ବାରଣାସୀ ୨୬/୧- ଗାର୍ଲଫ୍ରେଣ୍ଡକୁ ଖୁସି କରିବାକୁ ବ୍ୟାଙ୍କ ଡ଼କାୟତି କରୁଥିବା ଡ଼କାୟତ ମାନେ ପୋଲିସ ହାତରେ ପଡ଼ିଛନ୍ତି ଧରା । ଭଲ ରେଷ୍ଟୁରାଣ୍ଟରେ ଖୁଆଇବା, ବିଭିନ୍ନ ଜିନିଷ ଗିପ୍ଟ କରିବା, ଦାମୀ ଡ଼୍ରେସ ପରଫ୍ୟୁମ କିଣିଦେବା ଆଦି ସୌକୀନ ଜିନିଷ କିଣିଦେବା ପାଇଁ ବ୍ୟାଙ୍କ ଡ଼କାୟତି କରିବା ମୂଖ୍ୟକାରଣ ବୋଲି ଗିରଫ ହୋଇଥିବା ଡ଼କାୟତମାନେ ସ୍ଵୀକାର କରିଛନ୍ତି ।
{"id":78504}ଏହିଭଳି ଘଟଣା ଘଟିଛି ବାରଣାସୀର ବଡ଼ ଲାଲପୁର ଅଂଚଳରେ । ସିଣ୍ଡିକେଟ ବ୍ୟାଙ୍କ ଡ଼କାୟତି ବେଳେ ସିସିଟିଭି ଫୁଟେଜ ଆଧାର କରି ପୋଲିସ ଅପରାଧୀଙ୍କୁ ଧରିଛି । ଅପରାଧୀମାନେ ଗ୍ୟାସ କଟରରେ ଲକର ଫିଟାଇବା ଦୃଶ୍ୟ କଏଦ ହୋଇଛି ସିସିଟିଭି ଫୁଟେଜରେ । କେବଳ ସିଣ୍ଡିକେଟ ବ୍ୟାଙ୍କ ନୁହେଁ , ଏହା ପୂର୍ବରୁ ବାରଣାସୀର ଷ୍ଟେଟବ୍ୟାଂକରେ ମଧ୍ୟ ଡ଼କାୟତି ହୋଇଥିବାର ରେକର୍ଡ଼ ରଖିଛି ପୋଲିସ ।
ଏହି ଡ଼କାୟତମାନେ ବିଭିନ୍ନ ବ୍ୟାଙ୍କରୁ ଡ଼କାୟତି କରିଥିଲେ । କିନ୍ତୁ ପୋଲିସ ଆଖିରେ ଧୂଳିଦେଇ ଖସିଯାଉଥିବା କଥା କହିଛନ୍ତି ଏଏସପି ଅମିତ କୂଲକର୍ଣ୍ଣି । ଏଏସପିଙ୍କ କହିବା ଅନୁସାରେ ଡ଼କାୟତମାନେ ରାତିରେ ବ୍ୟାଙ୍କରୁ ଲୁଟ କରୁଥିଲେ ଓ ସେମାନଙ୍କର ଗ୍ୟାଙ୍ଗ୍ ମଧ୍ୟ ଥିଲା ।
{"id":78505}ସେମାନେ ଗାର୍ଲଫ୍ରେଣ୍ଡଙ୍କୁ ଖୁସି କରିବାକୁ ବ୍ୟାଙ୍କ ଡ଼କାୟତି କରୁଥିବା ସ୍ଵୀକାର କରିଛନ୍ତି । ସେମାନେ ଗାର୍ଲଫ୍ରେଣ୍ଡକୁ ଖୁସି କରିବାକୁ ଅଧିକ ପରିମାଣରେ ଅର୍ଥ ଦରକାର ପଡ଼ୁତିବାରୁ ବ୍ୟାଙ୍କ ଡ଼କାୟତି କରୁଥିବା କଥା କହିଛନ୍ତି ।
{"id":78506}
ଗିରଫ ହୋଇଥିବା ଡ଼କାୟତମାନେ ମନୋଜ ପଟେଲ, ରୋହିତ ପଟେଲ, ଅମରଦୀପ ପଟେଲ ବୋଲି ଜଣାପଡ଼ିଛି । ପୋଲିସ ଗିରଫକରି ଡ଼କାୟତଙ୍କୁ କୋର୍ଟ ଚାଲାଣ କରିଛି ।