ନୂଆଦିଲ୍ଲୀ ୨୫/୦୬: ଶନି ଦେବଙ୍କୁ ନ୍ୟାୟ ଏବଂ କର୍ମର ଫଳ ଦେଉଥିବା ଭଗବାନ କୁହାଯାଏ । ତାଙ୍କୁ ସମସ୍ତ ଗ୍ରହର ବିଚାରପତି ଭାବରେ ମଧ୍ୟ ବିବେଚନା କରାଯାଏ। ଶନି ଦେବ ସମସ୍ତଙ୍କୁ ଭଲ ଏବଂ ଖରାପ କାର୍ଯ୍ୟ ଅନୁଯାୟୀ ଫଳ ଦେଇଥାନ୍ତି । ଯଦି କୁଣ୍ଡଳୀରେ ଶନି ଦୋଶ କିମ୍ବା ଶନିଙ୍କ ଅଶୁଭ ଦୃଷ୍ଟି ରହିଥାଏ ତେବେ ଜୀବନ ଅନେକ ସମସ୍ୟାର ସମ୍ମୁଖୀନ ହୋଇଥାଏ । କର୍ମଫଳ ଦାତା ଶନିଦେବଙ୍କୁ ଶନିବାର ଉତ୍ସର୍ଗିକୃତ । ଜ୍ୟୋତିଷ ଶାସ୍ତ୍ର ଏବଂ ବାସ୍ତୁ ଶାସ୍ତ୍ର ଅନୁଯାୟୀ, ଏହି ଦିନ କିଛି ବିଶେଷ ଉପାୟ ଗ୍ରହଣ କରିବା ଦ୍ୱାରା ଶନି ଦେବଙ୍କ କୃପା ମିଳିଥାଏ। ଆସନ୍ତୁ ଜାଣିବା ସେହି ପଦକ୍ଷେପଗୁଡ଼ିକ ବିଷୟରେ ...
ସୁଖ-ସମୃଦ୍ଧି ବୃଦ୍ଧି ପାଇଁ:
ଶନିବାର ସନ୍ଧ୍ୟାରେ ଓସ୍ତ ଗଛ ତଳେ ଏକ ଚାରି ମୁଖର ଦୀପ ଜାଳନ୍ତୁ । ଏହା ଜୀବନର ସମସ୍ତ ସମସ୍ୟା , ଅନ୍ନ ଏବଂ ଅର୍ଥ ସମ୍ବନ୍ଧୀୟ ସମସ୍ୟାକୁ ଦୂର କରିଥାଏ। ସମାଜରେ ଯଶ ଏବଂ ବୈଭବ ପ୍ରାପ୍ତ ହୋଇଥାଏ।
ଶନିଙ୍କ ସମସ୍ତ ଦୋଷରୁ ମୁକ୍ତି ପାଇବା ପାଇଁ:
ଧାର୍ମିକ ବିଶ୍ୱାସ ଅନୁଯାୟୀ, ଯେଉଁମାନେ ହନୁମାନଙ୍କୁ ପୂଜା କରନ୍ତି ସେମାନଙ୍କ ଉପରେ ଶନି ଦେବଙ୍କ ଅସୀମ କୃପା ରହିଥାଏ । ବିଶେଷ କରି ଏହି ଦିନ ହନୁମାନ ମନ୍ଦିରକୁ ଯାଇ ପ୍ରଭୁ ହନୁମାନଙ୍କ ସାମ୍ନାରେ ବସି ହନୁମାନ ଚଳିସା ପାଠ କରନ୍ତୁ । ଆପଣଙ୍କର ସମସ୍ୟା ଦୂର କରିବାକୁ ପ୍ରାର୍ଥନା କରନ୍ତୁ । ଏହାଦ୍ୱାରା ଶନି ଦେବଙ୍କ ଅପାର ଆଶୀର୍ବାଦ ମିଳିଥାଏ ଏବଂ ଶନିଙ୍କ ସମସ୍ତ ଦୋଶରୁ ମୁକ୍ତି ମିଳିଥାଏ ।
ଖରାପ କର୍ମ ଦୁର କରିବା ପାଇଁ:
ଶନିବାର ଦିନ ସୋରିଷ ତେଲ, କଳା କପଡା, କଳା ଚଣା ଇତ୍ୟାଦି କୌଣସି ଗରିବ ଏବଂ ଅସହାୟ ବ୍ୟକ୍ତିଙ୍କୁ ଦାନ କରନ୍ତୁ । ଏହା କୌଣସି କାର୍ଯ୍ୟ କିମ୍ବା ଜିନିଷର ଖରାପ ଫଳାଫଳକୁ ଦୂର କରିଥାଏ । ଏହା ସହିତ, ଶନି ଦେବଙ୍କ ଅପାର ଆଶୀର୍ବାଦ ପ୍ରାପ୍ତ ହୋଇଥାଏ ।
