ନୂଆଦିଲ୍ଲୀ ୦୩।୦୮: ଆଜିକାଲି ସମସ୍ତଙ୍କୁ ଘାରିଛି ଡାଏଟ୍‌ ନିଶା । ପତଳା ହେବା ପାଇଁ କିଏ ଖାଇବା ଛାଡୁଛନ୍ତି ତ ଆଉ କିଏ ମାତିଛନ୍ତି ଏକ୍ସସରସାଇଜ୍‌ରେ । ଡାଏଟ୍‌ ଯୋଗୁଁ ଏମିତି ଅନେକଙ୍କ ଚାଲିଯାଇଛି ଜୀବନ । ଏବେ ସେହିଭଳି ଏକ ଖବର ସାମ୍ନାକୁ ଆସିଛି । ଡାଏଟ୍ ଯୋଗୁଁ ଜଣେ ଫୁଡ୍ ବ୍ଲଗର୍‌ଙ୍କ ଚାଲିଯାଇଛି ଜୀବନ । ଏହି ମହିଳା ଜଣକ ହେଉଛନ୍ତି ଋଷର ।

ଏହି ମହିଳା ଅନେକ ସମୟରେ ସୋଶିଆଲ୍ ମିଡିଆରେ କଞ୍ଚା ଖାଦ୍ୟ ଖାଇବାର ପ୍ରମୋସନ୍ କରିଥାନ୍ତି । ଏବେ ତାଙ୍କର ମୃତ୍ୟୁ ହୋଇଯାଇଛି । ରିପୋର୍ଟ ଅନୁଯାୟୀ ଯୁବତୀଙ୍କର ନାଁ ହେଉଛି ଜନ୍ନା ସମସୋନୋଭା। ତାଙ୍କ ବୟସ ୩୯ । ଡି ଆର୍ଟ ଭାବେ ପରିଚିତ ଜତ୍ରାଙ୍କର ଚିକିତ୍ସା ସମୟରେ ମୃତ୍ୟୁ ହୋଇଥିବା ଖବର ରହିଛି ।

ଡେଲିମେଲ୍‌ର ରିପୋର୍ଟ ଅନୁଯାୟୀ ବିଦେଶୀ ଫଳର ଡାଇଟ୍‌ ଯୋଗୁଁ ଅନାହାର ଏବଂ ଥକାପଣ ଯୋଗୁଁ ତାଙ୍କର ମୃତ୍ଯୁ ହୋଇଛି । ଜନ୍ନା କିଛି ମାସ ପୂର୍ବରୁ ଶ୍ରୀଲଙ୍କାରେ ଥିଲେ । ତାଙ୍କ ପାଦ ଫୁଲିଯିବା ସହ ସେଥିରୁ ପାଣି ବାହାରୁଥିଲା । ଏହାକୁ ନେଇ ତାଙ୍କ ବନ୍ଧୁ ଚିକିତ୍ସା ପାଇଁ ହସ୍ପିଟାଲ୍ ନେଇଥିଲେ । କିନ୍ତୁ ସେ ଚିକିତ୍ସା ପାଇଁ ମନା କରିଦେଇଥିଲେ ।

ଜନ୍ନା କଞ୍ଚା ଭେଜିଟେରିୟନ ଫ୍ରୁଟ୍ସ ଖାଉଥିଲେ । ସେ ବିଗତ ୧୦ ବର୍ଷରୁ ଡାଏଟ୍ ଫଲୋ କରୁଥିଲେ । ପ୍ରଥମ ପ୍ରଥମରୁ ସେ କେତେବେଳେ କେମିତି ମାଛ ଏବଂ ଖୀର ଜାତୀୟ ଖାଦ୍ୟ ଖାଇ ଦେଉଥିଲେ । କିନ୍ତୁ ପରେ ଏହା ବନ୍ଦ କରିଦେଇଥିଲେ । ଜନ୍ନାଙ୍କ ବନ୍ଧୁଙ୍କ ଦାବି  ଅନୁଯାୟୀ, ସେ ଅନେକ ବର୍ଷରୁ ଡାଏଟ୍‌ରେ କେବଳ, ସୂର୍ଯ୍ୟମୁଖୀ ମଞ୍ଜିର ଅଙ୍କୁର , ଫଳର ସ୍ମୁଦି, ଏବଂ ପଣସ ହିଁ ଖାଉଥିଲେ । ତାଙ୍କ ବନ୍ଧୁଙ୍କ କହିବା କଥା ହେଉଛି ସେ ବିଗତ ସାତ ବର୍ଷରୁ କଣ୍ଟାଜାତୀୟ ଖାଦ୍ୟ ଖାଉଛନ୍ତି ।

ଖବର ଅନୁଯାୟୀ କଞ୍ଚା ଖାଦ୍ୟ ଖାଇବାର ମୋଟିଭେସନ୍ ତାଙ୍କୁ ତାଙ୍କ ସାଙ୍ଗଠାରୁ ମିଳିଥିଲା । ଯିଏକି ନିଜ ବୟସଠାରୁ କମ୍ ଦେଖାଯାଉଥିଲେ । ସେ ତାଙ୍କର ଏକ ଭିଡିଓ କହିଥିଲେ କି ସେ ଡାଏଟ୍‌ରେ ପ୍ରତିଦିନ ନିଜ ଶରୀର ଏବଂ ମସ୍ତିଷ୍କ ବଦଳୁଥିବା ଜାଣିବାକୁ ପାଉଥିଲେ । ହେଲଥ୍‌ଲାଇନ୍ ଅନୁଯାୟୀ, କଞ୍ଚା ଫ୍ରୁଟ୍ସ ରେ ଅନେକ ଫାଇଦା ହୋଇଥାଏ । ଏହା ଓଜନ ହ୍ରାସ, ହାର୍ଟ ସୁସ୍ଥ ରହିବା ଏବଂ ଡାଇବେଟିସ୍‌ର ଆଶଙ୍କା କମ୍ ହୋଇଥାଏ ।

ଏହାବ୍ୟତୀତ କଞ୍ଚା ଫଳ ଖାଇବା ମଧ୍ୟ କ୍ଷତିକାରକ । ଯେଉଁଥିରେ ଭିଟାମିନ୍ ଡି ର କମ୍‌, ଭିଟାମିନ୍ ବି୧୨ର କମ୍‌ କାରଣରୁ ଏନିମିୟା, ନର୍ଭସ ସିଷ୍ଟମ ଡ୍ୟାମେଜ ଏବଂ ହାର୍ଟରେ ଅସୁବିଧା ହୋଇପାରେ । ଜନ୍ନାଙ୍କ ବନ୍ଧୁଙ୍କ କହିବା କଥା ଯେ ତାଙ୍କର କଞ୍ଚା ଖାଦ୍ୟ ଖାଇବାରୁ ହିଁ ତାଙ୍କ ମୃତ୍ୟୁର କାରଣ ହୋଇଛି । ତାଙ୍କ ମାନିବା ହେଉଛି ଜତ୍ରା ଖାଇଥିବା ଖାଦ୍ୟରେ ଥିବା କେମିକାଲ୍ କାରଣରୁ ହିଁ ତାଙ୍କର ମୃତ୍ୟୁ ହୋଇଛି ।  

You Can Read: