ନୂଆଦିଲ୍ଲୀ: ବେଦାନ୍ତ ମିଲିଟେଡ୍ ନିଜର ସେୟାର ଧାରକଙ୍କ ପାଇଁ ବଡ଼ ଘୋଷଣା କରିଛି । ବିଦାନ୍ତ ମିଲିଟେଡର ବୋର୍ଡ ଅଫ ଡାଇରେକ୍ଟର୍ସ ପ୍ରତି ସେୟାର ଉପରେ ୧୨୫୦ ପ୍ରତିଶତ (ପ୍ରତି ସେୟାର ଉପରେ ୧୨.୫୦ ଟଙ୍କା)ର ଅନ୍ତରିଣ ଡିଭିଡେଣ୍ଡ ଘୋଷଣା କରିଛି । ଏହା ଆର୍ଥିକ ବର୍ଷ ୨୦୨୨-୨୩ ପାଇଁ କମ୍ପାନିର ଚତୁର୍ଥ ଅନ୍ତରିଣ ଡିଭିଡେଣ୍ଡ ଅଟେ । ବେଦାନ୍ତ ଅନ୍ତରିଣ ଡିଭିଡେଣ୍ଡର ରେକର୍ଡ ତାରିଖ ଫେବ୍ରୁଆରୀ ୪ ଧାର୍ଯ୍ୟ କରିଛି । କମ୍ପାନିର ସେୟାର ଶୁକ୍ରବାର ୩୧୯.୮୫ ଟଙ୍କାରେ ବନ୍ଦ ହୋଇଥିଲା ।
ବେଦାନ୍ତ ଲିମିଟେଡକୁ ଚଳିତ ଆର୍ଥିକ ବର୍ଷ ୨୦୨୨ ଡିସେମ୍ୱର ତ୍ରୈମାସରେ ୩୦୯୨ କୋଟି ଟଙ୍କାର ନେଟ୍ ପ୍ରଫିଟ୍ ହୋଇଛି । ବାର୍ଷିକ ଆଧାରରେ ବେଦାନ୍ତର ଶୁଦ୍ଧ ଲାଭରେ ୪୨ ପ୍ରତିଶତ କମ ରହିଛି । ପୂର୍ବ ଆର୍ଥିକ ବର୍ଷର ସମାନ ଅବଧିରେ ବେଦାନ୍ତକୁ ମୋଟ ୫,୩୫୪ କୋଟି ଟଙ୍କାର ଶୁଦ୍ଧ ଲାଭ ହୋଇଥିଲା । ୨୦୨୨ ଡିସେମ୍ୱର ତ୍ରୈମାସରେ କମ୍ପାନିର ଅପରେଟିଂ ଆୟ ୩୩,୬୯୧ କୋଟି ଟଙ୍କା ରହିଥିଲା ।
ଅକ୍ଟୋବର-ଡିସେମ୍ୱର ୨୦୨୨ ତ୍ରୈମାସରେ ବେଦାନ୍ତର ଇବିଟା ୭୧୦୦ କୋଟି ଟଙ୍କା ରହିଥିଲା । କମ୍ପାନିର ଇବିଟା ମାର୍ଜିନ ୨୪ ପ୍ରତିଶତ ରହିଛି । ବେଦାନ୍ତ ଲିମିଟେଡ୍ ଏହା ପୂର୍ବରୁ ଚଳିତ ଆର୍ଥିକ ବର୍ଷରେ ୩ ଥର ଅନ୍ତରିଣ ଡିଭିଡେଣ୍ଟ ଦେଇସାରିଛି ।
