ବାସ୍ତୁଶାସ୍ତ୍ରକୁ ବିଜ୍ଞାନ ବୋଲି ବିବେଚନା କରାଯାଉଛି । ଛୋଟ ଘରଠୁ ନେଇ ବଡ ବଡ ଟାଉନସିପ୍‌ ପର୍ଯ୍ୟନ୍ତ ବିଭିନ୍ନ ନିର୍ମାଣ କ୍ଷେତ୍ରରେ ବାସ୍ତୁର ପ୍ରୟୋଗ ବୃଦ୍ଧି ପାଇବାରେ ଲାଗିଛି ।  ପ୍ରକୃତରେ ବାସ୍ତୁ ପ୍ରକୃତିର ପଞ୍ଚ ତତ୍ତ୍ବ (ପୃଥ୍ବୀ, ଅଗ୍ନି, ବାୟୁ, ଆକାଶ ଏବଂ ଜଳ)ର ସନ୍ତୁଳନ ବିଜ୍ଞାନ । ଉପଯୁକ୍ତ ଦିଗରେ ଉପଯୁକ୍ତ ଜିନିଷ ରଖିବା ସହ ଏଥିରୁ ପ୍ରାପ୍ତ ସକାରାତ୍ମକ ଶକ୍ତିକୁ କାମରେ ଲଗାଇବା ହେଉଛି ବାସ୍ତୁ ବିଜ୍ଞାନର ଉଦ୍ଦେଶ୍ୟ ।

{"id":124509,"width":575,"height":431}

ସାଧାରଣତଃ ବାସ୍ତୁ ବିଶେଷଜ୍ଞମାନେ ଘରେ ଛୋଟ ଝରଣା, ଜଳକୁଣ୍ଡ ତଥା ଜଳ ସମ୍ବଧୀୟ ସୋ ପିସ ବା ଫଟୋଚିତ୍ର ଲଗାଇବା ଲାଗି ପରାମର୍ଶ ଦେଇଥାନ୍ତି । ପ୍ରକୃତିରେ ଏଭଳି ପରାମର୍ଶର କାରଣ ହେଉଛି ସଂପୃକ୍ତ ଗୃହର ଜଳ ତତ୍ତ୍ବକୁ ସନ୍ତୁଳିତ କରିବା ସହ ଏଥିରୁ ଉତ୍ପନ୍ନ ସକରାତ୍ମକ ଶକ୍ତିକୁ ନିଜର କଲ୍ୟାଣ ନିମନ୍ତେ ବ୍ୟବହାର କରିବା ପାଇଁ ହୋଇଥାଏ ।

{"id":124503,"width":577,"height":354}

ପ୍ରବାହିତ ଜଳ ପାଖଆଖର ବାତବରଣକୁ ଗତିଶୀଳ କରିବାରେ ସହାୟକ ହୋଇଥାଏ ।ମାନବ ମସ୍ତିସ୍କର ଅଧିକାଂଶ ଅଂଶ ଜଳ ତତ୍ତ୍ବରେ ପରିପୂର୍ଣ୍ଣ ହୋଇଥାଏ । ତେଣୁ ଘରେ ପ୍ରବାହିତ ଜଳ ତତ୍ତ୍ବ ରହିବା ଦ୍ବାରା ବ୍ୟକ୍ତି ସର୍ବଦା ଚଳଚଞ୍ଚଳ ରହିଥାଏ। ମସ୍ତିସ୍କ ସକ୍ରୀୟ ରହିବା ସହ ତୀଖ୍ନ ହୋଇଥାଏ ।

{"id":124508,"width":575,"height":429}

ବାସ୍ତୁ ଶାସ୍ତ୍ରରେ ଯେପରି ବିଭିନ୍ନ ଦିଗ ଓ ଦିଗ ଅନୁସାରେ ଜିନିଷ ରଖିବା ଗୁରୁତ୍ବପୂର୍ଣ୍ଣ ହୋଇଥାଏ ଠିକ ସେହିଭଳି ଫେଙ୍ଗସୁଇ ମଧ୍ୟ ଦିଗ ଓ ଦିଗ ଅନୁସାରେ ଜିନିଷ ରଖିବା ଉପରେ ବିଶେଷ ଗୁରୁତ୍ବ ପ୍ରଦାନ କରିଥାଏ।  ଏଭଳି କରିବାର କାରଣ ହେଉଛି ଦିଗ ହିଁ ଆମକୁ ଉନ୍ନତି ଆଡକୁ ଅଗ୍ରସର କରାଇଥାଏ । ବାସ୍ତୁ ଅନୁସାରେ ଘରେ ପାଣିର ସ୍ଥାନ କେଉଁ ଦିଗରେ ଓ କେଉଁଠି ହେବା ଆବଶ୍ୟକ ସେ ସମ୍ପର୍କରେ ବିସ୍ତୃତ ଭାବେ କୁହାଯାଇଛି ।

