ସାଲେପୁର ୦୬।୦୯: ବେଆଇନ ଗୋରୁ ଚାଲାଣ ବେଳେ ଧରିଲା ବଜରଙ୍ଗୀ ସେନା । ଆଗଠଗଡ଼ରୁ କୋଲକାତା ବେଆଇନ୍ ଭାବେ ଗୋରୁ ଚାଲାଣ ହେଉଥିଲା । ଜଗତପୁର ଥାନା ଓ ଚୌଦ୍ୱାର ଥାନାରୁ ୨ଟି ଅଞ୍ଚଳରୁ ଧରିଛନ୍ତି ବଜରଙ୍ଗ ସେନା ।
ଜଗତପୁର ଗୋଲେଇ ଛକ ଓ ଚୌଦ୍ୱାର କଖଡିର ବିଭିନ୍ନ ସ୍ଥାନରେ ରାଷ୍ଟ୍ରୀୟ ବଜରଙ୍ଗୀ ସେନା ଓ ବିଶ୍ୱହିନ୍ଦୁ ପରିଷଦ ମିଳିତ ଭାବେ ଦୁଇଟି ଗୋରୁ ବୋଝେଇ ଗାଡି ଜବତ କରିଛି । ବେଆଇନ ଭାବେ ଏହି ଗୋରୁ ଗାଡି ଆଠଗଡରୁ କୋଲକାତା ଅଭିମୁଖେ ଯାଉଥିବା ସମୟରେ ଜବତ ହୋଇଛି ।
ତେବେ ଜବତ ହୋଇଥିବା ଗାଡିରୁ ପ୍ରାୟ ୫୦ରୁ ଅଧିର ଗୋରୁ ଉଦ୍ଧାର କରାୟାଇଛି । ଏହାସହ ଗୋରୁ ଗାଡିରୁ ଲଙ୍କା ଗୁଣ୍ଡ, ମାରଣାସ୍ତ୍ର ଥିବା ଜଣାପଡିଛି । ପରେ ରାଷ୍ଟ୍ରୀୟ ବଜରଙ୍ଗୀ ସେନା ଜଗତପୁର ପୋଲିସ ଓ ଚୌଦ୍ୱାର ପୋଲିସଙ୍କ ହେପାଜତରେ ଦେଇଛନ୍ତି ଜବତ ହୋଇଥିବା ଗାଡି ଓ ଗୋରୁ । ସମସ୍ତ ଗୋରୁଙ୍କୁ ଗୋଶାଳାକୁ ସ୍ଥାନାନ୍ତର କରାଇବେ ବୋଲି ସୂଚନା ମିଳିଛି।
