ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହାୱଡ଼ା ଏକ୍ସପ୍ରେସ୍‌ରେ ଅଗ୍ନିକାଣ୍ଡ: କୋଲକାତା ଫେରୁଥିବା ବେଳେ ଏସି କୋଚ୍‌ରେ ଲାଗିଲା ନିଆଁ
  • ||
  • ଆନନ୍ଦପୁର : ବାଇକକୁ ପଛପଟୁ ପିଟିଲା କାର୍‌, ଦୁଗ୍ଧ ବିକ୍ରି କରିବାକୁ ବାହାରିଥିଲେ ରବିନ୍ଦ୍ର
  • ||
  • ଓସ୍କାର ବିଜେତା ଗାୟିକା ଆଇରିନ କାରାଙ୍କ ଦେହାନ୍ତ, ୬୩ ବର୍ଷରେ ଦୁନିଆକୁ କହିଲେ ଅଲବିଦା
  • ||
  • IND vs NZ : ବର୍ଷାରେ ଧୋଇଗଲା ମ୍ୟାଚ୍, ୨ ଦିନିକିଆ ବାତିଲ
  • ||

ବତକ ପାଇଁ ବିଷ ପିଆଇବା ଘଟଣାରେ ନୂଆ ମୋଡ଼ : ନାବାଳକଙ୍କ ମା କହିଲେ ଏହା ସମ୍ପୂର୍ଣ ଷଡଯନ୍ତ୍ର, ଚାଇଲ୍ଡ ଲାଇନ୍ ବିରୁଦ୍ଧରେ କଲେ ଦୁର୍ବ୍ୟବହାର ଅଭିଯୋଗ

13/12/2020 at 1:45 PM

ଭଦ୍ରକ ୧୩/୧୨ : ବତକ ପାଇଁ ନାବାଳକଙ୍କୁ ପୋଖରୀକୁ ଫିଙ୍ଗିଦେବା ଓ ବିଷ ପିଆଇବା ଘଟଣାରେ ନୂଆ ମୋଡ ଆସିଛି। ନାବାଳକ ଙ୍କ ମା କହିଥିଲେ ଯେ ଘଟଣା ସମ୍ପୂର୍ଣ ଅମୂଳକ ଓ ରାଜନୈତିକ ଷଡଯନ୍ତ୍ର ।

ସୂଚନା ଯୋଗ୍ୟ ଯେ ଭଦ୍ରକ ଜିଲ୍ଲା ବନ୍ତ ଥାନା ବରପଦି ଗାଁର ରବୀନ୍ଦ୍ର ନାୟକଙ୍କ ଫାର୍ମ ହାଉସରେ କେଉଁଝର ଜିଲ୍ଲାର ୯ ବର୍ଷୀୟ ସୁଶାନ୍ତ ଜେନାଙ୍କୁ କାମ କରାଉଥିଲେ । ତେବେ ଫାର୍ମହାଉସର ଗୋଟିଏ ବତକ ହଜି ଯାଇଥିଲା । ବତକ ହଜିଯିବାକୁ ନେଇ ସୁଶାନ୍ତଙ୍କୁ ମାଲିକ ରବୀନ୍ଦ୍ର ମାଡ ମାରିଥିଲା ଓ ମଦ ପିଆଇ ପୋଖରୀକୁ ଫିଙ୍ଗି ଦେଇଥିଲା । ପରେ ସୁଶାନ୍ତର ଚେତା ନଆସିବାରୁ ତାକୁ ଘରକୁ ନେଇ ବିଷ ପିଆଇଦେଇଥିଲା । ପରେ ବନ୍ତ ସ୍ୱାସ୍ଥ୍ୟ କେନ୍ଦ୍ରକୁ ଆଣି ସେଠାରୁ ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲା । ଏବେ ସେ କିଛି ଦିନ ତଳେ କଟକ ବଡ ମେଡିକାଲର ଆଇସିୟୁରେ ଚିକିତ୍ସିତ ହୋଇ ଫେରିଥିଲେ ।

ଏ ଘଟଣା ନେଇ ଚାଇଲ୍ଡ ଲାଇନକୁ କୌଣସି ବ୍ୟକ୍ତି କଲ କରି ସୂଚନା ଦେଇଥିଲେ । ତେବେ ଚାଇଲଡ଼ ଲାଇନ ବନ୍ତ ଥାନାରେ ଲିଖିତ ଅଭିଯୋଗ କରିଥିଲା  । ପରେ ବନ୍ତ ପୋଲିସ ଅଭିଯୁକ୍ତ ରବୀନ୍ଦ୍ର ନାୟକକୁ ଗିରଫ କରି କୋର୍ଟ ଚାଲାଣ କରିଥିଲା । ଏବେ ନାବାଳକଙ୍କ ମା ଏକ ସାମ୍ବାଦିକ ସମ୍ମିଳନୀରେ ଘଟଣାଟି ସମ୍ପୂର୍ଣ ମିଥ୍ୟା ବୋଲି ଅଭିଯୋଗ କରିଛନ୍ତି । ସେ ଅଭିଯୁକ୍ତକୁ ସମ୍ପର୍କୀୟ ବୋଲି କହିବା ସହ ତାଙ୍କ ପୁଅକୁ କୌଣସି ପ୍ରକାର ନିର୍ଯାତନା ଦିଆଯାଇ ନାହିଁ ବୋଲି କହିଛନ୍ତି । ତେବେ ତାଙ୍କ ପୁଅକୁ ତାଙ୍କୁ ଭେଟିବା ପାଇଁ ଦେଉନଥିବା କହିଛନ୍ତି ଲକ୍ଷ୍ମୀପ୍ରିୟା । ଶିଶୁମଙ୍ଗଳ କମିଟି ଓ ଚାଇଲ୍ଡ ଲାଇନରେ ତାଙ୍କୁ ଦୁର୍ବ୍ୟବହାର ହୋଇଥିବା ଅଭିଯୋଗ କରିଛନ୍ତି । 

   Related Posts