟାଣ୍ଡରେ ଯୁବକକୁ ଛୁରାମାଡ଼, ଅତର୍କିତ ଆକ୍ରମଣରେ ଆକବର ଗୁରୁତର
  • ||
  • ଇଡିରେ ହାଜର ହେଲେ ଅର୍ଚ୍ଚନାଙ୍କ ଆରକିଟେକ୍ଟ, ଆର୍ଥିକ କାରବାର ନେଇ ହୋଇପାରେ ଜେରା
  • ||

ସୀମା ଟପିଲା ବର୍ବରତା; ସରପଞ୍ଚଙ୍କ ନିର୍ଦ୍ଦେଶରେ ବିଷ ଦେଇ ମାରିଲେ ୧୮ ବୁଲାକୁକୁର

17/10/2022 at 3:51 PM

ହାଇଦ୍ରାବାଦ: ପଶୁଙ୍କ ସହ ଅତ୍ୟାଚାରର ସୀମା ଟପିଯାଇଛି। ବିଷ ଦେଇ ୧୮ ବୁଲା କୁକୁରଙ୍କୁ ହତ୍ୟା କରିଛନ୍ତି ୩ ଦୁର୍ବୃତ୍ତ। ସେମାନଙ୍କ ମଧ୍ୟରୁ ଜଣେ ସରପଞ୍ଚ ବି ରହିଛନ୍ତି।

ଏହି ମାମଲାରେ ଅଭିଯୁକ୍ତ କେ ବୀରବାବୁଙ୍କୁ ଆନ୍ଧ୍ରପ୍ରଦେଶ ଇଲୁରୁ ଜିଲ୍ଲା ଚେବ୍ରୋଲେ ଗାଁରୁ ଗିରଫ କରିଛି। ବୀରବାଙ୍କୁ ବିରୋଧରେ ୧୮ ବୁଲାକୁକୁରଙ୍କୁ ହତ୍ୟା କରିଥିବା ଅଭିଯୋଗ ରହିଛି। ଗାଁ ସରପଞ୍ଚ ଓ ସେକ୍ରେଟାରୀଙ୍କ ନିର୍ଦ୍ଦେଶରେ ବୀରବାବୁ ଏପରି କରିଥିବା ସେ କହିଛନ୍ତି।  ଏହି ମାମଲାରେ ଉପଯୁକ୍ତ ଦଫା ଲଗାଇଛି ପୁଲିସ୍।

ଚେବ୍ରୋଲୁ ପୁଲିସ ଅଭିଯୁକ୍ତ କେ ବୀରବାବୁ ବିରୋଧରେ ଭାରତୀୟ ପିଙ୍ଗଳ କୋର୍ଟ ଧାରା ଓ ପଶୁ ଅତ୍ୟାଚାର ନିରୋଧୀ ଆଇନର ଧାରା ୪୨୮, ଏବଂ ୪୨୯ରେ ମାମଲା ରୁଜୁ କରିଛି। ଏହି ଘଟଣାକୁ ସମ୍ପର୍କରେ ସୂଚନା ଦେଇଛନ୍ତି ପଶୁ ଅଧିକାର ପାଇଁ ଲଢ଼େଇ କରୁଥିବା ଶ୍ରୀଲତା ଚାଲ୍ଲାପଲ୍ଲୀ। ସେ କହିଛନ୍ତି ଯେ ଚିବ୍ରୋଲର ପଞ୍ଜାୟତ ସେକ୍ରେଟେରୀ ଓ ସରପଞ୍ଚ ବୁଲାକୁକୁରଙ୍କୁ ହତ୍ୟା କରିବାକୁ ଜଣେ ବ୍ୟକ୍ତିଙ୍କୁ ଡାକିଥିଲେ। ଏନେଇ ସେ ଅକ୍ଟୋବର ୧୫ ତାରିଖରେ ସୂଚନା ପାଇଥିଲେ। ଏହାପରେ ଘଟଣାର ତଦନ୍ତ ପାଇଁ ସେ ଦୁଇ ଜଣ ଲୋକ ପଠାଇଥିଲେ।

ଏନେଇ ଶ୍ରୀଲତା କହିଛନ୍ତି “ ଘଟଣା ସତ କି ମିଛି ଜାଣିବା ପାଇଁ ମୁଁ ଦୁଇ ଜଣ ଲୋକଙ୍କୁ ପଠାଥିଲି। କିନ୍ତୁ ସେମାନେ ସେଠାରେ ପହଞ୍ଚିବା ଭିତରେ ବିଷ ଇଞ୍ଜେକ୍ସନ ଦେଇ ୧୮ କୁକୁରଙ୍କୁ ହତ୍ୟା କରାଯାଇସାରିଥିଲା। ଏହାପରେ ଆମ ପୁଲିସ ଓ ଉଦ୍ଦିଷ୍ଟ କର୍ମଚାରୀଙ୍କୁ ଖବର ଦେବା ସହିତ ଅଭିଯୁକ୍ତ ବିରୋଧରେ ମାମଲା ରୁଜୁ କରିବାକୁ ଅନୁରୋଧ କରିଥିଲୁ।”

ଶ୍ରୀଲତା ଆହୁରି ମଧ୍ୟ କହିଛନ୍ତି ଯେ “ କେବଳ ଚୋବ୍ରୋଲ ନୁହେଁ ଇଲୁରି ଜିଲ୍ଲାର ଅନ୍ୟ କେତେକ ସ୍ଥାନରେ ମଧ୍ୟକ ବୁଲା କୁକୁର ହତ୍ୟା କରାଯାଉଛି। ଏନେଇ ଆମେ କୋର୍ଟରେ ଏକ ଆବେଦନ କରିଛୁ ଓ ଶୁଣାଣିକୁ ବି ଯାଉଛି। ଏହା ସତ୍ତ୍ୱେ ବି ବୁଲାକୁକୁରଙ୍କ ହତ୍ୟା କରାଯାଉଛି। ତେଣୁ ମୁଁ ଜିଲ୍ଲାପାଳଙ୍କୁ ଅନୁରୋଧ କରୁଛି ଯେ ପଶୁ ହତ୍ୟା ରୋକିବାକୁ ସେ ଅଭିଯୁକ୍ତମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ କରନ୍ତୁ।”

   Related Posts