{"id":124504}

ବାଲକୋନୀ-ବାସ୍ତୁଶାସ୍ତ୍ର ଅନୁସାରେ ବ୍ୟବସାୟରେ ଉନ୍ନତି , ପରିବାରରେ ସୁଖ ଓ ସମୃଦ୍ଧି, ଖରାପ ନଜରରୁ ରକ୍ଷା ପାଇଁ ଘରର ବାଲକୋନୀରେ କୌଣସି ଜଳ ତତ୍ତ୍ବ ରଖିବା ଆବଶ୍ୟକ ।ଏହା ସୋ ପିସ ବା ଫଟୋଚିତ୍ର ହେଲେ ମଧ୍ୟ ଚଳିବ

{"id":124507,"width":578,"height":354}

ଉତ୍ତର-ପୂର୍ବ କୋଣ- ଘରର ଉତ୍ତର-ପୂର୍ବ କୋଣରେ ମାଟିରେ ନିର୍ମିତ ପାତ୍ର ବା ସୁରେଇରେ ପାଣିଭର୍ତ୍ତି କରି ରଖିବା ଶୁଭ ପ୍ରଦ ହୋଇଥାଏ । ଏଭଳି କରିବା ଦ୍ବାରା ଘରେ ରହୁଥିବା ଲୋକଙ୍କ ଦୁର୍ଭାଗ୍ୟ ଦୂର ହେବା ସହ ସବୁ କାମରେ ସଫଳତା ପ୍ରାପ୍ତି ହୋଇଥାଏ ।

{"id":124505}

ରୋଷେଇ ଘର- ଜଳ ତତ୍ବ ସମ୍ପର୍କିତ କୌଣସି ସୋ ପିସ ବା ଫଟୋଚିତ୍ର ରୋଷଇ ଘରେ ଲଗାଇବା ଉଚିତ ନୁହେଁ । ରୋଷେଇ ପାଇଁ ଆବଶ୍ୟକ ଜଳ ବ୍ୟତୀତ ଅନ୍ୟ କୌଣସି ଜଳତତ୍ବ ରୋଷେଇ ଘରେ ରଖିବା ଅନୁଚିତ

ୱାଟରଫଲ- ଘରେ ଯଦି ବଗିଚାପାଇଁ ସ୍ଥାନ ରହିଛି ବା ବଗିଚାରେ ଆପଣ ୱାଟରଫଲ ସ୍ଥାପନା କରିବାକୁ ଚାହୁଁଥାନ୍ତି ତାହେଲେ ତାକୁ ଏମିତି ଢଂଗରେ ସ୍ଥାପନା କରନ୍ତୁ ଯେମିତି ପାଣି ଆପଣଙ୍କ ଘର ଆଡକୁ ମୁଁ କରି ପ୍ରବାହିତ ହେବ । ବିପରୀତ ଦିଗରେ ପାଣି ପ୍ରବାହିତ ହେଲେ ଆପଣଙ୍କ ପାଇଁ ଅଶୁଭ କାରକ ହେବ । ଉନ୍ନତି ବାଧାପ୍ରାପ୍ତ ହେବ।

{"id":124506,"width":575,"height":388}

ଝରଣା- ଯଦି ଘରେ ଫାଉଣ୍ଟେନ ବା ଝରଣା ରଖିବାକୁ ଚାହାନ୍ତି ତାହେଲେ ଘରର ଉତ୍ତର ଦିଗରେ ବା ଦକ୍ଷିଣ-ପୂର୍ବ ଦିଗରେ ଝରଣା ରଖନ୍ତୁ । ଏହା ବେଶ ଶୁଭପ୍ରଦ ହେବ । ସୌଭାଗ୍ୟ ମଧ୍ୟ ଆଣିବ ।