ଭୁବନେଶ୍ୱର ୨୯।୦୭ : ଅବକାରୀ ଯୁଗ୍ମ କମିଶନରଙ୍କ ଘରେ ରେଡ୍ । ଅବକାରୀ ଯୁଗ୍ମ କମିଶନର ରାମଚନ୍ଦ୍ର ମିଶ୍ରଙ୍କ ଭିଜିଲାନ୍ସ ପକ୍ଷରୁ ରେଡ୍ ଚାଲିଛି । ଏକାକାଳୀନ ୧୦ଟି ସ୍ଥାନରେ ଭିଜିଲାନ୍ସ ପକ୍ଷରୁ ରେଡ୍ କରାଯାଉଛି ।
ଖବର ଅନୁଯାୟୀ, ଅବକାରୀ ବିଭାଗର ଯୁଗ୍ମ କମିଶନର ରାମଚନ୍ଦ୍ର ମିଶ୍ରଙ୍କ ଘରେ ସୋମବାର ସକାଳୁ ସକାଳୁ ଭିଜିଲାନ୍ସ ପକ୍ଷରୁ ରେଡ୍ ହୋଇଛି । ଏକାକାଳୀନ ୧୦ଟି ସ୍ଥାନରେ ଚାଲିଛି ଚଢାଉ । ତେବେ ଚଢାଉ ହେଉଥିବା ସ୍ଥାନ ମଧ୍ୟରେ ଭୁବନେଶ୍ୱର, ସୋନପୁର, ବଲାଙ୍ଗୀର ଆଦି ସ୍ଥାନରେ ରହିଛି । ତେବେ ଏହି ଚଢାଉରେ ୧୦ ଜଣ ଡିଏସ୍ପି, ୧୫ ଜଣ ଇନ୍ସିପେକ୍ଟରଙ୍କ ସହିତ ଆହୁରି ଅଧିକାରୀ ସାମିଲ ରହିଛନ୍ତି । ଭିଜିଲାନ୍ସ ସ୍ୱତନ୍ତ୍ର ଜଜ୍ଙ୍କ ନିର୍ଦ୍ଦେଶରେ ଅବକାରୀ ବିଭାଗର ଯୁଗ୍ମ କମିଶନରଙ୍କ ଘରେ ରେଡ ହୋଇଥିବା ଜଣାପଡିଛି ।
ତେବେ ବର୍ତ୍ତମାନ ସୁଦ୍ଧା କେତେ ପରିମାଣର ସମ୍ପତ୍ତି ସିଜ୍ ହୋଇଛି । ତାହା ଜଣାପଡିନାହିଁ । ଭିଜିଲାନ୍ସ ରେଡ୍ ପରେ ପୁରା ତଥ୍ୟ ସାମ୍ନାକୁ ଆସିବ ବୋଲି ଆଶା କରାଯାଉଛି ।
